Əkbər Qoşalı

Vikipediya, azad ensiklopediya
Jump to navigation Jump to search
Əkbər Qoşalı
azərb. Yolçuyev Əkbər Mehdi oğlu
Əkbər Qoşalı.jpg
Əkbər Qoşalı
Doğum adı Əkbər
Təxəllüsü Qoşalı
Doğum tarixi (48 yaş)
Doğum yeri Qoşa, Tovuz rayonu, Azərbaycan SSR, SSRİ
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
Atası Mehdi Yolçuyev
Təhsili Azərbaycan Texniki Universiteti (1990-1995); Azərbaycan Prezidenti yanında Dövlət İdarəçilik Akademiyası (1998-2001)
İxtisası Elektronika mühəndisi; Dövlət və bələdiyyə idaretməsi
Fəaliyyəti yazıçı
Əsərlərinin dili Azərbaycanca
Mükafatları "Tərəqqi" medalı "Azərbaycan Ordusunun 100 illiyi (1918-2018)" yubiley medalı
Vikianbarın loqosu Vikianbarda əlaqəli mediafayllar

Əkbər Qoşalı (azərb. Yolçuyev Əkbər Mehdi oğlu‎; d. 3 aprel, 1973, Qoşa k.di, Tovuz rayonu, Azərbaycan SSR, SSRİ) — nasir, publisist, şair, Azərbaycan Yazıçılar Birliyinin (1998) və Azərbaycan Jurnalistlər Birliyinin (1995) üzvü; DGTYB-nin sədri (1998–ci ildən).

Həyatı[redaktə | mənbəni redaktə et]

Əkbər Qoşalı 1973-cü il aprelin 3-də Tovuz rayonunun Qoşa kəndində anadan olub.[1] Orta təhsilini Qoşa kənd natamam orta məktəbində (1980-1988) və Çatax kənd orta məktəbində (1988-1990) alıb.[2]

Təhsili[redaktə | mənbəni redaktə et]

Əkbər Qoşalı 1990-cı ildə Azərbaycan Texniki Universitetinə (keçmiş Politexnik İnstitutu) qəbul olunub, 1995-ci ildə bu ali məktəbi “Elektronika mühəndisi” ixtisası üzrə fərqlənmə diplomu ilə bitirib. 1998-2001-ci illərdə isə Azərbaycan Prezidenti yanında Dövlət İdarəçilik Akademiyasında (keçmiş BSİPİ) “Dövlət və bələdiyyə idarəetməsi” istiqaməti üzrə ikinci ali təhsil alıb.[2]

Ailəsi[redaktə | mənbəni redaktə et]

Ailəlidir, üç övladı var.[3]

İş təcrübəsi[redaktə | mənbəni redaktə et]

Əkbər Qoşalı Dövlət orqanlarında iş təcrübəsinə 1996-cı ilin fevral ayında Gənclər və İdman Nazirliyi, Gənclərlə iş üzrə Baş İdarəsinin “Sosial proqramlar” şöbəsində təlimatçı olaraq başlayıb. Həmin ilin aprel ayından isə nazirliyin “İctimai-siyasi” şöbəsinin baş təlimatçısı vəzifəsinə keçirilib və 2000-ci ilin aprelinədək burada çalışıb.[2] Azərbaycan Prezidentinin fəxri sədrliyi ilə fəaliyyət göstərən Azərbaycanda ATATÜRK Mərkəzi yaranandan əmək fəaliyyətini burada davam etdirən Ə.Qoşalı, 2006-cı ilin aprelinədək Mərkəzin elmi əməkdaşı, 2006-cı ilin aprelindən həmin ilin noyabr ayınadək şöbə müdiri vəzifəsində çalışıb. 2006-cı ilin noyabrından 2008-ci ilin mayınadək “N” saylı h/h-də zabit kimi həqiqi hərbi xidmət keçən Ə.Qoşalı [2], hərbi xidmətdən tərxis olunduqdan sonra yenidən ATATÜRK Mərkəzinin şöbə müdiri vəzifəsinə qayıdıb və 2020-ci ilədək bu vəzifədə çalışıb. Hazırda Azərbaycan Respublikasının Milli Məclisinin Mədəniyyət komitəsinin eksperti vəzifəsində çalışır.

