Əsəd bəy Ağabababəyov

Vikipediya, azad ensiklopediya
Naviqasiyaya keçin Axtarışa keçin
Əsəd bəy Ağabababəyov
Əsəd bəy Hüseyn bəy oğlu Ağabababəyov
bayraq
Ermənistan Demokratik Respublikası Parlamentinin II çağırış deputatı
bayraq2
4 iyun 1919 – 2 dekabr 1920
bayraq
Ermənistan Demokratik Respublikası Parlamentinin I çağırış deputatı
bayraq2
1 avqust 1918 – 4 iyun 1919
Şəxsi məlumatlar
Doğum tarixi 1891
Doğum yeri
Vəfat tarixi bilinmir
Təhsili
İxtisası hüquqşünas
Fəaliyyəti siyasətçi, vəkil
Atası Hüseyn bəy Ağabababəyov
Anası Cavahir xanım Məhəmməd ağa qızı Sultanova

Əsəd bəy Hüseyn bəy oğlu Ağabababəyov (1891, İrəvan, İrəvan qəzası, İrəvan quberniyası, Rusiya imperiyası – bilinmir) — Ermənistan Demokratik Respublikası Parlamentinin I və II çağırış deputatı, hüquqşünas.[1]

Həyatı[redaktə | mənbəni redaktə et]

Əsəd bəy Hüseyn bəy oğlu Ağabababəyov 1891-ci ildə İrəvan şəhərində anadan olmuşdur. 12 sentyabr 1902-ci ildə İrəvan kişi gimnaziyasının 1-ci sinfinə daxil olub. Buranın 8-sinifli tam kursunu 5 iyun 1911-ci ildə bitirib. Yaxşı qiymətlərlə oxuyub.[2]

4 iyul 1911-ci ildə İrəvan şəhəri, Pənah xan küçəsi, 10-cu ev ünvanında Moskva Universitetinin rektoruna yazdığı ərizəsinə sənədlərini və 25 manat təhsil haqqını əlavə edərək hüquq fakültəsinin 1-ci kursuna götürülməsini xahiş edib. 9 avqust 1911-ci ildə onun adı artıq İmperator Moskva Universitetinin hüquq fakültəsi tələbələri siyahısına salınmışdı.[3]

Universitetdə Əsəd bəy hüquq ensiklopediyası, Roma hüququ tarixi, Rusiya hüququ tarixi, hüquq fakültəsi tarixi, siyasi iqtisad, statistika, dövlət hüququ, kilsə hüququ, cinayət hüququ, cinayət prosesi, mülki proses, maliyyə hüququ, beynəlxalq hüquq kimi fənlərdən imtahan verib və onların əksəriyyətindən yüksək qiymət alıb.[3]

Hüquq İmtahan Komissiyasının 29 mart 1916-cı il tarixli qərarı ilə ona 2-ci dərəcəli diplom verilib və o, 45308 saylı diplomu 7 dekabr 1916-cı ildə alıb.[3]

Əsəd bəy Ağabababəyovun sonrakı həyat fəaliyyəti haqqında heç bir məlumat yoxdur.

Siyasi fəaliyyəti[redaktə | mənbəni redaktə et]

Ermənistan parlamentinə müsəlman namizədlərinin siyahısında 2-ci Əsəd bəy Ağabababəyov (parlament üzvü)

1918-ci ildə Ermənistan Demokratik Respublikasının seçkisiz formalaşmış Parlamentində müsəlman əhalinin sayı hesabına seçilmiş 6 deputatdan (Əsəd bəy Ağabababəyov, Mirbağır Mirbabayev, Seyid Rza Mirbababəyov, Mirzə Cabbar Məmmədov, Əşrəf ağa İsmayılov, Zülfüqar bəy Makinski) biri idi.

21–23 iyun 1919-cu ildə Ermənistanın tarixində ilk milli seçkilər keçirildi. Seçkidə ermənilər, müsəlmanlar (azərbaycanlılar), kürdlər və aysorlar iştirak edirdi. 7-ci nömrə altında iştirak edən "Müsəlmanların Partiyasız İttifaqı"nın 16 namizədindən 3-ü Ermənistan parlamentinin üzv seçildi. Lakin onlardan sadəcə 2-sinin adı məlumdur: Əsəd bəy Ağabababəyov və Mirbağır Mirbabayev.

İstinadlar[redaktə | mənbəni redaktə et]

  1. ↑ Հայաստանի Հանրապետության նիստերի արձանագրություններ։ 1918-1920թթ. Երևան: Հայաստանի ազգային արխիվ. 2009. səh. 593–597. ISBN 978-99941-878-3-6.
  2. ↑ Fərrux Rüstəmov. İrəvan Müəllimlər Seminariyası və onun məzunları (PDF). Bakı: Elm və təhsil. 2022. səh. 183. ISBN 978-9952-5455-010.
  3. ↑ 3,0 3,1 3,2 Misir Mərdanov, Ədalət Tahirzadə. 1920-ci ilədək ali məktəblərdə oxumuş azərbaycanlılar. C. 1 A. Bakı: Təhsil. 2018. səh. 88–90.
Mənbə — "https://az.wikipedia.org/w/index.php?title=Əsəd_bəy_Ağabababəyov&oldid=7260814"