Ətirli bәnövşә

Vikipediya, açıq ensiklopediya
Jump to navigation Jump to search

Hündürlüyü 3-22 sm, sürünən, yerüstü nazik zoğların qoltuğunda kök salan, gövdəsi olmayan çoxillik ot bitkisidir. Kökümsovu qalıntəhər,buğumlu, ağımtıldır.[1]

Yarpaq[redaktə | əsas redaktə]

Yarpaqları uzun saplaq üzərində yerləşmiş, dəyirmi və ya enli yumurtaşəkillidir,qaidə hissəsi dərin ürəkşəkillidir, kənarları mişarvari-dəyirmi dişlidir, uc hissədə korbucaqlı və ya az sivriləşmiş və ya bəzən dəyirmiləşmişdir,demək olar ki, çılpaq və ya çox qısa tüklüdür.

Çiçək[redaktə | əsas redaktə]

Çiçəkləri uzun saplaqda yerləşib, ətirlidir,tünd-bənövşəyi və ya bənövşəyi-göy rəngdədir;çiçəkaltlıqları çiçək saplağının ortasında və ya orta hissəsindən yuxarıda yerləşmişdir.

Meyvə[redaktə | əsas redaktə]

Qutucuq şarşəkili və yarım şarşəkillidir,qismən sıx qısa tüklüdür.

Çiçəkləməsi[redaktə | əsas redaktə]

Mart-Aprel (May)

Meyvə verməsi[redaktə | əsas redaktə]

May-İyun

Azərbaycanda yayılması[redaktə | əsas redaktə]

BQ (Quba), KQ şimal, KQ mərkəzi, Lənk. dağ., Nax. düz. Orta dağ qurşağına qədər.

Yaşayış mühiti[redaktə | əsas redaktə]

Meşələrdə, kolluqlarda,səhralarda yaşıllıq və su olan yerdə, bəzən otlu yamaclarda rast gəlinir.

Təsərrüfat əhəmiyyəti[redaktə | əsas redaktə]

Dekorativ bitkidir.Qədimdə çiçək və kökü öskürəyə qarşı dərman kimi istifadə olunurdu. Bənövşə yağından parfumeriyada istifadə olunur. Balverən bitkidir.

Mənbə[redaktə | əsas redaktə]

  1. Eldar Şükürov.İsmayıllı rayonu meşə bitkilərinin bələdçi kitabı,Bakı 2016