Məzmuna keç

Əl-Muğni (kitab)

Vikipediya, azad ensiklopediya
Əl-Muğni
ərəb. كِتَابُ الْمُغْنِي‎
Müəllif İbn Qudamə
Janr fiqh
Orijinalın dili ərəb dili

Əl-Muğni (ərəb. المغني‎) — Əbül-Qasım əl-Xiraqinin Hənbəli fiqhinə dair "əl-Müxtəsər" əsərinə İbn Qudamə tərəfindən qələmə alınan şərh.

"Əl-Muğni" əl-Xiraqinin əl kitabı mahiyyətinindəki "əl-Müxtəsər"inin ən məşhur şərhlərindən biridir. İbn Qudamə bu şərhdə Hənbəli məzhəbindəki görüşlərlə yanaşı digər məzhəb alimlərinin də görüşlərinə yer vermiş və aralarında seçimlər etmişdir. Əsər bir fiqhi ensiklopediya olub, sünni alimlər tərəfindən mühüm mənbə hesab edilmişdir. Şafei fəqihi İzzəddin ibn Əbdüssəlam da əsərin bu xüsusiyyətinə diqqəti cəlb etmişdir.[1][2] Abdullah Ömər əl-Bərudi, "əl-Bərqul-ləmmə fimə fil-Muğni min ittifaq vəl-iftiraq vəl-icma" adlı əsərində (Beyrut: 1986), "əl-Muğni"də sadalanan və ümumi olaraq İslam hüquqçuları tərəfindən mənimsənən görüşləri kitab, bab (bölmə) və fəsil şəklində sistemləşdirərək bir yerə cəmləmişdir.

"Əl-Muğni" müxtəlif tarix (1972, 1982, 1991 və s.) və yerlərdə (Qahirə, ər-Riyad və s.) dəfələrlə nəşr edilmişdir.[3]

  1. ↑ İbn Kəsir, İsmayıl ibn Ömər. əl-Bidayə vən-Nihayə (ərəb). XIII. Beyrut. 1966. 100.
  2. ↑ İbn Rəcəb. əz-Zeyl alə Təbəqatil-Hənəbilə (ərəb). II. Beyrut: Darül-mərifə. tarixsiz. 133.
  3. ↑ Koca, Ferhat. "İbn Kudame, Muvaffakuddin". TDV İslâm Ansiklopedisi. 1999. Archived from the original on 11 fevral 2025. İstifadə tarixi: 27 yanvar 2025.