Əhməd Mehbalıyev

Vikipediya, azad ensiklopediya
Jump to navigation Jump to search
Əhməd Mehbalıyev
Əhməd Mehbalıyev.jpg
Şəxsi məlumatlar
Doğum tarixi 1 sentyabr 1968(1968-09-01)
Doğum yeri Şərur rayonu, Qıvraq kəndi, Azərbaycan Azərbaycan SSR
Vəfat tarixi 25 iyun 1993 (24 yaşında)
Vəfat yeri Azərbaycan
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Coat of arms of the Azerbaijani Armed Forces.png A.R. Silahlı Qüvvələri
Qoşun növü Tank qoşunları
Xidmət illəri 1989-1993
Rütbə Baş leytenant
Vəzifəsi Taqım komandiri
Döyüşlər Qarabağ müharibəsi
Təltifləri "Azərbaycan Bayrağı" ordeni

Əhməd MehbalıyevQarabağ müharibəsi şəhidi, Azərbaycan bayrağı ordeni mükafatçısı.[1]

Həyatı[redaktə | əsas redaktə]

Əhməd Suliddin oğlu Mehbalıyev 1968-ci il sentyabr ayının 1-də Naxçıvan Muxtar Respublikasının Şərur rayonunun Qıvraq kəndində anadan olub.

Təhsili[redaktə | əsas redaktə]

Cəmşid Naxçıvanski adına Hərbi Məktəbə qəbul olmuş və buradakı təhsilini bitirdikdən sonra ali hərbi təhsil almaq üçün Kazana yollanmışdır. Buradakı Kazan Ali Tank Məktəbini 1989-cu ildə bitirmişdir.

Hərbi karyerası[redaktə | əsas redaktə]

1989-cu ilin 22 iyulunda ali hərbi təhsilini tank komandiri kimi leytenant rütbəsi alaraq bitirmişdir. Daha sonra o, Kiyevdə, Moskvada SSRİ-nin tank qoşunları diviziyalarında xidmət etmişdir.

Qarabağ müharibəsində iştirakı[redaktə | əsas redaktə]

Qarabağ müharibəsi başlayanda Ə.Mehbalıyev Azərbaycana geri dönmüşdür. Qarabağ müharibəsində ilk döyüşünü Şuşada keçirmişdir. Şuşanın müdafiəsi zamanı xeyli erməni tankını məhv etmişdir. Bundan sonra taqım komandiri kimi Laçın, Qubadlı, Kəlbəcər, Tərtər bölgələrində gedən ağır döyüşlərdə iştirak etmişdir.

25 iyun 1993-cü ildə Ağdamın Qızıl-Kəngərli kəndində, texnika cəhətdən üstün olan erməni silahlı dəstələri ilə gedən qızğın döyüşlərdə şəhid olmuşdur.[1]

Xatirəsi[redaktə | əsas redaktə]

2018-ci ilin sentyabr ayının 1-də Əhməd Mehbalıyevin 50 illiyi qeyd edilmişdir. Qarabağ müharibəsi şəhidlərinə həsr edilmiş bir çox kitabda onun haqqında məlumat vardır.

Qaraçuxur qəsəbəsində onun adını daşıyan küçə vardır.

Əhmədin komandiri baş leytenant P.Mahmudov onun sonuncu döyüşü haqqında danışanda bunları deyib:[1]

" Bir il idi ki, birlikdə vuruşurduq. Çox komandirlər görmüşdüm, amma tank komandiri Əhməd Mehbalıyev kimi özünü odun-alovun içinə atanı görməmişdim. Elə bil ki, sıravi döyüşçü idi. Dəfələrlə çıxılmaz vəziyyətdə qalan taqımı səriştəsi və bacarığı hesabına itkisiz xilas etmişdi. Heç vaxt özünü gözləmirdi. Elə o axırıncı döyüşdə də kişi kimi döyüşdü. Ağır yaralansa da, döyüşdən çıxmırdı. Ağdamın Qızıl-Kəngərli kəndindəki döyüşü daha ağır keçdi. Düşmən həddən artıq güclü texnika ilə hücuma keçmişdi. Əhməd idarə etdiyi tankla bir neçə saat bu hücumun qarşısını ala bilsə də, özü barədə düşünmədi. Sentyabr ayında 25 yaşı tamam olacaqdı, onu vaxtsız itirdik... "

Mükafatları[redaktə | əsas redaktə]

Əhməd Mehbalıyev Azərbaycan Respublikası Prezidentinin 25 iyun 1994-cü il tarixli fərmanı ilə Azərbaycan bayrağı ordeninə layiq görülüb.[1]

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 4 "Saysız erməni tankını sıradan çıxaran peşəkar zabit əhməd Mehbalıyev anılıb" (azərb. ‎). cbc.az. 01 sentyabr 2018. İstifadə tarixi: 2018-10-29. (#archive_url)