Ələkbər Hüseynov

Vikipediya, azad ensiklopediya
Jump to navigation Jump to search
Ələkbər Hüseynov
Ələkbər Adıgözəl oğlu Hüseynov
Ələkbər Hüseynov.jpg
Digər adı Ələkbər əmi
Doğum tarixi 1961(1961-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan SSR
Vəfat tarixi 2 avqust 2007(2007-08-02)
Vəfat yeri Bakı, Azərbaycan
Vəfat səbəbi Hepatit C
Həyat yoldaşı Afaq Hüseynova[1]
Uşaqları Cavidan (d. 1990)
Nərgiz (d. 1998)
Vətəndaşlığı Azərbaycan Azərbaycan
Peşəsi aktyor
Təhsili
Mükafatları Azərbaycanın əməkdar artisti
Təbəssüm Ordeni
IMDb ID 2928019

Ələkbər Adıgözəl oğlu Hüseynov və ya Ələkbər əmi — Azərbaycanın əməkdar artisti, Azərbaycan Dövlət Kukla Teatrının baş rejissoru (2006), "Humay" və "Qızıl Dərviş" mükafatları laureatı. Uşaqların sevimlisi "Ələkbər əmi" kimi tanınan aktyor uzun müddət Dövlət Televiziyasında uşaq verilişlərinin aparıcısı olub.

Həyatı[redaktə | əsas redaktə]

Ələkbər Adıgözəl oğlu Hüseynov 1961-ci ildə Bakıda anadan olub. Ə. Hüseynov 1978-1982-ci illərdə Azərbaycan Dövlət İncəsənət İnstitutunun "Dram və kino aktyorluğu" fakültəsində təhsil almışdır.

Yaradıcılığı[redaktə | əsas redaktə]

Bir müddət təyinatla Şəki Dövlət Dram Teatrında işlədikdən sonra, o, 1988-ci ildə A.Şaiq adına Azərbaycan Dövlət Kukla Teatrında aktyor vəzifəsində çalışmağa başlayır. Teatrın səhnəsində Əbdürrəhim bəy Haqverdiyevin "Pəri cadu" əsərində Qurban, H.X. Andersenin "Bülbül" nağılında Nağılçı və Çin imperatoru, N. Bədəlovun "Qara rəngin nağılı"nda Aydın, R. Əlizadənin "Tıq-tıq xanım"ında dirijor, Qoca və Müğənni, A. Ostrovskinin "Qar qız"da Lel, R. Əlizadənin "Keçəlin toyu"nda Keçəl rollarını oynamışdır.

Ə. Hüseynovun səhnələşdirdiyi "Səadət quşu" və "Möcüzəli tamaşa" pyeslərini Azərbaycan Dövlət Kukla Teatrının rus bölməsində özü də tamaşaya hazırlamışdır. Aktyor "Keçəlin toyu" tamaşasındakı Keçəl rolu ilə İstanbulda, "Bülbül" tamaşası ilə İranda, Türkmənistanda keçirilən beynəlxalq festivalların laureatı olmuşdur.

2006-cı ildə Ələkbər Hüseynov Dövlət Kukla Teatrının baş rejissoru vəzifəsinə təyin olunmuşdur.

Mükafatları[redaktə | əsas redaktə]

2000-ci ildə Ə. Hüseynov Əməkdar Artist fəxri adına layiq görülmüşdür. Ə.Hüseynov bir sıra digər festivalların da iştirakçısı və mükafatçısıdır. Sənətdə qazandığı nailiyyətlərə görə "Humay" və "Qızıl Dərviş" mükafatları laureatıdır. Beynəlxalq Festivallarda iştirak edib. Polşanın "Təbəssüm Ordeni" mükafatına (2007) layiq görülmüşdür.

Ələkbər Hüseynov 2 avqust 2007-ci ildə uzun sürən xəstəlikdən sonra vəfat edib.

Filmoqrafiya[redaktə | əsas redaktə]

  1. Yaşıl eynəkli adam (film, 1987)
  2. Analar (film, 1988)
  3. Etiraf (film, 1992)
  4. Köpək (film, 1994)
  5. Bala-başa bəla! (film, 1995)
  6. Təsadüfi görüş (film, 1999)
  7. Yaşıl eynəkli adam-2 (film, 1999)
  8. Yaşıl eynəkli adam-3 (film, 2002)
  9. Bir anın həqiqəti (film, 2003)

İstinadlar[redaktə | əsas redaktə]

  1. Milli.Az (22.12.2017). "Ələkbər əminin inanılmaz ölüm səbəbi: Diş həkiminə gedib və..." (azərb.). Milli.az. İstifadə tarixi: 2017-12-22.

Mənbə[redaktə | əsas redaktə]

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı