Əli Nağıyev (dövlət xadimi)

Vikipediya, açıq ensiklopediya
Jump to navigation Jump to search
Əli Nağıyev
Əli Teymur oğlu Nağıyev
Əli Nağıyev
Bayraq
Azərbaycan Respublikasının Belarus Respublikasında Fövqəladə və Səlahiyyətli səfiri
Bayraq
15 may 2006 — 20 aprel 2011
Sələfi: Tələt Əliyev
Xələfi: İsfəndiyar Vahabzadə
Bayraq
Azərbaycan Respublikasının Əmək və Əhalinin Sosial Müdafiəsi naziri
Bayraq
5 noyabr 1996 — 7 fevral 2006
Sələfi: Akif Kərimov
Xələfi: Füzuli Ələkbərov
 
Doğum tarixi: 15 mart 1954 (1954-03-15) (64 yaş)
Doğum yeri: Naxçıvan şəhəri

Əli Teymur oğlu Nağıyev — Azərbaycan Respublikasının əmək və əhalinin sosial müdafiəsi naziri (1996-2006), Azərbaycan Respublikasının Belarus Respublikasında Fövqəladə və Səlahiyyətli Səfiri (2006-2011), Azərbaycan Respublikasının Müstəqil Dövlətlər Birliyinin nizamnamə və digər orqanları yanında daimi səlahiyyətli nümayəndəsi (2009-2011). Yeni Azərbaycan Partiyasının qurucularından biri və partiya sədrinin keçmiş müavini.

Həyatı[redaktə | əsas redaktə]

Nağıyev Əli Teymur oğlu 1954-cü il martın 15-də Naxçıvan şəhərində anadan olmuşdur. 1976-cı ildə Azərbaycan Dövlət Universitetinin tətbiqi-riyaziyyat fakültəsini bitirmişdir.

1980-1983-cü illərdə Leninqrad Aqrofizika İnstitutunun aspirantı omuş, 1983-cü ildə namizədlik dissertasiyası müdafiə etmişdir. Texnika elmləri doktorudur. 1983-cü ildən Bakı şəhərində elmi-tədqiqat institutlarında kiçik elmi işçi, baş elmi işçi vəzifələrində işləmişdir.

Elmi fəaliyyəti riyaziyyatın ekoloji və iqtisadi sistemlərə tətbiqi sahəsinə aiddir. Bir neçə monoqrafiyanın və 30-dan artıq elmi məqalənin müəllifidir. 1987-ci ildən Bakı Dövlət Universitetinin dosenti olmuşdur.

Siyasi fəaliyyətə 1988-ci ildən başlamışdır. Yeni Azərbaycan Partiyasının qurucularından biridir və 2006-cı ilədək Yeni Azərbaycan Partiyası sədrinin müavini kimi fəaliyyət göstərmişdir.

1996-2006-cı illərdə Azərbaycan Respublikasının Əmək və Əhalinin Sosial Müdafiəsi naziri, 2006-2011-ci illərdə Azərbaycan Respublikasının Belarus Respublikasında Fövqəladə və Səlahiyyətli səfiri, 2009-cu ildən isə Azərbaycan Respublikasının Müstəqil Dövlətlər Birliyinin nizamnamə və digər orqanları yanında daimi səlahiyyətli nümayəndəsi vəzifələrində çalışmışdır.

2006-cı ildə diplomatik fəaliyyətə başlamasına əsasən Yeni Azərbaycan Partiyası sədrinin müavini vəzifəsindən və partiya sıralarından azad edilmiş, 2012-ci ilin may ayında YAP sıralarına yenidən qəbul edilmişdir[1].

Ailəlidir, 3 övladı var.

Mənbə[redaktə | əsas redaktə]

  • "Azərbaycanda Kim Kimdir" ensiklopedik məlumat kitabı. Bakı-1999.

İstinadlar[redaktə | əsas redaktə]