Əmənulla mirzə Qovanlı-Qacar
| Əmənulla mirzə Qovanlı-Qacar | |
|---|---|
| Əmənulla mirzə Bəhmən mirzə oğlu Qovanlı-Qacar | |
 | |
| Doğum tarixi | 8 yanvar 1862 |
| Doğum yeri | Şuşa |
| Vəfat tarixi | 1937 |
| Vəfat yeri | Tehran |
| Vətəndaşlıq | |
| Peşəsi | hərbi qulluqçu və siyasətçi |
Əmənulla mirzə Bəhmən mirzə oğlu Qovanlı-Qacar - Çar ordusunun general-mayoru, Bəhmən mirzə Qovanlı-Qacarın oğlu, iran Milli Məclisinin üzvü.
Mündəricat
Həyatı[redaktə | əsas redaktə]
Əmənulla mirzə Bəhmən mirzə oğlu 8 yanvar 1862-ci ilin Şuşa şəhərində anadan olmuşdu. Sankt-Peterburqdakı hərbi kadet korpusunu bitirmişdi. On yeddi yaşında poruçik rütbəsi alan Əmənulla mirzə 1879-cu il iyulun 19-dan xidmətə başlamış, doqquzuncu Kuban piyada-kazak divizionunda komandir olmuşdur. 1900-cu il mayın 6-da nizami kazak batalyonundakı nümunəvi xidmətinə görə Əmənulla mirzə Bəhmən mirzə oğluna yesaul (mayor) rütbəsi verilmiqdir.
1915-ci ildə üçüncü Kuban kazak-piyada divizionuna komandirlik edən Əmənulla mirzəyə həmin il aprelin 25-də polkovnik rütbəsi verilmişdir. Güclü döyüşlər zamanı ayağından ağır yaralanan Əmənulla mirzə arxa cəbhəyə göndərilsə də hərbi fəaliyyətini dayandırmamışdı.
Kuban kazak nizami hissələrindəki nümunəvi xidmətlərinə görə Əmənulla mirzə Qacar 1917-ci ildə general-mayor rütbəsi almışdır.
Fevral burjua inqilabından sonra Qafqaza qayıdan Əmənulla mirzə bir müddət Tiflisdə və Şuşada yaşamışdır. Bolşevik təzyiqinə dözməyən və bolşevik təhlükəsini əvvəlcədən hiss edən Əmənulla mirzə 1929-ci ildə İrana mühacirət etmişdir. Tehranda yaşayan general-mayor Əmənulla mirzə Qacar hərbi məktəbdə işləmiş, Iran nizami ordusunun yaradılmasında yaxından iştirak etmişdir.
İran Milli Məclisinin üzvü, Iran—Sovet dostluğu cəmiyyətinin sədri, general-mayor Əmənulla mirzə Qacar 1937-ci ildə Tehranda vəfat etmişdir.
Əmənulla mirzə Nəvvab bəyim Hacı Hüseynəli bəy qızı ilə yaşam qurmuşdu. Səyəvuş mirzə, Xosrov mirzə adlı oğulları, Səfiyyə xanım adlı qızı vardı.
Mükafatları[redaktə | əsas redaktə]
Birinci Dünya müharibəsi illərində Avstriya cəbhəsində vuruşan igid süvari komandirin döyüş fəaliyyəti üçüncü dərəcəli "Müqəddəs Vladimir", ikinci dərəcəli "Müqəddəs Anna" və üçüncü dərəcəli "Müqəddəs Stanislav" ordenlərinə layiq görülmüşdür.
Mənbə[redaktə | əsas redaktə]
- Ənvər Çingizoğlu. Qacarlar və Qacar kəndi. Bakı: "Şuşa", 2008, 334 səh.
