Məzmuna keç

Ərəb (Ağdaş)

Vikipediya, azad ensiklopediya
Ərəb
40°40′15″ şm. e. 47°34′51″ ş. u.HGYO
Ölkə
Xəritəni göstər/gizlə
Ərəb xəritədə
Ərəb
Ərəb

Ərəb — Azərbaycan Respublikasınınnın Ağdaş rayonunun Ərəb kənd inzibati ərazi dairəsində kənd.[1] Bəzi qaynaqlarda adı Ərəb Kükəl olaraq da qeyd edilir. 24 iyun 2005-ci il tarixli 951-IIQ saylı Azərbaycan Respublikasının Qanunu ilə Ağdaş rayonunun Ərəb kəndi Kükəl kənd inzibati ərazi dairəsi tərkibindən ayrılaraq, bu kənd mərkəz olmaqla, Ərəb kənd inzibati ərazi vahidi yaradılmışdır.[2]

Toponimikası

[redaktə | vikimətni redaktə et]

Tarixi

[redaktə | vikimətni redaktə et]

Kəndin yaxınlığında XVIII əsrə aid Surxay qalasının qalıqları aşkar edilmişdir. 1913-cü ildə Yelizavetpol quberniyasının inzibati-ərazi bölgüsünə əsasən kənd Ərəş qəzasının Xosrov kənd cəmiyyətinə tabe idi.[3] 1926-cı ildə Azərbaycan SSR-in inzibati-ərazi bölgüsünə əsasən kənd Ərəş qəzasının Hacıəlili dairəsinə aid edilirdi.[4] 1929-cu ildə inzibati bölgü və qəzalar ləğv edildikdən sonra Azərbaycan SSR-in Ağdaş rayonunda Kükəl kənd şurası yaradılmışdır. 1961 və 1977-ci illərin İnzibati bölgüsünə əsasən Ərəb kəndi Azərbaycan SSR Ağdaş rayonunun Kükəl kənd sovetinə daxil idi.[5] 2014-cü ildə Ərəb kənd inzibati ərazi vahidi ləğv edilmiş, kənd Kükəl kənd inzibati ərazi vahidinin tərkibinə daxil edilmişdir.

Tarixi abidələri

[redaktə | vikimətni redaktə et]

Yaxınlığında XVIII əsrə aid Surxay qalasının qalıqları var.

Coğrafiyası və iqlimi

[redaktə | vikimətni redaktə et]

Kənd Yuxarı Şirvan kanalının sahilində, düzənlik ərazidə, dəniz səviyyəsindən 80 metr yüksəklikdə, Ağdaş rayon mərkəzindən 15 km, Bakıdan 231 km məsafədə yerləşir. Kəndin yaxınlığında Qoşunarx kanalı axır. Ən yaxın dəmir yolu stansiyası Ləki stansiyasıdır.

Əhalisi

[redaktə | vikimətni redaktə et]
1886-cı il1979-cu il1985-ci il2009-cu il
348▲ 988▲ 1200▲ 1493[6]

İqtisadiyyatı

[redaktə | vikimətni redaktə et]

Sovet dövründə kəndin yaxınlığında südçülük-əmtəə və qoyun fermaları yerləşirdi, kənddə səkkizillik məktəb, klub, kitabxana, tibb məntəqəsi var idi. İndi kənd məktəbi tam orta məktəbə çevrilib.[7]

İstinadlar

[redaktə | vikimətni redaktə et]
  1. ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 28 fevral 2024. 14 mart 2024 tarixində arxivləşdirilib (PDF). İstifadə tarixi: 5 aprel 2024.
  2. ↑ "Azərbaycan Respublikasının Ağdaş rayonunun inzibati ərazi bölgüsündə qismən dəyişiklik edilməsi haqqında 24 iyun 2005-ci il tarixli 951-IIQ saylı Azərbaycan Respublikasının Qanunu". 3 iyul 2023 tarixində arxivləşdirilib. İstifadə tarixi: 9 oktyabr 2022.
  3. ↑ "Волостныя, станичныя, сельскія, гминныя правленія и управленія, а также полицейскіе станы всей Россіи съ обозначеніем мѣста ихъ нахожденія". 16 iyun 2017 tarixində arxivləşdirilib. İstifadə tarixi: 26 iyun 2019.
  4. ↑ Население Примерного уезда на 1926 года Arxiv surəti 1 noyabr 2018 tarixindən Wayback Machine saytında.
  5. ↑ "Административное деление Азербайджанской ССР на 1 января 1977 года" (PDF). 27 noyabr 2018 tarixində orijinalından (PDF) arxivləşdirilib. İstifadə tarixi: 26 iyun 2019.
  6. ↑ Azərbaycan əhalisinin ümumi dövlət siyahıya alınması. 2009, Bakı.
  7. ↑ "Məktəblər". 14 iyun 2022 tarixində arxivləşdirilib. İstifadə tarixi: 26 iyun 2019.

Həmçinin bax

[redaktə | vikimətni redaktə et]
Mənbə — "https://az.wikipedia.org/w/index.php?title=Ərəb_(Ağdaş)&oldid=9029317"