Əmirli (Bərdə)

Əmirli
40°13′20″ şm. e. 47°08′55″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	88 m
Saat qurşağı	UTC+04:00
Əmirli
Vikianbarda əlaqəli mediafayllar

Əmirli — Azərbaycan Respublikasının Bərdə rayonunun Əmirli kənd inzibati ərazi dairəsində kənd. Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı ilə Bərdə rayonunun Əmirli kəndi Xanərəb kənd Sovetindən ayrılaraq, bu kənd mərkəz olmaqla Əmirli kənd Soveti yaradılmışdır.

Tarixi

Yaşayış məntəqəsi 1948-ci ildə dağıdılmışdı. 1951–1952-ci illərdə Ermənistandan qanunsuz olaraq köçürülmüş azərbaycanlı ailələri orada məskunlaşdıqdan sonra dağılmış kəndin adı yeni yaşayış məntəqəsinə verilmişdi. Əmirli əfşar tayfasının bir qolu olan eymurların adının yerli tələffüzə uyğunlaşmış formasıdır.

Coğrafiyası və iqlimi

Kənd Qarabağ düzündə yerləşir.

Əhalisi

Kəndin əhalisi əsasən Göyçə mahalının Aşağı Qaranlıq rayonunun Mollalı kəndindəndirlər.

İrəvan quberniyasının Şərur-Dərələyəz qəzasında indiki Keşişkənd (Yeğeqnadzor) rayonunda olan Sallı və Çivə kəndindən SSRİ Nazirlər Sovetinin xüsusi qərarı ilə 1948-ci ildə kəndin azərbaycanlı sakinləri zorla Azərbaycanın Salyan rayonuna köçürülmüşdür. Burada əhalinin bir hissəsi Bərdənin Əmirli kəndinə gəlmiş, oradan da bəziləri yenidən Sallıya — ata-baba yurdlarına qayıtmışdır.

Tanınmış şəxsləri

• Rasim Məhəmməd oğlu Əliquliyev — AMEA-nın həqiqi üzvü (akademik), texnika elmləri doktoru, professor, AMEA-nın vitse-prezidenti, İnformasiya Texnologiyaları İnstitutunun baş direktoru
• Ramiz Məhəmməd oğlu Alıquliyev — AMEA-nın müxbir üzvü, texnika elmləri doktoru, professor, İnformasiya Texnologiyaları İnstitutunun şöbə müdiri, Azərbaycan Texniki Universitetinin "Data Elmi və Süni İntellekt" İnstitutunun direktoru