Əli Məsimli

Əli Məsimli
Əli Əhməd oğlu Məsimli
Azərbaycan Respublikası Baş Naziri Əvəzi 5 fevral, 1993 — 28 aprel 1993
Sələfi	Rəhim Hüseynov
Xələfi	Pənah Hüseynov
Azərbaycan Respublikası Baş Nazirinin I müavini 1992 — 1993
Azərbaycan Respublikasının İqtisadiyyat Naziri
Azərbaycan Respublikası Milli Məclisinin Deputatı 6 noyabr 2005 — vəzifədədir
Xarici İnvestisiyalar Komitəsinin
Azərbaycan Respublikası Dövlət İqtisadiyyat və Planlaşdırma Komitəsinin Sədri
Şəxsi məlumatlar
Partiya	Azərbaycan Xalq Cəbhəsi Partiyası
Təhsili	Azərbaycan Dövlət İqtisad Universiteti
Doğum tarixi	13 yanvar 1953(1953-01-13) (67 yaş)
Doğum yeri	Şəki, Azərbaycan SSR, SSRİ

Əli Məsimli (3 yanvar 1953(1953-01-03), Nuxa) — Azərbaycan Respublikasının dövlət və ictimai-siyasi xadimi. 1992-ci ildə Baş nazir əvəzi. Milli Məclisin deputatı. İqtisadiyyat elmləri namizədi.

Həyatı

Əli Əhməd oğlu Məsimov 1953-cü il yanvarın 3-də Şəki şəhərində anadan olmuşdur. Azərbaycan Xalq Təsərrüfatı İnstitutunun siyasi iqtisad fakültəsini bitirmişdir. İqtisad elmləri namizədidir. Çoxsaylı broşürlərin və məqalələrin müəllifidir. Rus dilini bilir.

1980-ci ildən Azərbaycan EA-nın İqtisadiyyat İnstitutunda laborant, kiçik elmi işçi, elmi işçi, şöbə müdiri işləmişdir. 1991-ci ildən Azərbaycan Respublikası Prezidenti Aparatının İqtisadiyyatın idarə edilməsinin təşkili şöbəsinin bölmə müdiri, Sosial-iqtisadi inkişaf şöbəsinin baş məsləhətçisi, 1992-ci ildən Azərbaycan Respublikası Xarici İnvestisiyalar Komitəsinin sədri, Azərbaycan Respublikası Baş nazirinin birinci müavini, Dövlət İqtisadiyyat və Planlaşdırma Komitəsinin sədri, Baş nazir əvəzi, iqtisadiyyat naziri, 1993-2005-ci illərdə "Müstəqil İqtisadçılar Birliyi" ictimai təşkilatının prezidenti vəzifələrində çalışmışdır.

2005-ci il noyabrın 6-da 113 saylı Şəki şəhər seçki dairəsindən deputat seçilmişdir. Azərbaycan-Çin, Azərbaycan-Xorvatiya, Azərbaycan-İsveçrə, Azərbaycan-Ukrayna parlamentlərarası əlaqələr üzrə işçi qruplarının üzvüdür.

Ailəsi

Evlidir, 2 övladı var.

Xarici keçidlər

• [1]
• "Müstəqil Azərbaycanın üçüncü Baş naziri - Əli Əhməd oğlu Məsimli + DOSYE" (azərb.). enter.news. 2017-05-21. 2017-08-04 tarixində arxivləşdirilib. İstifadə tarixi: 2017-08-04.