Əməkçilərin Müstəqil Federasiyası

Vikipediya, azad ensiklopediya
Jump to navigation Jump to search

Əməkçilərin Müstəqil Federasiyası (ing. Federation of Free Workers) — Filippinin ən böyük milli həmkarlar ittifaqları təşkilatlarından biri.[1] Mərkəzi ofisi Manila şəhərində yerləşir.

Tarixi[redaktə | əsas redaktə]

İlkin dövr[redaktə | əsas redaktə]

XX əsrin ortalarında Filippində hüquqlarının müdafiə olunmasına ehtiyac duyan bir qrup gənc idealist ölkənin əmək qanunvericiliyi əsasında öz hüquqlarını qorumaq üçün birləşir. Səbəbsiz işdən ixtisar olunma, əməkhaqqının yaşayış minimumuna cavab verməməsi, sosial təminatın mövcud olmaması, iş yerlərində ayrı-seçkiliyin hökm sürməsi işçiləri onları müdafiə edə biləcək bir qüvvənin yaradılmasına gətirib çıxardır. Nəticədə 19 iyun 1950-ci ildə Əməkçilərin Müstəqil Federasiyası fəaliyyətə başlayır. Qurumun ilk prezidenti vəzifəsinə Ramon Maqsaysay seçilir.[1]

Mövcud vəziyyəti[redaktə | əsas redaktə]

Hazırda ƏMF Filippinin ən iri təşkilatlarından biridir. Federasiya aparılan üçtərəfli danışıqlarda aktiv və aparıcı rol oynayır. Sosial və əmək dialoqlarının gedişində prinsipial mövqe tutur, ölkə həmkarlar ittifaqını milli, regional və beynəlxalq səviyyədə təmsil edir. Bundan əlavə, federasiya geniş iş şəbəkəsinə malikdir. Bu şəbəkə xüsusən ölkədə layiqli əməyin təmin edilməsi və müasir əmək standartlarının reallaşması məqsədi ilə yaradılıb.[1]

Federasiya sosial-demokrat hərəkatının da fəal iştirakçısıdır. Onu Filippində Milli Həmkarlar İttifaqları Mərkəzi kimi də tanıyırlar.[1]

Tərkibi[redaktə | əsas redaktə]

Ümumilikdə federasiyanın 200 min üzvü var. Təşkilat özündə həm formal, həm də qeyri-formal iqtisadiyyatın işçilərini cəmləşdirir. Qurum bütün təşkilatlar üzrə 80 min kollektiv müqavilə bağlayıb. Bu müqavilələr əsasən bank, təhsil ocaqları, əczaçılıqla məşğul olan şirkətlər, avtomobil sənayesinin işçilərini əhatə edir.[1]

Xarici əlaqələri[redaktə | əsas redaktə]

Federasiya Beynəlxalq Həmkarlar İttifaqları Konfederasiyasının üzvüdür.[1] Həmçinin, Beynəlxalq Əmək Təşkilatının layihələrində də yaxından iştirak edir.[1]

Rəhbəri[redaktə | əsas redaktə]

Federasiyanın hazırkı prezidenti Joze Soni Matuladır.[1]

Ədəbiyyat[redaktə | əsas redaktə]

  • International Centre for Trade Union Rights et al.,, ed. (2005). Trade Unions of the World (6th). London, UK: John Harper Publishing. ISBN 0-9543811-5-7.

İstinadlar[redaktə | əsas redaktə]

  1. 1 2 3 4 5 6 7 8 Afaq. Filippin Həmkarlar İttifaqları. "Ülfət" qəzeti, 11.01.2013.  (azərb.)

Xarici keçidlər[redaktə | əsas redaktə]