Əli Tağızadə

Vikipediya, azad ensiklopediya
Jump to navigation Jump to search
Əli Tağızadə
Əli Tağızadə.jpg
bayraqAzərbaycan SSR Ali Sovetinin sədribayraq
25 noyabr 1959 — 29 mart 1963
Sələfi Qəzənfər Cəfərli
Xələfi Məmməd Arif
bayraqErmənistan SSR xalq ictimai təminat komissarıbayraq
1929 — 1932
Sələfi Bala Əfəndiyev
Xələfi Artem Ağamalyan[hy]
bayraqVedi rayon Partiya Komitəsinin birinci katibibayraq
1933 — 1935
Şəxsi məlumatlar
Doğum tarixi
Doğum yeri Tiflis, Tiflis quberniyası, Rusiya imperiyası
Vəfat tarixi (82 yaşında)
Vəfat yeri Bakı, Azərbaycan SSR, SSRİ
Dəfn yeri I Fəxri Xiyaban
Partiya

Təltifləri "Qırmızı əmək bayrağı" ordeni
"Qırmızı bayraq" ordeni (Ermənistan SSR) — 1936

Əli Əli oğlu Tağı-zadə (22 mart (3 aprel) 1883, Tiflis3 fevral 1966, Bakı) — Azərbaycan-sovet inqilabçısı və dövlət xadimi, Azərbaycan SSR Ali Sovetinin sədri (1959–1963), Ermənistan SSR xalq ictimai təminat komissarı (1929–1932), Vedi rayon Partiya Komitəsinin birinci katibi (1933–1935).

Həyatı[redaktə | mənbəni redaktə et]

Erkən həyatı və inqilabi fəaliyyəti[redaktə | mənbəni redaktə et]

Əli Əli oğlu Tağızadə 22 mart (3 aprel) 1883-cü ildə[1] Tiflisdə suçu ailəsində anadan olmuşdur. Uşaq yaşlarından ibtidai ruhani məktəbində təhsilini yarımçıq qoyaraq boyaq emalatxanasında usta şagirdi işləməyə başlamışdır.[2] 1903-cü ildən inqilabi hərəkata qoşulmuş, 1906-cı ilin iyunundan RSDFP üzvü olmuşdur. Əli Tağızadə partiyanın tapşığı ilə digər bolşeviklərlə birlikdə "Hümmət"in Tiflis, Naxçıvan, Culfa və başqa şəhərlərdəki şöbələrinin yaradılmasında fəal iştirak etmişdir.[3]

1907-ci ildə Əli Tağızadə RSFDP Qafqaz İttifaqı Komitəsi tərəfindən Qacar hökumətinə qarşı üsyana qalxmış fəhlə və kəndlilərə kömək etmək üçün Cənubi Azərbaycana göndərilmişdir. O, bolşeviklərdən Heydər (Əmi oğlu) Tanrıverdiyev, İ. Mikaladze, S. Banvoryan və başqaları ilə birlikdə işləmişdir. Tiflisə qayıtdıqdan sonra İran inqilabçılarına döyüş sursatı göndərilməsinin təşkilində iştirak etmişdir. Bu fəaliyyətinə görə o, 1908-ci ilin avqustunda xəfiyyə idarəsi tərəfindən həbs edilərək Metex qalasına salınmışdır. Tutarlı dəlillər olmadığına görə həbsxanadan azad edilmiş, 1911-ci ildə partiyanın tapşırığı ilə ikinci dəfə İrana gedərək orada inqilabi təşviqat işləri aparmışdır.[4][2]

Yenidən Tiflisə qayıdan Əli Tağızadə Oktyabr inqilabı ərəfəsində digər bolşeviklərlə birlikdə türk və almanlara, eləcə də onların tərəfdarları olan gürcü menşeviklərimüsavatçılara qarşı qəti çıxışlar etmiş, iki dəfə GəncəQazaxa gedərək Qafqaz bolşevik komitəsi üzvlərinə mövcud vəziyyət barədə məruzələr etmişdir. Partiyanın tapşırığı ilə Əli Tağızadə 1918-ci ilin yayında misəritmə zavodunun fəhlələri arasında təbliğat işi aparmaq üçün Gədəbəyə göndərilmişdir. Həmin vaxtlarda o, Borçalı qəzasının kəndlərində, Tiflisin bir sıra müəssisələrində partiya Kommunist Partiyası özəklərinin təşkili ilə məşğul olmuşdur. Əli Tağızadə Tiflisin rayonlarından birinin qərargahının üzvü kimi gürcü menşevik hökumətinə qarşı silahlı üsyanın hazırlanmasında fəal iştirak etmişdir. O, Tiflis İnqilab Komitəsinin tərkibinə daxil olmuş, 6-cı rayonun partiya konfrasında isə rayon partiya komitəsinin katibi seçilmişdir. Daha sonra o, Vladimir Leninin rəhbərlik etdiyi IX Ümumrusiya Sovetlər qurultayına[ru] nümayəndə seçilmişdir.[4]

