Əli Ansuxski

Əli Ansuxski
Əli Abdulqədiroviç Ansuxski
Doğum tarixi	1 iyun 1947
Doğum yeri	Mahamalar, Balakən, Azərbaycan SSR
Vəfat tarixi	26 fevral 1996 (48 yaşında)
Vəfat yeri	Bakı, Azərbaycan
Vəfat səbəbi	Sui-qəsd
Vətəndaşlığı	SSRİ→ Azərbaycan
Uşağı	AbdulQadir Ansuxski.Fatima Ansuxski .Şamil Ansuxski
Atası	Əbdülqədir Ansuxski
Anası	Nazani Keyseruxskaya
Milliyyəti	Avar
Təhsili	Ali
Fəaliyyəti	millət vəkili, iş adamı

Əli Abdulqədiroviç Ansuxski (1 iyun 1947, Mahamalar, Balakən, Azərbaycan SSR — 26 fevral 1996, Bakı, Azərbaycan) — xeyriyyəçi, bölgə ağsaqqalı, Azərbaycan SSR Ali Sovetinin (1990-1995) xalq deputatı, Sov. İKP üzvü və birinci çağırış Azərbaycan Respublikası Milli Məclisinin üzvü (1995-1996).

Həyatı

Müxtəlif illərdə Balakən rayon Şirə sexinin direktoru, Balakən rayon Konserv zavodunun direktoru, Aqrar Birliyin Baş direktoru vəzifələrində çalışmışdır.

1990-cı ildə XII çağırış Azərbaycan SSR Ali Sovetinə Balakən rayonu 177 nömrəli Xalatala seçki dairəsindən xalq deputatı seçilmişdir. Xalq deputatı seçilən zaman Ə. Ansuxski Balakən rayon Konserv zavodunun direktoru işləyirdi.

O, bitərəf kimi 1995-ci ildə keçirilən seçkilərdə 54 saylı Balakən seçki dairəsi üzrə deputat seçilmişdi. Seçki zamanı o, işsiz və bitərəf kimi namizədliyini Balakən rayonundan irəli sürmüşdü.

Lakin yeni parlament tam tərkibdə yalnız bir neçə həftə işləyə bildi. 1996-cı il fevralın 26-da 54 saylı Balakən seçki dairəsindən deputat seçilmiş, milliyətcə avar olan Əli Ansuxski Bakının mərkəzində, Azərbaycan prospektində yerləşən evinin qarşısında məruz qaldığı terror nəticəsində odlu silahla qətlə yetirilib. Ə.Ansuxski deputatlıqdan öncə biznes fəaliyyəti ilə tanınmışdı və qətlin motivlərinin bununla bağlı olduğu bildirilirdi .

Xeyriyyəçilik fəaliyyəti ilə tanınmış, Balakən rayonunun tikinti-abadlıq işlərində böyük xidmətləri olmuşdur. Balakən rayonunun mərkəzi küçələrindən biri və "Balakans" konserv zavodu onun adını daşıyır.