Əli Nağıyev (general)

Vikipediya, azad ensiklopediya
Jump to navigation Jump to search
Əli Nağıyev
Əli Nağı oğlu Nağıyev
DTX.məzun.jpg
bayraqAzərbaycan Respublikası Dövlət Təhlükəsizliyi Xidmətinin rəisibayraq
20 iyun 2019-cu il — hal-hazırda
Baş nazir Novruz Məmmədov
Prezident İlham Əliyev
Sələfi Mədət Quliyev
Şəxsi məlumatlar
Doğum tarixi 8 noyabr 1958 (1958-11-08) (60 yaş)
Doğum yeri Babək rayonu, Naxçıvan Muxtar Respublikası
Vətəndaşlığı Azərbaycan Azərbaycan
Hərbi xidmət
Mənsubiyyəti Dövlət Təhlükəsizliyi Xidmətinin loqosu.png AR DTXAzərbaycan
Rütbəsi 17.AzLF-LG.png General-leytenant

Mükafatları Azərbaycan Bayrağı ordeni - lent (1993-2013).png Vətənə xidmətə görə I, II və III dərəcəli ordeni.png

Əli Nağı oğlu Nağıyev (8 noyabr 1958(1958-11-08), Babək, Naxçıvan MSSR) — Azərbaycanlı Xüsusi xidmət orqanı rəhbəri.General-leytenant, Azərbaycanın Milli Təhlükəsizlik Nazirliyi İqtisadi Cinayətkarlığa Qarşı Mübarizə İdarə rəisi(-2004),2004-2011-ci illərdə Azərbaycanın Milli Təhlükəsizlik Nazirliyi nazirinin birinci müavini,2011-2019-cu illərdə isə Azərbaycan Respublikası Baş Prokurorluğu Baş prokuror yanında Korrupsiyaya qarşı Mübarizə Baş İdarəsi rəis müavini.Azərbaycan Respublikası Dövlət Təhlükəsizliyi Xidmətinin rəisi (20 iyun 2019-hal hazırda)

Həyatı[redaktə | əsas redaktə]

Nağıyev Əli Nağı oğlu 1958-ci il noyabrın 8-də Naxçıvan Muxtar Respublikasının Babək rayonunda anadan olmuşdur. 1981-ci ildə Azərbaycan Pedaqoji İnstitutunda (indiki ADPU) ali təhsil almışdır.

Əmək fəaliyyətinə 1975-ci ildə başlamışdır. Bir müddət Abşeron rayonunun Xırdalan şəhərində məktəbdə müəllim işləmişdir.

1986-cı ildə SSRİ Dövlət Təhlükəsizlik Komitəsinin Ali kurslarını bitirdikdən sonra Azərbaycan SSR Dövlət Təhlükəsizlik Komitəsinin və Azərbaycan Respublikası Milli Təhlükəsizlik Nazirliyinin əməliyyat strukturlarında məsul vəzifələrdə xidmət etmişdir.

Azərbaycan Respublikası Prezidentinin 16 mart 2005-ci il tarixli 675 nömrəli Sərəncamı ilə Azərbaycan Respublikası milli təhlükəsizlik nazirinin müavini təyin olunmuşdur.

Azərbaycan Respublikası Prezidentinin 27 mart 2006-cı il tarixli 1372 nömrəli Sərəncamı ilə Əli Nağıyevə general-mayor ali hərbi rütbəsi verilmişdir.

2011-2019-cu illərdə Azərbaycan Respublikasının Baş prokuroru yanında Korrupsiyaya qarşı Mübarizə Baş İdarəsinin rəis müavini vəzifəsində işləmişdir.

Azərbaycan Respublikası Prezidentinin 5 avqust 2014-cü il tarixli 672 nömrəli Sərəncamı ilə Əli Nağıyevə III dərəcəli dövlət ədliyyə müşaviri ali xüsusi rütbəsi verilmişdir.

Azərbaycan Respublikası Prezidentinin 20 iyun 2019-cu il tarixli 1274 nömrəli Sərəncamı ilə Azərbaycan Respublikası Dövlət Təhlükəsizliyi Xidmətinin rəisi təyin edilmişdir.

Azərbaycan Respublikası Prezidentinin 27 iyun 2019-cu il tarixli 1300 nömrəli Sərəncamı ilə Əli Nağıyevə general-leytenant ali hərbi rütbəsi verilmişdir.

Mükafatları[redaktə | əsas redaktə]

Təhlükəsizlik orqanlarında xidmət etdiyi müddət ərzində çoxsaylı dövlət təltiflərinə və digər mükafatlara layiq görülmüşdür.

  • Azərbaycan Respublikası Prezidentinin 27 mart 2002-ci il tarixli 680 nömrəli Fərmanı ilə göstərdiyi yüksək peşəkarlığa, cəsarətə və igidliyə görə "Azərbaycan Bayrağı" ordeni ilə təltif olunmuşdur.
  • Azərbaycan Respublikası Prezidentinin 28 sentyabr 2018-ci il tarixli 514 nömrəli Sərəncamı ilə 3-cü dərəcəli "Vətənə xidmətə görə" ordeni ilə təltif olunmuşdur.

İstinadlar[redaktə | əsas redaktə]