Əli Orucov (prokuror)

Vikipediya, açıq ensiklopediya
Jump to navigation Jump to search
Əli Orucov
Əli Müseyib oğlu Orucov
Əli Orucov (prokuror).jpg
Doğum tarixi 25 avqust 1932(1932-08-25)
Doğum yeri Flag of the Azerbaijan Soviet Socialist Republic.svg Azərbaycan SSR, Şəmkir rayonu
Vəfat tarixi 5 noyabr 1992(1992-11-05)
Vəfat yeri Flag of Azerbaijan.svg Azərbaycan, Şəmkir rayonu
Peşələri prokuror, idmançı.
Təhsili

Əli Müseyib oğlu OrucovAzərbaycan SSR prokurorluq işçisi, prokuror, boks üzrə tələbələr arasında SSRİ çempionatının gümüş mükafatçısı[1].

Həyatı[redaktə | əsas redaktə]

Əli Orucov Müseyib oğlu 25 avqust 1932-ci ildə [[Şəmkir rayonunda (keçmiş Şamxor) anadan olmuşdur. 1949-cu ildə orta məktəbi bitirdikdən sonra həmin ildə Azərbaycan Dövlət Universitetinin (indiki BDU) hüquq fakultəsinə daxil olmuşdur. 1954-cü ildə Universiteti əla qiymətlərlə bitirərək, hüquqşunas diplomuna yiyələnmişdir.

Əli Orucov tələbəlik illərində (1949-1954) boksla məşğul olmuş (“Dinamo” İdman Cəmiyyəti), orta ağır çəkidə tələbələr arasında Respublika üzrə keçirilən boks yarışlarında 1950-1953-cü illərdə 4 il ardıcıl çempion olmuş, 1952-ci ildə SSRİ üzrə tələbələr arasında keçirilən boks yarışlarında Azərbaycan SSR-i təmsil edərək gümüş medal qazanmışdır.

O, Universiteti fərqlənmə ilə bitirdikdən sonra Bakı və Şəmkir (Şamxor) şəhərlərində Rabitə şöbəsinin rəisi vəzifələrində, 1960-cı illərin əvvələrindən 1992-ci ilədək Azərbaycan Prokurorluğu orqanında prokuror köməkçisi və prokuror vəzifələrində çalışmışdır (ədliyyə müşaviri rütbəsinə qədər yüksəlmişdir).

Əli Orucovun prokurorluq fəaliyyəti 1960-ci illərdən başlayır. 1963-cü ildə Kəlbəcər rayonunda prokuror köməkçisi vəzifəsində çalışmış, 1966-cı il iyul ayının 21-i dövlət tərəfindən Abşeron Rayon Prokurorluğuna müstəntiq vəzifəsinə təyin edilmişdir. Elə həmin ilin noyabr ayında peşəkar fəaliyyətinə görə, Şamaxı Rayon Prokurorluğuna eyni vəzifəyə ezam edilir.

O, 1970-ci il 2 fevral tarixində Azərbaycan SSRİ Prokurorluğu tərəfindən Göyçay Rayon Prokurorluğuna müstəntiq vəzifəsinə təyin edilir. Həmin ilin may ayının 5-də mükəmməl fəaliyyətinə görə təşəkkürnamə ilə təltif edilmişdir. Bundan əlavə, 25 iyun 1970-ci ildə onun adı Azərbaycan SSRİ Prokurorluğunun “Fəxri kitabı”na daxil edilmişdir.

Əli Orucov 11 may 1971-ci ildə Goranboy Rayon Prokurorluğunda (keçmiş Qasım ismayılov), 24 sentyabr 1973-cü ildə Qazax Rayon Prokurorluğunda, 1975-ci ildə Qusar və Xaçmaz Rayon Prokurorluğunda müstəntiq vəzifəsinə təyin edilir. Bu müddətdə prokurorluq orqanlarında fəaliyyəti yüksək qiymətləndirilmişdir.

1976-ci ildə Azərbaycan SSRİ Prokurorluğu tərəfindən Abşeron Rayon Prokurorluğunda prokuror köməkçisi vəzifəsinə təyin edilir. Yüksək və peşəkar fəaliyyətinə görə, 1979-cu ildə Abşeron Rayon Prokurorluğunda prokuror müavini vəzifəsinə yüksəlir. Fəaliyyəti dövründə SSRİ Baş Prokurorluğu tərəfindən "SSRİ Prokurorluğunun fəxri işçisi" döş nişanı ilə təltif edilmiş, Azərbaycan Respublikası Prokurorluğunun rəhbərliyi tərəfindən dəfələrlə xidməti qaydada fərqləndirilmişdir. 1977-ci ildə SSRİ Baş Prokurorluğu (SSRİ Baş Prokuroru Roman Andreyeviç Rudenkonun şəxsi imzası ilə) tərəfindən qızıl saatla mükafatlandırılmışdır.

Əli Orucov 24 iyun 1982-ci ildə Laçın Rayon Prokurorluğunda baş prokuror vəzifəsinə təyin edilir və 1987-ci il iyul ayınadək bu vəzifədə çalışır. Laçın prokurorluğunda çalışdığı illərdə Azərbaycan SSRİ Prokurorluğu tərəfindən dəfələrlə fəxri fərmanlarla təltif olunmuşdur.

31 iyul 1987-ci ildə Respublika baş prokurorunun əmri ilə Qax Rayon Prokurorluğunda baş prokuror vəzifəsinə təyin edilir. Uzun müddətli prokurorluq fəaliyyətində dövlətə, dövlətçilik ənənələrinə sədaqətinə görə, bir çox medal və ordenlərlə təltif edilmişdir.

1992-ci ilin aprel ayında prokurorluq orqanlarında uzunmüddətli fəaliyyətini başa vuraraq təqaüdə çıxır. Əli Orucov 1992-ci ilin 5 noyabr tarixində Şəmkir şəhərində vəfat etmişdir.

İstinadlar[redaktə | əsas redaktə]