Müstəqil Azərbaycan Gənclərinin I Forumunda Ümummilli Lider qarşısında çıxış edib; digər Forumların nümayəndəsi olub. Bir neçə gənclər təşkilatının qurulmasında yaxından iştirak edib, təşkilat sədri, təşkilatların seçkili orqanlarının üzvü, o cümlədən, Gənclər Təşkilatları Milli Şurasının sədr müavini, Komissiya sədri olub. 2010-cu ildə 104 saylı Gədəbəy-Tovuz seçki dairəsindən Azərbaycan Respublikasının Milli Məclisinin üzvlüyünə namizədliyini irəli sürüb.[4] Hazırda, 1998-ci ildə Dünya Türk Gəncləri Birliyinin Qazaxıstanda keçirilən VIII qurultayında Dünya Gənc Türk Yazarlar Birliyi Məsləhət Şurasının başqanı [5]. olan Ə.Qoşalı, eyni zamanda Milli QHT Forumu İdarə Heyətinin (2006-cı ildən bəri) üzvü, Azərbaycan Yazıçılar Birliyi (AYB) Nəzarət-təftiş Komissiyasının sədr müavini (2014-cü ildən bəri), AYB-nin orqanları – “Ədəbiyyat Qəzeti”nin (2004-cü ildən bəri)[6] və “Ulu Çinar” jurnalının (2010-cu ildən bəri) redaksiya heyəti üzvü, CASCFEN Məclisinin üzvü, www.dgtyb.az; www.bizimyazi.az ədəbi saytlarının baş redaktorudur. “Yeni Azərbaycan” qəzetinin Ədəbiyyat şöbəsinin redaktoru olub (2011-2017). Özbəkistanın “Kitab Dünyası” qəzetinin (2017), Türkiyədə çıxan “Yüce Erek” dərginin (2001), habelə “Kərkük” qəzetinin (2006) Azərbaycan təmsilçisidir. Sumqayıtdakı Əli Kərim adına Poeziya Klubunun fəxri üzvüdür.

1998-ci ildə Dünya Türk Gəncləri Birliyinin Qazaxıstanda keçirilən VIII qurultayında Gənc Türk Yazarları Birliyinin başçısı seçilmişdir[5]. Sonrakı illərdə ÇuvaşıstandaAzərbaycanda keçirilən IX-X qurultaylarında yenidən başqan seçilmişdir (1999-2000). 2010-cu ildə 104 saylı Gədəbəy-Tovuz seçki dairəsindən Azərbaycan Respublikasının Milli Məclisinin üzvlüyünə namizədliyini irəli sürmüşdür.[4]

Ədəbi fəaliyyəti[redaktə | mənbəni redaktə et]

1990-cı illərdən ədəbi fəaliyyətə başlamışdır[5]. Gənc türk yazıçılarının şeir, hekayə və publisist əsərlərindən ibarət "Qar çiçəyi" (1997), "Türkün səsi" (1999) toplularını tərtib edib, çap etdirmişdir.

İlk kitabı "Ömür qoyub gedənlər" (1998) Tovuz rayonunun Böyük Qışlaq bölgəsinin şəhid övladlarından bəhs edir. Türk dünyasının görkəmli şəxsləri seriyasından "Nursultan Nazarbayev" siyasi portreti kitabçasının müəllifidir (2002). Həmin il nəşr olunan "Azərbaycan türkologiyası"nın (1920-1938) tərtibçilərindən biridir. 2019-cu ildə "Ürək daşı" adlı şeirlər kitabı çap olunub.

Əkbər Qoşalının müəllifi, tərtibçisi, redaktoru, önsöz müəllifi olduğu 40-a yaxın bədii, elmi kitabı çıxıb. Əsərləri bir neçə dilə tərcümə olunaraq yayımlanıb. Dəfələrlə ölkə daxilində və xaricində keçirilmiş uluslararsı konfrans, simpozium və festivallarda nümayədə və nümayəndə heyətinin başçısı olaraq iştirak etmişdir.

Əsərləri[redaktə | mənbəni redaktə et]

  • Ömür qoyub gedənlər
  • Azərbaycan türkologiyası” bibloqrafiyası (ortaq)
  • Altun bitik
  • Ölümlərin ötəsi
  • Çağdaş Azərbaycan Ədəbi Qurumları
  • Azərbaycan Gənclər Hərəkatı
  • Gəldik. Gördük. Yazdıq
  • Bölgələrdən səslər
  • Can Azərbaycan
  • Səs... Söz... Rəng...
  • Yeni nəsil tatar şeiri antologiyası
  • Yeni Qazax şeiri antologiyası
  • Özbək şeir çələngi
  • Qəlbdəki və qələmdəki Qarabağ
  • Fəzanın cazibəsi

