Ələddin Əliyev
 | Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
| Ələddin Əliyеv | |
|---|---|
| Əliyеv Ələddin Məhəmməd oğlu | |
| Doğum tarixi | |
| Doğum yeri | Daşkənd kəndi, Vardenis rayonu, Ermənistan SSR, SSRİ |
| Vətəndaşlığı |
 SSRİ→ Azərbaycan |
| Atası | Məhəmməd Əliyev |
| Anası | İpək Əliyeva |
| Milliyyəti | azərbaycanlı |
| Fəaliyyəti | Azərbaycan Pauerliftinq Federasiyasının prezidenti |
| Fəaliyyət illəri | 1996 – h.h. |
Ələddin Əliyev (tam adı: Əliyеv Ələddin Məhəmməd oğlu; d. 6 dekabr 1974, Daşkənd kəndi, Vardenis rayonu, Ermənistan SSR, SSRİ) — Azərbaycan pauerlifteri, Avropa (1996) və Dünya (1998) çempionu, Azərbaycan Pauerliftinq Federasiyasının prezidenti.[1]
Bioqrafiya[redaktə | mənbəni redaktə et]
Ələddin Əliyev 6 dekabr 1974-cü ildə Göyçə mahalının Basarkeçər rayonunun Daşkənd kəndində anadan olmuşdur. 1982-ci ildə doğma kənddə orta məktəbə getmişdir. 1988-ci ildə ailəsi ilə birlikdə doğma vətəndən ayrılaraq əvvəlcə Bərdə rayonunun Yеni Daşkənd kəndində sonra isə Bakı şəhərində məskunlaşmışdır.[2]
1993-cü ildə "Həkəri" ordu idman klubunda xidmət etmişdir. O, xidmət zamanı pauerliftinq idman növü ilə məşğul olmuşdur.
1998-ci ildən Azərbaycan Pauerliftinq Federasiyasının prezidenti vəzifəsində çalışır. O, ikiqat dünya və Avropa çempionu, beynəlxalq dərəcəli idman ustası və hakimdir.
O, həmçinin 1998-ci ildə DİN Abşeron Rayon Polis Şöbəsində çalışmış, 1999-cu ildə Polis Akademiyasına daxil olmuş və akademiyanı 2004-cü ildə bitirmişdir. Bundan sonra o Çevik Polis Alayının baş inspektoru vəzifəsində də işləmişdir.
Ələddin Əliyev 5 sentyabr 2009-cu ildə Dünya Pauerliftinq Konqresinin prezidenti Mayk Sviney ilə görüşmüşdür.
2011-ci ilin noyabrında Latviyanın paytaxtı Riqada Beynəlxalq federasiya WPC-nin yaranmasının 30-cu ilində təşkil olunan yarış zamanı Azərbaycan Pauerliftinq Federasiyasının prezidenti Ələddin Əliyevi qurumun işindəki aktiv fəaliyyətinə görə xüsusi qızıl medalla təltif etmişdir.[3]
Uğurları[redaktə | mənbəni redaktə et]
- 1995-ci il. ABŞ-da 3-cü yer.
- 1996-cı il. İtaliyada 1-ci yer tutaraq Avropa çempionu
- 1996-cı il. Cənubi Afrikada keçirilən Dünya çempionatında 3-cü yer
- 1997-ci il. Avstriyada keçirilən Avropa çempionatında 2-ci yer
- 1998-ci il. Böyük Britaniyada və ABŞ-da Avropa və Dünya çempionu
Filmoqrafiya[redaktə | mənbəni redaktə et]
İstinadlar[redaktə | mənbəni redaktə et]
- ↑ "Pauerliftinq üzrə Azərbaycan çempionatının qalibləri müəyyənləşib". "Yeni Azərbaycan" qəzeti (az.). yeniazerbaycan.com. 08-09-2009. 2016-03-05 tarixində arxivləşdirilib. İstifadə tarixi: 2015-06-01.
- ↑ "Bu gün Ələddin Əliyevin doğum günüdür" (az.). Gazette.az. 2018-08-02 tarixində arxivləşdirilib. İstifadə tarixi: 2018-08-02.
- ↑ Alxas Məmmədov. "Dünya və Avropa çempionatlarında sözünü demiş idmançı" (az.). BrendSport.az. 2018-02-03. 2018-08-02 tarixində arxivləşdirilib. İstifadə tarixi: 2018-08-02.