Əkrəm Zeynalov

Vikipediya, azad ensiklopediya
Jump to navigation Jump to search
Əkrəm Zeynalov
Əkrəm Zeynalov.jpg
Doğum tarixi 16 dekabr 1941(1941-12-16)
Doğum yeri SSRİ, Azərbaycan SSR, Quba şəhəri

Əkrəm Zeynalov (d. 16 dekabr 1941(1941-12-16), Quba şəhəri, Azərbaycan SSR, SSRİ - ö. ?) — Azərbaycan Tibb Universitetinin professoru (1990), əməkdar elm xadimi; Azərbaycan Jurnalistlər İttifaqının üzvü.

Həyatı[redaktə | əsas redaktə]

Əkrəm Zeynalov 16 dekabr 1941-ci ildə Quba şəhərində anadan olmuşdur.

1960-cı ildə Quba Kənd Təsərrüfatı texnikumunu fərqlənmə diplomu ilə bitirərək, "Qızıl Quba" qəzetində korrektor, Azərbaycan LKGİ Quba rayon komitəsində təlimatçı vəzifəsində çalışmışdır.

1964-cü ildə ordudan tərxis olunduqdan sonra Azərbaycan Dövlət Universitetinin jurnalistika fakültəsinə daxil olmuş və oranı fərqlənmə diplomu ilə bitirmişdir. Bir müddət "Təşviqatçı" jurnalındada çalışmışdır. Eyni zamanda 1969-cu ildən N.Nərimano adına Azərbaycan Dövlət Tibb İnstitunun tarix kafedrasında saat hesabı dərs demiş, 1973-cü ildə isə müsabiqə yolu ilə kafedranın baş müəllimi seçilmişdir. Pedoqoji fəaliyyətlə yanaşı o, universitetin "Tibb kadrları uğrunda" qəzetinin redaktoru, İctimai peşələr fakültəsinin dekanı, universitet partiya komitəsinin katibi işləmişdir.

Ə.Zeynalov 1979-cu ildə namizədlik, 1990-cı ildə Moskvada doktorluq dissertasiyasını müvəffəqiyyətlə müdafiə etmişdir. Onun doktorluq dissertasiyası Böyük Vətən müharibəsi mıvzusuna həsr edilmişdi. Ə.Zeynalov 1990-cı ildə professor vəzifəsinə seçilmişdir. Onun Böyük Vətən müharibəsi mövzusuna həsr edilmiş 3 monoqrafiyası nəşr edilmişdir. Onların içərisində "Sınaq illəri" monoqrafiyası xüsusi ilə seçilir.

O, eyni zamanda 3 dərslik, 5 dərs vəsaiti, 300-dən çox elmi məqalə müəllifidir. Professor Azərbaycan Televiziyası ilə vətənpərvərlik ruhunda tariximizin müxtəlif problemlərinə həsr edilmiş mövzularla da çıxışları yaddaşlarda qalır.

Ə.Zeynalovun "Azərbaycan tarixi" kitabı ingilis dilində nəşr etdirilmişdir.

Ə. Zeynalov elmi kadrların yetişməsində də böyük rol oynamışdır. Onun rəhbərliyi altında 3 doktorluq, 12 namizədlik dissertisiyası yerinə yetirilmişdir.

Ə.Zeynalov, eyni zamanda Azərbaycan Respublikası Prezidenti yanında Dövlət İdarəçilik Akademiyasının doktorluq və namizədlik dissertasiyaları üzrə ixtisaslaşmış Müdafiə Şurasının uzun müddət üzvü olmuşdur.

Əkrəm Zeynalov uzun illər Tibb Universitetinin "Azərbaycan tarixi" kafedrasına rəhbərlik etmişdir.[Mənbə göstərin]

Filmoqrafiya[redaktə | əsas redaktə]

Məqalələri[redaktə | əsas redaktə]

  • Ə.Zeynalov, "Azərbaycan tarixşünaslığına yeni töhfə", Təzadlar.- 2009.- 5-7 mart.- S.10. [1]

Mənbə[redaktə | əsas redaktə]

  • F.N.Məmmədov, "Şərəfli ömrün səhifələrini vərəqləyərkən", Təbib qəzeti.