Təltifləri[redaktə | mənbəni redaktə et]

  • Azərbaycan Prezidentinin 1322 saylı Sərəncamı ilə “Tərəqqi” medalı,
  • Azərbaycan Prezidenti adından Müdafiə Nazirliyi tərəfindən təqdim edilən “Azərbaycan Ordusu-100” yubiley medalı,
  • Azərbaycan Prezidentinin Təqaüd Fondunun təqaüdçüsü (2008),
  • Respublika Gənclər Mükafatı” (2002),
  • Fəxri Gənc” Qızıl Döş Nişanı (2010),
  • Rəsul Rza Fondunun “Rəsul Rza” Mükafatı (2009),
  • Qırğız Respublikası “TOKTOKUL SATILGANOV Fondu”nun medalı (2014),
  • Qazaxıstan Mədəniyyət və İdman Nazirliyinın “Fəxri fərmanı”, Qazaxıstanın “Töleqen Ayberqanov” (2016) və
  • GÜLTEKİN” medalı (2018),
  • TÜRKSOY-un plaketi (2014), “Fəxri fərman”ı (2015),
  • İraq Gənclər və İdman Nazirliyinin gümüş plaketi (2013),
  • Makedoniya Mədəniyyət Nazirliyinin “Təşəkkür Bəlgəsi”,
  • Arxangelsk (RF) Vilayəti Mədəniyyət Nazirliyinin “Fəxri fərman”ı (2017),
  • Rusiya Yazıçılar Birliyinin “Fəxri fərmanı” (2017),
  • Qazaxıstan Respublikası Beynəlxalq "ALAŞ" ədəbi mükafatı laureatı (2019),
  • Qazaxıstanın birinci prezidenti, Elbaşı Nursultan Nazarbayevin imzası ilə "Qazax xalqı assambleyası-25" yubiley medalı (2020),
  • Azərbaycan Mədəniyyət İşçiləri Həmkarlar Təşkilatı Respublika Komitəsinin, AGİN-in, Azərbaycan Mü¬dafiə Nazirliyinin, Azərbaycan Jurnalistlər Birliyinin (2003), Milli QHT Forumunun, Makedoniya “Ufuk” Vəq¬finin, Makedoniya Türk QHT-ləri Birliyinin, Tatarıstan Yazıçılar Birliyinin, Çuvaşıstan Yazıçılar Bir¬li¬yinin, Saxa (Yakutiya) Yazıçılar Birliyinin, Özbəkistanın nüfuzlu “Kitab Dünyası” qəzetinin, Moskvada fəaliyyət göstərən “Şəhriyar” Ədəbi Məclisinin, Gənc Qaqauz Yazıçılar Birliyi, Azərbaycandakı Rus İcmasının və b.-nın “Fəxri fərman” və “Diplom”ları ilə təltif edilib.

İstinadlar[redaktə | mənbəni redaktə et]

  1. Elmin Nuri. "Əkbər Qoşalının KƏNDİ: "Kəndimiz bir institutun araşdırmalı olduğu sirdir"" (az.). modern.az. 04.02.2015. İstifadə tarixi: 2015-09-15.
  2. 1 2 3 4 "Şair-publisist Əkbər Qoşalı ilə FOTOSÖHBƏT" (az.). modern.az. 03.04.2014. İstifadə tarixi: 2015-09-15.
  3. Cavid Qədir. "Şair Əkbər Qoşalı: "Ədəbiyyat dünyanı xilas cəhdidir"". 525-ci qəzet (az.). 525.az. 21.03.2015. İstifadə tarixi: 2015-09-15.
  4. 1 2 "DGTYB başqanı 104 saylı dairədən namizədliyini irəli sürüb" (az.). yalquzaq.com. 03.10.2010. 2015-12-19 tarixində orijinalından arxivləşdirilib. İstifadə tarixi: 2015-09-15.
  5. 1 2 3 Ceyhun Rasimoğlu. "Moskvada şair Əkbər Qoşalı ilə görüş keçirilib" (az.). sia.az. 15.09.2015. 2015-12-19 tarixində orijinalından arxivləşdirilib. İstifadə tarixi: 2015-09-15.
  6. "Ədəbiyyat Qəzeti: Redaksiya heyəti" (az.). edebiyyatqezeti.net. 2014. 2015-08-12 tarixində orijinalından arxivləşdirilib. İstifadə tarixi: 2015-09-15.

Xarici keçidlər[redaktə | mənbəni redaktə et]