Əli və Nino (film, 2016)

Vikipediya, açıq ensiklopediya
(Əli və Nino (Elvin Mirzəyevin filmi) səhifəsindən istiqamətləndirilmişdir)
Jump to navigation Jump to search
Əli və Nino
Əli və Nino
Əli və Nino (Elvin Mirzəyevin filmi) - YARAT film nümayiş elanı.jpg
Rejissor Elvin Mirzəyev
Əsərin müəllifi Qurban Səid
Ssenari müəllifi Elvin Mirzəyev
Baş rollarda Elvin Mirzəyev
Nigar Həsənzadə
Ayşad Məmmədov
Rövşən Məmmədli
Operator Həmid Mehrəfruz, Emin Ağayev
Bəstəkar Cavanşir Quliyev
Rəssam Cəfər Naderi, Rza Fəllah
İstehsalçı TREM TV Production
İlk baxış tarixi 27 dekabr 2016
Vaxt 110 dəqiqə
Ölkə Flag of Azerbaijan.svg Azərbaycan
Dil Azərbaycan dili
rus dili
İl 2016

Əli və NinoElvin Mirzəyevin ssenari müəllifi və quruluşçu rejissoru olduğu Azərbaycan bədii filmi. Film Qurban Səidin Əli və Nino romanı əsasında çəkilmişdir. Baş rolları Elvin Mirzəyev və Nigar Həsənzadə canlandırmışdır. Çəkilişləri Azərbaycanİranda aparılmışdır. Çəkilişlərinə 2014-cü ildə başlanılan[1] film əvvəlcə 12 serialı teleserial formasında nəzərdə tutulsa da sonradan 110 dəqiqəlik film formasında 2016-cı ildə Bakıda ilk premyerası baş tutmuşdur. Filmin 4 seriyalı teleserial forması da mövcuddur.

Məzmunu[redaktə | əsas redaktə]

Əsas məqalə: Əli və Nino

Müsəlman Əli ilə xristian Ninonun sevgi hekayəsi 1917-18-ci illərdə Bakıda bolşevik işğalı ərəfəsində baş verir. Şərq dəyərlərinə dayanan fikirlərə sahib olan Əli Xan Şirvanşir və qərb mədəniyyətinin daşıyıcısı Nino Kipiani məktəb illərində bir-birlərinə aşiq olurlar. Birinci Dünya Müharibəsi və Rusiya inqilabı davam etdiyi vaxtda, Azərbaycanın müstəqillik mübarizəsində olduğu xaotik bir mühitdə Əli şərq mədəniyyətindən gələn fikirləri və Ninoya olan məhəbbəti arasında seçim etmək məcburiyyətində qalır. Ninonun atası da əvvəlcə fikir ayrılığında olsa da, daha sonra erməni əsilli dostunun məsələyə müdaxilə etməsindən sonra evlilik haqqındakı fikirləri dəyişir.

Hadisələr haqqında danışılan erməninin Ninonu qaçırmasından sonra dramatikləşir. Əli xan dinin qaydalarına uyğun olaraq ermənini öldürür və intiqamdan çəkinərək Bakıdan qaçmaq məcburiyyətində qalır. Aylar sonra Əli xanı yoxsulluq içində tapan Nino onunla evlənir. Rusiya inqilabı və türklərin Bakını azad etmək məqsədi ilə Azərbaycana yürüyüşlərini diqqətlə izləyən Əli rusların Bakını yenidən ələ keçirməsindən sonra Nino ilə birlikdə İrana gedirlər. Nino İranda özünü ev həbsi şəraitində hiss edir və xoşbəxt görmür. Azərbaycanda şərqdəki ilk demokratik cümhuriyyətin qurulmasından sonra Əli xan yenidən Bakıya qayıdır və yeni respublikanın mədəni və ictimai həyatında aktiv şəkildə yer alır. Sonralar Əli xana Fransada Azərbaycan səfiri olmaq təklifi gəlsə də, Ninonun İranda keçirdiyi hisslərlə qarşılaşmamaq üçün qəbul etmir. Əli xan Şirvanşirin qısa həyatı 1920-ci ildə rusların Azərbaycana hücumu ilə sona çatır. Nino isə yeni anadan olan uşağı ilə birlikdə Gürcüstana qaçır.

