Ənvər bəy Yusifbəyli

Vikipediya, azad ensiklopediya
Jump to navigation Jump to search
Ənvər bəy Yusifbəyli
Ənvər bəy Həmid bəy oğlu Yusifbəyli
Doğum tarixi 1915
Doğum yeri Gəncə, Yelizavetpol qəzası, Yelizavetpol quberniyası, Qafqaz canişinliyi, Rusiya imperiyası
Vəfat tarixi 1989
Vəfat yeri Gəncə, Azərbaycan SSR, SSRİ
Dəfn yeri Gəncə
Vətəndaşlığı Rusiya İmperiyası Rusiya İmperiyası
Azərbaycan AXC
SSRİ SSRİ
Atası Həmid bəy Yusifbəyli
Anası Səriyyə xanım Şeyxzamanlı
Milliyyəti Azərbaycan türkü

Həyatı[redaktə | əsas redaktə]

1915-ci ildə Ənvər bəy dünyaya göz açıb. Onun taleyi də uğurlu olmayıb. Atasını 1920-ci illərdə DTK-a izlədiyinə görə həyəcan keçirib. Orta məktəbi bitirdikdən sonra məcburiyyət qarşısında soyadını Yusifbəylidən "Yusibov"a dəyişmişdir. 1933-cü ildə Tiflis Rabitə Elektrotexniki institutuna daxil olub. Həmin institutu bitirdikdən sonra təqiblərlə üzləşməmək üçün Rusiyanın İrkutsk şəhərinə üz tutub, 1938-1939-cu illərdə orada böyük mühəndis vəzifəsində işləyib. 1939-1941-ci illərdə Ənvər bəy Tacikistanın Stalinabad şəhərində Rabitə İdarəsində baş mühəndis vəzifəsində çalışmışdır. 1941-ci ildə SSRİ-nin Almaniya ilə başladığı müharibəyə çağrılmış və orada diviziya ilə bərabər əsir düşmüşdür. 1945-ci ildə əsirlikdən sonra həbs edilib. Ənvər bəy bu barədə öz xatirələrində yazırdı: "Mənə bir neçə ay işgəncələr verdilər və hətta ayaqüstü kabinaya yerləşdirib saatlarla başıma su damcıları buraxırdılar. Sonra məni məhkəməyə aparıb 15 il iş kəsərək siyasi məhbus kimi Sibir həbsxanalarına göndərdilər. Gəncliyimin 10 ili orada keçdi. 1954-cü ildə səhər saat 5-6 radələrində radio ilə eşitdik ki, Lavrenti Beriyanı həbs ediblər. Onun laqerin ortasında heykəli ucalırdı, dustaqlar həmin heykəli yıxmaq istədikdə vışkadan onları gülləbarana tutdular, bir neçə nəfərin meyidi yerdə qaldı. Üstündən bir neçə saat keçdikdən sonra laqerin rəhbərliyi xəbər tutdu ki, həqiqətən də Beriyanı həbs ediblər".

Ənvər bəy 1956-cı ildə bəraət aldı, 1989-cu ildə vəfat etdi. Gəncə şəhərində Yusifbəylilər sərdabəsində dəfn edildi.

Mənbə[redaktə | əsas redaktə]

  • Həmid bəyin bacısı nəvəsi, onun varisi Rafat ÇUVARLINSKİ

Həmçinin bax[redaktə | əsas redaktə]