Ənvər Behbudov

Vikipediya, azad ensiklopediya
Naviqasiyaya keçin Axtarışa keçin
Ənvər Behbudov
Doğum tarixi 20 mart 1912(1912-03-20)
Doğum yeri
Vəfat tarixi 18 mart 1993(1993-03-18) (80 yaşında)
Vəfat yeri
Vətəndaşlığı
Atası Məcid Behbudov
Fəaliyyəti dramaturq, teatr rejissoru
Mükafatları "RSFSR xalq artisti" fəxri adı — 1965
"Şərəf nişanı" ordeni "Qırmızı əmək bayrağı" ordeni

Ənvər Məcid oğlu Behbudov (20 mart 1912, Şuşa18 mart 1993, Moskva)[1] — RSFSR xalq artisti (1965), rejissor, bədii rəhbər.

Həyatı[redaktə | mənbəni redaktə et]

Ənvər Məcid oğlu 20 mart 1912-ci ildə Şuşa şəhərində anadan olmuşdu. Ümumittifaq Dövlət Teatr Sənəti İnstitutunun rejissorluq fakültəsini bitirmiş (1942), Ulyanovsk (1944-1946), Xabarovsk (1946-1948), Novosibirsk (1948-1954) teatrlarında rejissor və bədii rəhbər olmuşdur. V. Kaçalov adına Böyük Dram Teatrında (Kazan, 1954-1959) və M.Qorki adına Dram Teatrında (Rostov, 1959-1964) baş rejissor işləmişdir. "Tüfəngli adam" (N. Poqodin), "Oyanmış torpaq" (M. Şoloxov), "Ölü canlar" (N. Qoqol), "Məhəbbət haqqında 104 səhifə" (E. Radzinski) və s. tamaşaların quruluşunu vermişdir. 1966-cı ildən Azərbaycan Opera və Balet Teatrında baş rejissor işləmiş, "Koroğlu" operasını tamaşaya qoymuşdur. 1969-cu ildən Azərbaycan Rus Dram Teatrının baş rejissoru olmuşdur; Ə. Behbudov burada "Altı iyul" (1970, M.Şatrov), "Kənar adam" (1972, M.Dvoretski), "Öz yolunla" (1973, R. İbrahimbəјov), "Sən yanmasan" (1974, N. Xəzri), "Ötən yay Çulimskdə" (1975, A. Vampilov), "Bir iflasın protokolu" (1976, A. Gelman) və s. əsərləri tamaşaya qoymuşdur. Qırmızı Əmək Bayrağı və "Şərəf nişanı" ordenləri, həmçinin, medallarla təltif edilmişdir.

İstinadlar[redaktə | mənbəni redaktə et]

  1. "BEHBUDOV Ənvər Məcid oğlu" (az.). Azərbaycan Milli Ensiklopediyası. 2019-02-14 tarixində arxivləşdirilib. İstifadə tarixi: 2019-02-14.

Həmçinin bax[redaktə | mənbəni redaktə et]