Əli Haqverdiyev

Vikipediya, azad ensiklopediya
Jump to navigation Jump to search
Əli Haqverdiyev
Əli Həsən oğlu Haqverdiyev
Əli Haqverdiyev.JPG
Sənətçi məlumatları
Doğum tarixi 29 iyul 1939(1939-07-29)
Doğum yeri Bakı, Azərbaycan SSR
Vəfat tarixi 14 sentyabr 1992 (53 yaşında)
Vəfat yeri Bakı, Azərbaycan
Mənşə azərbaycanlı
Peşələri opera müğənnisi,aktyor,rəssam
Atası Həsən Haqverdiyev
Anası Güllü Mustafayeva

Səs tembri bariton
Fəaliyyət illəri 1962 — 1992
Mükafatları Əməkdar Artisti

Əli Həsən oğlu Haqverdiyev — Azərbaycan Respublikasının əməkdar artisti, rəssam, aktyor, müğənni (bariton).

Həyatı[redaktə | əsas redaktə]

1939-cu il iyul ayının 29-da Bakı şəhərində Azərbaycanın görkəmli rəssamları Həsən HaqverdiyevGüllü Mustafayevanın ailəsində dünyaya göz açıb. 1955-ci ildə Əzim Əzimzadə adına Rəssamlıq məktəbinin qrafika şöbəsinə daxil olub. 1958-ci ildə xoş bir təsadüfdən onu Bakı orta ixtisas musiqi məktəbinə qəbul edilib. İstisna hal kimi Əli Haqverdiyə hər iki məktəbdə paralel oxumaq imkanı verilib. 1961-ci ildə Ü.Hacıbəyov adına Bakı Dövlət Konservatoriyasının vokal fakültəsinə daxil olmuş, Şövkət Məmmədovadan dərs almışdır. 1962-ci ildə o zamanlar Opera və Balet Teatrına rəhbərlik edən Niyazi, Əliyə qulaq asıb və onu teatra işə qəbul edib. Azərbaycan Opera və Balet Teatrının solisti olmuşdur. Əli Haqverdiyev bir müddət Leninqrad Malıy Opera teatrında təcrübə də keçib. O, Üzeyir bəy Hacıbəyovun "Koroğlu" və "Leyli və Məcnun" operalarında Həsən xanın, Nofəlin partiyalarını uğurla ifa etmişdir. "Arşın mal alan" musiqili komediyasının qrammofon valına yazılışında (1973) Soltan bəyin partiyasını oxumuşdur. Əli Haqverdiyevin ən yaddaqalan obrazı "Dədə Qorqud" filmindəki Yalıncıq obrazıdır. Azərbaycan Rəssamlar İttifaqının və Teatr Xadimləri İttifaqının üzvü olmuşdur. Teatrda işləməklə yanaşı Ə.Haqverdiyev 1981-ci ildən etibarən Bakı Dövlət Konservatoriyasının vokal fakültəsində müəllim kimi çalışmışdır.

1991-ci ildə Azərbaycan Respublikasının əməkdar artisti fəxri adı verilmişdir.

1992-ci ilin sentyabr ayının 14-ü dənizə doğru addımlayarkən yüksək gərginlikli cərəyana qapılması nəticəsində həlak olub.

Ailəsi[redaktə | əsas redaktə]

Ucal HaqverdiyevHüseyn HaqverdiyevSəidə HaqverdiyevaAidə Haqverdiyeva və Zemfira Qafarovanın qardaşıdır. 

Filmoqrafiya[redaktə | əsas redaktə]

  1. Dədə Qorqud (film, 1975)
  2. Şir evdən getdi (film, 1977)
  3. Üzeyir ömrü (film, 1981)
  4. Özgə ömür (film, 1987)

Teatr rolları[redaktə | əsas redaktə]

Mənbə[redaktə | əsas redaktə]

  • Üzeyir Hacıbəyov Ensiklopediyası. Bakı,2007. səh.98

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı