Əhməd bəy Pepinov

Vikipediya, açıq ensiklopediya
Jump to navigation Jump to search
Infobox-realisateur.png
Əhməd bəy Pepinov
Əhmədcövdət bəy Ömər bəy oğlu Pepinov
Fotoqrafiya
bayraqQazaxıstan SSR Maarif Nazirinin müavinibayraq
10 dekabr 1936 — 23 yanvar 1938
Sələfi vəzifə təsis edilib
bayraqAzərbaycan Xalq Cümhuriyyəti Parlamentinin Katibibayraq
7 dekabr 1918 — 1 aprel 1920
Sələfi vəzifə təsis edilib
Xələfi vəzifə ləğv olunub
bayraqAzərbaycan Xalq Cümhuriyyətinin Əmək və Əkinçilik naziribayraq
24 dekabr 1919 — 1 aprel 1920
Sələfi vəzifə təsis edilib
Xələfi vəzifə ləğv olunub
bayraqAzərbaycan Xalq Cümhuriyyəti Milli Şurasının üzvübayraq
27 may 1918 — 3 dekabr 1918
Sələfi vəzifə təsis edilib
Xələfi vəzifə ləğv olunub
Zaqafqaziya Demokratik Federativ Respublikası Seyminin deputatıbayraq
22 aprel 1918 — 26 may 1918
Sələfi vəzifə təsis edilib
Xələfi vəzifə ləğv olunub
Zaqafqaziya Seyminin deputatıbayraq
10 fevral 1918 — 22 aprel 1918
Sələfi vəzifə təsis edilib
Xələfi vəzifə ləğv olunub

Təhsili Moskva Universiteti (1918) [1]
Doğum tarixi
1893(1893-Şablondakı doğum və ya ölüm tarixində texniki yanlışlıq var!-00)
Doğum yeri Axalkələk, Tiflis quberniyası ,Rusiya İmperiyası
Vəfat tarixi 1938(1938-Şablondakı doğum və ya ölüm tarixində texniki yanlışlıq var!-00)
Vəfat yeri Almatı, Qazaxıstan SSR
AtasıÖmər bəy Pepinov
Həyat yoldaşıXurşid Ağayeva[2]
ÖvladlarıSevda Pepinova

Əhməd bəy Ömər oğlu PepinovAzərbaycan Xalq CümhuriyyətininQazaxıstan SSR-in ictimai-siyasi və dövlət xadimi. Azərbaycan Milli Şurasının, sonra isə Azərbaycan Demokratik Respublikası Parlamentinin üzvü və katibi, 5-ci Nazirlər Kabinetində Əmək və Əkinçilik Naziri.

Həyatı[redaktə | əsas redaktə]

Əhməd bəy Pepinov 1893-cü ildə Ahıskanın Axalkələk şəhərində, Ömər Ağa Pepinovun ailəsində doğulmuşdur.

Təhsili[redaktə | əsas redaktə]

Tiflis gimnaziyasını bitirmiş, 1913-cü ildə Moskva Dövlət Universtitetinin hüquq fakultəsinə daxil olmuş, eyni zamanda, iqtisadiyyat fakültəsində də oxumuşdur. Təhsil illərində "Azərbaycan Həmyerlilər Təşkilatı"nın rəhbərlərindən biri olmuş, "Axalkələkli Əhməd Cövdət" imzası ilə "Açıq söz" qəzetinə məqalələr göndərmişdir. Tələbələrin Moskvada keçirdiyi "Azərbaycan etnoqrafik konsert gecələri"ndə və digər mədəni tədbirlərdə yaxından iştirak etmişdir.

Siyasi fəaliyyəti[redaktə | əsas redaktə]

1918-ci ildə ali təhsilini başa vuraraq Bakıya qayıdan Pepinov Cənubi Qafqazda baş verən siyasi hadisələrə fəal surətdə qoşulmuş, Zaqafqaziya Seyminin Müsəlman fraksiyasının üzvü seçilmişdir. Azərbaycan Milli Şurasının, sonra isə Azərbaycan Demokratik Cumhuriyyəti Parlamentinin üzvü və katibi vəzifəsini icra etmişdir.

Ə.Pepinov parlamentin fəaliyyətində yaxından iştirk etmiş, bir sıra mühüm məsələlərin, o cümlədən Antanta dövlətləri, GürcüstanErmənistanla münasibətlərin, "Denikin təhlükəsi"nin müzakirəsində təmsil etdiyi sosialistlər fraksiyası adından çıxış etmiş, bir sıra qanun lahyihələrinin, o cümlədən parlamentin 1919-cu il oktyabrın 20-də qəbul etdiyi "Nəşrlər istehsalı haqqında" qanununun hazırlanmasında bilavasitə iştirak etmişdir. Pepinov Azərbaycan Müəssislər Məclisinə seçkilər üzrə komissiyanın sədr müavini (sədri M.Ə.Rəsulzadə idi) seçilmişdir. Lakin "Hümmət" partiyasının üzvü kimi, müəyyən siyasi və iqtisadi məsələlərdə Azərbaycan Demokratik Cumhuriyyəti hökumətinin mövqeyi ilə razı olmamış və onun fəaliyyətini tənqid etmişdir. Nəsib bəy Yusifbəylinin təşkil etdiyi ikinci, Cumhuriyyətin isə sayca beşinci hökumət kabinəsində (24.12.1919-30.03.1920) Pepinov əmək və əkinçilik naziri idi. Bakı Dövlət Universitetinin təşkilində (1919) yaxından iştirak edən Pepinov Parlamentdə bu məsələ ilə bağlı müzakirələrin sürətləndirilməsinə, universitetin açılması üçün pul vəsaitinin ayrılmasına böyük əmək sərf etmişdir. Cumhuriyyət dövründə Bakıda təntənəli "Türk gecələri" konsertinin və digər müsabiqələrin təşkili də Pepinovun adı ilə bağlıdır.

İşğalçı on birinci Qırmızı ordunun Bakıya gözlənilən yürüşünü ləngitmək məqsədilə 1920-ci il aprelin əvvəllərində Pepinov Parlamentin digər üzvü Rəhim bəy Vəkilovla danışıqlar aparmaq üçün Qroznı şəhərinə göndərilmişdir. Aprel işğalından sonra Bakıya qayıdan Pepinov Azərbaycanda mədəni-maarif və nəşriyyat işlərinə rəhbərlik etmişdir. İyirminci illərin dövrü mətbuatında onun çox sayda məqalələri dərc olunmuşdur. Təqiblərlə üzləşən Pepinov 1930-cu ildə Ulyanovsk şəhərinə köçməyə məcbur omuşdur. Daha sonra Alma-Ataya (indiki Almatı) köçmüş (1934) Qazaxıstan SSR maarif nazirinin müavini işləmişdir.

1938-ci ildə repressiyaya məruz qalmışdır.

Ailəsi[redaktə | əsas redaktə]

Həsən bəy Ağayevin qızı Xurşid Ağayeva evlənmiş, Sevda Pepinova adlı uşağı olmuşdur. Sevda Pepinova öncə polkovnik Hacımurad İbrahimbəyli sonra isə Lütfəli Abdullayevlə ailə həyatı qurmuşdur

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]