Sovet hakimiyyəti dövründə fəaliyyəti[redaktə | mənbəni redaktə et]

Gürcüstanda sovet hakimiyyəti qurulduqdan sonra Əli Tağızadə burada partiya fəaliyyəti göstərmiş, Borçalı Qəza Partiya Komitəsinin katibi, 1925–1927-ci illərdə Tiflisdə qoyunçuluq kooperativinin sədri, 1927–1928-ci illərdə Gürcüstan SSR Ali Məhkəməsi kollegiyasının üzvü, 1928–1929-cu illərdə isə Zaqafqaziya Ticarət İdarəsinin şöbə müdiri olmuşdur.[5][1]

Əli Tağızadə Ermənistan SSR-ə rəhbər işə göndərilərək 1929–1932-ci illərdə Ermənistan SSR xalq ictimai təminat komissarı, eyni zamanda İrəvanda çıxan "Qızıl şəfəq" qəzetinin redaktoru olmuş, Ermənistan Kommunist Partiyası Mərkəzi Komitəsinin büro üzvü seçilmiş, 1933–1935-ci illərdə Vedi rayon Partiya Komitəsinin birinci katibi işləmişdir.[6] 1938-ci ildə xalq düşməni kimi həbs olunmuş, lakin 1940-cı ildə azad edilmişdir.[1] Bundan sonra o, Vedi rayonunun Qaralar kəndinə kitabxana müdiri göndərilmiş, lakin sonralar təqiblər səbəbindən Bakıya gəlmişdir.[6]

1946-cı ildən təqaüdə çıxaraq Bakıda yaşayan Əli Tağızadə Azərbaycan SSR Ali Sovetinin (4–6-cı çağırış)[7] deputatı seçilmiş, 1959–1963-cü illərdə isə sədri olmuşdur.[3] O, dəfələrlə ZSFSR, Gürcüstan və Ermənistan Mərkəzi İcraiyyə Komitələrinin, Azərbaycan və Ermənistan K(b)P Mərkəzi Komitələrinin, Azərbaycan SSR Ali Soveti Rəyasət Heyətinin üzvü olmuşdur.[8] Həyatının son illərində Azərbaycan Lenin Kommunist Gənclər İttifaqı Mərkəzi Komitəsi yanında İnqilabi Şöhrət Şurasının sədri vəzifəsində çalışmışdır.[4]

Əli Tağızadə 1905–1907-ci illərin birinci rus inqilabında fəal iştirak etdiyi üçün və inqilabi xidmətlərinə görə "Qırmızı əmək bayrağı" və Ermənistan SSR-in "Qırmızı bayraq" (1936) ordenləri, eləcə də medallarla təltif edilmişdir.[2]

Əli Tağızadə 3 fevral 1966-cı ildə vəfat etmişdir.[9] Bakıdakı küçələrdən biri onun adını daşıyır.[3]

İstinadlar[redaktə | mənbəni redaktə et]

  1. 1 2 3 "Таги-заде Али Али оглы". knowbysight.info. Справочник по истории Коммунистической партии и Советского Союза 1898–1991. 11 noyabr 2021 tarixində arxivləşdirilib. İstifadə tarixi: 11 noyabr 2021.
  2. 1 2 3 Әли Тағызадә // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 3.
  3. 1 2 3 Тағызадә Әли // Азәрбајҹан Совет Енсиклопедијасы: [10 ҹилддә]. IX ҹилд: СпутникФронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 119–120.
  4. 1 2 3 Ә. Әсәдов. Ингилаб әсҝәри: [Ә. Тағызадәнин анадан олмасынын 100 иллији] // Коммунист. № 260 (18493). 11 нојабр 1983-ҹү ил. С. 3.
  5. Tağızadə Əli // Fəxri Xiyaban. Bakı: Heydər Əliyev Fondu. 2007. səh. 197.
  6. 1 2 "İrəvan şəhəri — mətbuat". iravan.preslib.az. Prezident Kitabxanası. 11 noyabr 2021 tarixində arxivləşdirilib. İstifadə tarixi: 11 noyabr 2021.
  7. Тағызадә Әли // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 288.
  8. Әли Тағызадә // Коммунист. № 29 (13115). 4 феврал 1966-ҹы ил. С. 3.
  9. Tagizade, Ali // Who was who in the USSR (ingilis). Metuchen, New Jersey: Scarecrow Press. 1972. səh. 532.

Xarici keçidlər[redaktə | mənbəni redaktə et]