Əlisaab Orucov

Vikipediya, azad ensiklopediya
(Əlisahib Orucov səhifəsindən istiqamətləndirilmişdir)
Naviqasiyaya keçin Axtarışa keçin
Əlisaab Orucov
bayraq
Azərbaycan Respublikası Baş nazirinin müavini — Azərbaycan Respublikası Prezidentinin fövqəladə səlahiyyətli nümayəndəsi
bayraq2
7 aprel 1992 – 2 iyul 1992
PrezidentYaqub Məmmədov (i. e.)
Ayaz Mütəllibov
İsa Qəmbər (i. e.)
Əbülfəz Elçibəy
Baş nazirFeyruz Mustafayev (i. e.)
Rəhim Hüseynov
5 fevral 1991 – 7 aprel 1992
Əvvəlkivəzifə təsis edilib
Sonrakıİlyas İsmayılov
15 yanvar 1985 – 5 fevral 1991
ƏvvəlkiNəriman Yusifov
Sonrakıvəzifənin adı dəyişdirilib
Şəxsi məlumatlar
Doğum tarixi (78 yaş)
Doğum yeri Göyçay, Azərbaycan SSR, SSRİ
Təhsili

Əlisaab (Əlisahib) Səftər oğlu Orucov (24 yanvar 1946, Göyçay) — Azərbaycan hüquqşünası və dövlət xadimi, Azərbaycanın ədliyyə naziri (1985–1992), Azərbaycan Respublikası Baş nazirinin müavini — Azərbaycan Respublikası Prezidentinin fövqəladə səlahiyyətli nümayəndəsi (1992).

Həyatı[redaktə | mənbəni redaktə et]

Əlisaab Səftər oğlu Orucov 24 yanvar 1946-cı ildə Göyçay şəhərində fəhlə ailəsində anadan olmuşdur. 1953–1964-cü illərdə Göyçay şəhər 3 saylı orta məktəbdə, 1966–1971-ci illərdə isə Azərbaycan Dövlət Universitetinin hüquq fakültəsinin əyani bölməsində təhsil almışdır.[1]

1971-ci ildə Azərbaycan SSR Ədliyyə Nazirliyində Məhkəmə Orqanları İdarəsində məsləhətçi kimi işə başlamış, 1973-cü ilin fevral–iyun aylarında Bakı şəhər Nəsimi rayon xalq məhkəməsində xalq hakimi kimi təcrübə keçmişdir. Elə həmin ilin iyunundan 1977-ci ilin dekabrınadək Kirovabad (Gəncə) şəhərində xalq hakimi işləmiş, 1977-ci ilin dekabrından 1980-ci ilin martınadək isə Azərbaycan SSR Ali Məhkəməsinin üzvü olmuşdur.[2] 1980-ci ilin mart ayında Əlisaab Orucov Azərbaycan SSR Ali Məhkəməsinin sədr müavini, iki il sonra isə birinci müavini seçilmişdir.[1]

Əlisaab Orucov 1985-ci ilin yanvarından 1992-ci ilin aprel ayınadək Azərbaycanın ədliyyə naziri (müstəqil Azərbaycanın ilk ədliyyə naziridir) olmuşdur. 1992-ci ilin aprelindən həmin ilin iyul ayınadək Azərbaycan Respublikası Baş nazirinin müavini — Azərbaycan Respublikası Prezidentinin fövqəladə səlahiyyətli nümayəndəsi işləmiş, Qarabağda gedən müharibə zamanı ön cəbhədə olmuşdur.[2]

Əlisaab Orucov 1993–1995-ci illərdə Azərbaycan Milli Yaradıcılıq Akademiyası Prezidentinin müavini, 1995-ci ilin iyul ayından Azərbaycan Respublikası Ədliyyə Nazirliyi Notariat və VVA İdarəsinin rəisi işləmişdir.[3]

Əlisaab Orucov 1973-cü ildən Sov.İKP üzvü olmuş, Azərbaycan SSR Ali Sovetinin 11-ci (1985–1990)[4] və 12-ci (1990–1991) çağırış deputatı seçilmişdir.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. 1,0 1,1 Əlisaab Orucov. Mübarizəmiz Qarabağdadır (PDF). Bakı: "Gənclik" nəşriyyatı. 2011. səh. 3–20. ISBN 5-8020-1670-10. 2022-02-08 tarixində arxivləşdirilib (PDF). İstifadə tarixi: 2022-02-08.
  2. 2,0 2,1 Müstəqil Azərbaycanın ilk ədliyyə naziri // Erməni terroru. Qarabağda müharibənin başlaması. Hadisələr... Faktlar... (PDF). Bakı: "Avropa" nəşriyyatı. 2008. səh. 212. 2022-02-08 tarixində arxivləşdirilib (PDF). İstifadə tarixi: 2022-02-08.
  3. Оруҹов Әлисааб Сәфтәр оғлу // Азәрбајҹанда ким кимдир? (Сорғу-мәлумат китабы). Тәртибчи-мүәллифләр: Тејмур Әһмәдов, Тарыјел Ҹаһанҝир. Бакы: "Азәрбајҹан Енсиклопедијасы" НПБ. 1999. С. 391. ISBN 5-89600-253-x.
  4. Оруҹов Әлисааб Сәфтәр оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 313.

Xarici keçidlər[redaktə | mənbəni redaktə et]