Yaradıcı heyət[redaktə | əsas redaktə]

Mənbə[2]

Rollarda[redaktə | əsas redaktə]

Mənbə[2][3]

İstehsal[redaktə | əsas redaktə]

İnkişaf[redaktə | əsas redaktə]

1998-ci ildə Amsterdamın "Egmond" Film və Televiziya şirkətindən Hans de Veers "Əli və Nino" romanının ekranlaşdırılması üçün Amerika tərəfdaşları axtarmağa başlamışdı. Filmin ingilis dilində çəkilməsi, ssenarinin isə Oskar mükafatlı Azərbaycan yazıçısı Rüstəm İbrahimbəyov tərəfindən yazılması nəzərdə tutulmuşdu. De Veers açıqlamasında "$8 olması nəzərdə tutulmuş büdcənin 30%-nin Niderland və Azərbaycandan əldə edildiyi"ni bildirmişdi. [4]

2004-cü ildə holland şirkəti "Zeppers Film & TV" və "NPS" holland rejissoru Yos de Putterin çəkdiyi "Alias Kurban Said" adlı sənədli filmi təqdim etmişdir. Filmdə əsasən romanın müəllifliyi ilə bağlı məsələlər araşdırılır.[5] "Variety" jurnalında bu film "köhnə fotolar, saralmış sənədlər və video kadrların istifadəsi ilə hazırlanmış möhtəşəm tarixi detektiv"[6] adlandırılır. Filmdə Abraham Nussinbaumun 1913-cü ildə Nobel qardaşlarına satılmış neft quyularının sahibi olduğu sənədlərlə sübuta yetirilir. Film Tribeka Film Festivalı, Rotterdam Beynəlxalq Film Festivalı və 2005-ci il Niderland Film Festivalının rəsmi baxış siyahına salınmışdır. Niderland Film Festivalında film, "Ən Yaxşı Film Musiqisi" nominasiyasında mükafata layiq görülmüşdür.[7]

Elvin Mirzəyevin quruluşunda olan "Əli və Nino" tamaşası 2007-ci ildə Teatr Xadimləri İttifaqının Yaradıcı Gənclər Mərkəzində səhnələşdirilib.[8] 2011-ci ildə isə Bakı Bələdiyyə Teatrında 2-ci dəfə nümayiş etdirilib.[9] 2012-ci ildə tamaşa Moskva Beynəlxalq Teatr Festivalında göstərilib.[10] Teatr festivallarda mükafatlar alıb, o cümlədən Moskvada keçirilən "Qızıl Maska" Beynəlxalq Teatr festivalında, Ukrayna Xerson XIV Beynəlxalq Teatr festivalında, Kiyev şəhərində. Xerson festivalında aktrisa Nigar Həsənzadə 20 ölkə arasında ən yaxşı qadın obrazına görə diplom və mükafat alıb.

2010-cu ildə Gürcüstan rejissoru Giorgi Toradzenin "Əli v Nino" romanının "yaradılması" haqqında sənədli film çəkməyi planlaşdırması haqqında məlumat verilmişdi. Məlumatda bildirilir ki, layih prodüsser Giorgi Sturua tərəfindən Azərbaycan Respublikası Mədəniyyət və Turizm Nazirliyinə təqdim edilmişdi.[11]

2012-ci ilin aprelində Paris-Sarbonna Universitetinin Rişelye amfiteatrında roman əsasında hazırlanmış "Əli və Ninonun ayaq izləri" adlı myuzikl təqdim edilmişdir. Layihənin yaradıcı və icraçısı Azərbaycanlı pianist Səidə Zülfüqarova olmuşdur. Onun tamaşa üçün yazdığı musiqidə Azərbaycan və Gürcüstanın xalq musiqilərindən, həmçinin Azər Rzayev, Üzeyir Hacıbəyov, Vaqif Mustafazadə, Fritz Kreisler və Qara Qarayevin musiqilərindən istifadə olunmuşdur. Tamaşanın rejissoru isə Şarlotta Loriot olmuşdur.[12][13]

Çəkilişlər[redaktə | əsas redaktə]

Çıxarılması[redaktə | əsas redaktə]

Film ilk dəfə 27 dekabr 2016-cı ildə Bakıda, “YARAT” Müasir İncəsənət Mərkəzində təqdim edilib.[14][15][16][17]

Marketinq[redaktə | əsas redaktə]

13 aprel 2015-ci ildə filmdən ilk fotolar yayımlanıb.[18] 6 oktyabr 2016-cı ildə filmdən növbəti dəfə foto və ilk dəfə video görüntülər yayımlanıb.[19][20]

Filmin rəsmi treyleri 5 dekabr 2016-cı ildə YouTube video sosial şəbəkəsinə yerləşdirilib.[21]

Qəbulu[redaktə | əsas redaktə]

Tənqidçilərin mövqeyi[redaktə | əsas redaktə]

Aygün Aslanlı Azadlıq Radiosundakı 1 yanvar 2017-ci il tarixli Daha bir "Əli və Nino" filmi gəldi, bu dəfə az büdcəli və yerli istehsal başlıqlı məqaləsində film haqqında öz fikirlərini bildirib.[22]

İstinadlar[redaktə | əsas redaktə]

