Əli Zülalov

Vikipediya, açıq ensiklopediya
Jump to navigation Jump to search
Picto infobox music.png
Əli Zülalov
Fotoqrafiya
Sənətçi məlumatları
Doğum tarixi
13 sentyabr 1893(1893-09-13)
Doğum yeri Şuşa, Yelizavetpol quberniyası, Rusiya İmperiyası
Vəfat tarixi 18 fevral 1963 (69 yaşında)
Vəfat yeri Bakı, Azərbaycan SSR, SSRİ
Peşəsi Müğənni

ÜslubOpera
Səs tembritenor
Mükafatları"Şərəf Nişanı" ordeni

Əli Əbdül oğlu Zülalov (13 sentyabr 189318 fevral 1963)[1] — Azərbaycanın opera müğənnisi, Azərbaycan SSR əməkdar artisti (1940).

Həyatı[redaktə | əsas redaktə]

Əli Zülalov 1893-cü il təxminən sentyabrın 13-də Şuşa şəhərində anadan olmuşdur. Atası Əbdül Zülalov 1898-ci ildə vəfat etdikdən sonra onu və qardaşı olan Qəmbər Zülalovu əmisi Əbdülbağı Zülalov (Bülbülcan) himayəsinə götürmüşdür. Şuşa şəhər real məktəbini bitirmişdir. 1917-ci ildə həvəsi onu tetra gətirmişdir. Bülbülcanla dostluq edən Üzeyir Hacıbəyov Əli Zülalovun incəsənətə olan marağını duymuşdu. Onunla söhbət zamanı gəncin gur, xarakterik səsi bəstəkarın diqqətini çəkib. Elə bu səbəbdən də onu birillik sınaq müddətində özünün rəhbərlik etdiyi opera və operetta truppasının xoruna işə götürüb. Beləliklə, Əli Zülalov səhnədə ilk addımlarını Üzeyir və Zülfüqar Hacıbəyov qardaşlarının truppasında atdı. Əhməd Ağdamskidən sonra qadın rollarının ilk ifaçılarından biri də Əli Zülalov olub. Sonralar təhsilini davam etdirən Əli Zülalov Bakı Musiqi Texnikumunu və Azərbaycan Dövlət Konservatoriyasını bitirdi. O, həyatda da, sənətdə də Üzeyir Hacıbəylidən dərs aldı. 1952-ci ildə Mirzə Fətəli Axundov adına Opera və Balet Teatrında çalışmağa başlamışdır. İstedadlı aktyorun opera səhnəsində yaratdığı rollar: Ehsan paşa və Fətəli xan ("Koroğlu"), Leylinin atası və Zeyd ("Leyli və Məcnun"), Keşiş ("Əsli və Kərəm"), Şahvələd ("Aşıq Qərib"), Molla Mütəllim ("Nərgiz"), Süleyman ("Arşın mal alan")[2], Ərəbzəngi ("Şah İsmayıl")[3] və onlarla digər obrazları maraqla izlənib. Əməkdar artist fəxri adına layiq görülən Əli Zülalov opera səhnəmizin inkişafında xidməti olan mədəniyyət xadimlərindən biri idi.[4] 1938-ci ildə Moskvada keçirilən Azərbaycan incəsənəti on günlüyü çərçivəsində Müslüm Maqomayevin "Nərgiz" operasındakı Molla Mütəllim roluna görə "Şöhrət nişanı" ordeni ilə təltif edilmişdir. İslam dininin adət-ənənələrini yaxşı bilən Ə.Zülalov bu obrazı xüsusi bir məharətlə yaratmışdır. Bu da Stalinin diqqətindən yayınmamışdır.[5]

Əli Zülalov "Nərgiz" operasında, Molla Mütəllim rolunda

Görkəmli bəstəkar Fikrət Əmirov Ə.Zülalov haqqında xatirələrində belə yazıb: "...Azərbaycan Dövlət Opera və Balet Teatrının aparıcı aktyoru, solist Əli Zülalov gözəl səsi, səhnə mədəniyyəti və davranışı ilə hər zaman gənclərə nümunə olmuşdur".

O, 1963-cü ilin fevralın 18-də Bakıda vəfat edib.

Ailəsi[redaktə | əsas redaktə]

Atası Əbdül Zülalov, anası Gülüş xanım olmuşdur.

Əmisi: Əbdülbağı Zülalov (Bülbülcan), Qardaşı: Qəmbər Zülalov,

Əli Zülalovun Elmira, Solmaz və Zemfira adında 3 qızı olmuşdur.

İstinadlar[redaktə | əsas redaktə]

  1. İlham Rəhimli. Azərbaycan Teatr Ensiklopediyası. I cild. Azərnəşr. Bakı, 2016. s.362
  2. http://vyshka.azeurotel.com/arxiv/2002/13/6.htm
  3. http://luch.az/vzglyad-na-iskusstvo/3680-arabzengi-azerbaydzhanskoy-sceny-rzaeva-hagigat-ali-kyzy.html
  4. Bir nəslin hekayəti. Flora Xəlilzadə, "Azərbaycan". 14 avqust 2012
  5. Его исполнение отметил сам Сталин.... Нилуфар Гасанкызы. Вышка. 13 марта 2002, №13

Qalereya[redaktə | əsas redaktə]

Əli Zülalov səhnədə səhnədə (sağda)
Али Зулалов.jpg Əli Zülalov 4.jpg Əli Zülalov səhnədə 2.jpg

Xarici keçidlər[redaktə | əsas redaktə]