  1. Aliyə (2014-06-13). "“Əli və Nino” filmi çəkilir REPORTAJ"(azərb.)). lent.az. Arxivləşdirilib: [1] saytından 2017-06-22 tarixində. http://web.archive.org/web/20170629131043/http://kulis.lent.az/news/9192. İstifadə tarixi: 2017-06-22.
  2. 2,0 2,1 {{cite web}} şablonunun bütün parametrlərinin adı olmalıdır. "Ali & Nino"(azərb.)). tremtv.com. 25 aprel 2017 tarixində arxivləşdirilib. İstifadə tarixi: 25 aprel 2017.
  3. {{cite web}} şablonunun bütün parametrlərinin adı olmalıdır. "Əli və Nino filmində əsas rolların ifaçıları"(azərb.),  (ing.),  (rus.)). tremtv.com. 25 aprel 2017 tarixində arxivləşdirilib. İstifadə tarixi: 25 aprel 2017.
  4. Sharon Swart, "Umbrella stand helps Euros foot market bill," Variety, February 23-March 1, 1998, p. A3.
  5. "Alias Kurban Saïd".
  6. Ronnie Scheib, "Alias Kurban Said" [film review], Variety, June 28-July 11, 2004.
  7. Alias Kurban Saïd, fandor.com, İstifadə: 3 fevral 2015
  8. Галина Микеладзе (2007-03-11). "Популярный роман на драматической сцене"(rus.)). 1news.az. Arxivləşdirilib: [2] saytından 2017-04-25 tarixində. https://web.archive.org/web/20170425133514/http://www.1news.az/bomond/cult/20070311115322946.html. İstifadə tarixi: 2017-04-25.
  9. Ramilə Qurbanlı. "“Əli və Nino ” - REPORTAJ"(azərb.)). lent.az (17 may 2011). 29 iyun 2017 tarixində arxivləşdirilib. İstifadə tarixi: 29 iyun 2017.
  10. "Today.Az - 'Ali and Nino' play to join int'l festival".
  11. "News.Az - Georgian director hopes to make documentary on Ali and Nino novel".
  12. "Ali and Nino musical to premiere in France". News.az. April 4, 2012. http://www.news.az/articles/culture/57512.
  13. (April 2012) "Saida Zulfugarova – an Azerbaijani in Paris" Nəşr edən: The European Azerbaijan Magazine (PDF): 8–10.
  14. Yarat! Contemporary Art Space. "YARAT Film Klub: "Əli və Nino" / Elvin Mirzəyev". facebook.com (27 dekabr 2016).
  15. "“ƏLİ VƏ NİNO”NUN PREMYERASI OLACAQ"(azərb.)). primetime.az. 2016-12-06. Arxivləşdirilib: [3] saytından 2017-04-25 tarixində. https://web.archive.org/web/20170425141118/http://www.primetime.az/news,13140,ade63a77/page,1/lang,az/. İstifadə tarixi: 2017-04-25.
  16. Kamal Yaşar (2016-12-28). "Elvin Mirzəyevin quruluş verdiyi “Əli və Nino” filminin premyerası olub"(azərb.)). kepeztv.az. Arxivləşdirilib: [4] saytından 2017-04-25 tarixində. https://web.archive.org/web/20170425121010/http://kepeztv.az/news/id/18131. İstifadə tarixi: 2017-04-25.; YouTube-dan izlə
  17. Ülviyyə Həsənqızı. "“ƏLİ VƏ NİNO” BU DƏFƏ YARAT SƏHNƏSİNDƏ..."(azərb.)). primetime.az (28 dekabr 2016). 25 aprel 2017 tarixində arxivləşdirilib. İstifadə tarixi: 25 aprel 2017.
  18. Ф.В, Г.Р. (2015-04-13). "В Баку снимается сериал «Али и Нино» - ФОТО"(rus.)). 1news.az. Arxivləşdirilib: [5] saytından 2017-04-25 tarixində. https://web.archive.org/web/20170425132913/http://www.1news.az/bomond/bomaz/20150413122509421.html. İstifadə tarixi: 2017-04-25.
  19. Trem TV Production (2016-10-06). "Ali & Nino/Əli və Nino/Али и Нино - Azeri version - TV serial"(azərb.),  (rus.)). youtube.com. https://www.youtube.com/watch?v=LlJYrRuH74U. İstifadə tarixi: 2017-04-20.
  20. "Новые фото и видеокадры сериала «Али и Нино» - ФОТО – ВИДЕО"(rus.)). 1news.az. 2016-10-20. Arxivləşdirilib: [6] saytından 2017-04-16 tarixində. https://web.archive.org/web/20170425131735/http://www.1news.az/bomond/kino/20161020051238732.html. İstifadə tarixi: 2017-04-25.
  21. Trem TV Production. "ALİ and NİNO - OFFİCİAL TRAYLER - ƏLİ VƏ NİNO SERİALI - RƏSMİ TREYLER - АЛИ И НИНО"(azərb.),  (rus.)). youtube.com (5 dekabr 2016).
  22. "Daha bir "Əli və Nino" filmi gəldi, bu dəfə az büdcəli və yerli istehsal"(azərb.)). azadliq.org (1 yanvar 2017). 24 aprel 2017 tarixində arxivləşdirilib. İstifadə tarixi: 25 aprel 2017.

Həmçinin bax[redaktə | əsas redaktə]

Xarici keçidlər[redaktə | əsas redaktə]