Ətriyyatçı: Bir qatilin tarixçəsi (film)

Ətriyyatçı: Bir qatilin tarixçəsi
ing. Perfume: The Story of a Murderer
Janr	fentezi filmi[d], triller filmi[…], Psixoloji triller, qorxu filmi, dram filmi, dram, cinayət filmi
Əsas mövzu	qoxu orqanı, Qoxu, seriyalı qatil, ölüm cəzası
Rejissor	Tom Tikver[d][…]
Prodüserlər	Bernd Ayhinqer[d] Endrü Birkin[d]
Ssenari müəllifləri	Endrü Birkin[d] Tom Tikver[d] Bernd Ayhinqer[d]
Baş rolda	Ben Vişou
Bəstəkarlar	Raynhold Hayl[d] Conni Klaymek[d] Tom Tikver[d]
İstehsalçılar	Constantin Film[d]
Distribütor	DreamWorks, Disney+, Paramount Pictures[…]
İlk baxış tarixi	7 sentyabr 2006, 14 sentyabr 2006
Müddət	147 dəq.
Büdcə	$60 milyon
Gəlir	$135 milyon
Ölkələr	Fransa  Almaniya Federativ Respublikası  İspaniya  ABŞ
Dil	ingilis dili
Rəng	rəngli[d]
Çəkiliş yeri	Paris, Barselona, Almaniya Federativ Respublikası, Cirona
IMDb	ID0396171
Vikianbarda əlaqəli mediafayllar

Ətriyyatçı: Bir qatilin tarixçəsi (ing. Perfume: The Story of a Murderer) — rejissorluğu Tom Tikver tərəfindən edilən, əsas rollarda Ben Vişou, Alan Rikman, Reyçel Herd-Vud və Dastin Hoffmanın yer aldığı 2006-cı il istehsalı olan psixoloji-dram filmi. Patrik Züskindin eyniadlı romanı əsasında çəkilmişdir. Ssenari müəllifləri Endrü Birkin, Bernd Ayhinqer və Tom Tikverdir. Film XVIII əsrdə Fransada cərəyan edir, mükəmməl qoxubilmə hissinə malik olan Jan-Batist Qrenuyun hekayəsindən bəhs edir.

Məzmun

Film məşhur qatil olan Jan-Batist Qrenuyun cəzalandırılması səhnəsi ilə başlayır. Edam üçün aparılmasından əvvəl fransız balıq bazarında doğulan kimi tərk edilməsiylə başlanan həyat hekayəsinə geridönüş edilir. Yetimxanada böyüyən Qrenuy hamıdan daha güclü iybilmə qabiliyyətinə sahib, qəribə və hamıdan uzaq gəzən bir uşaq olaraq yetişir. Daha sonralar dabbaq birinə satılır və uzun illər dabbaq köməkçisi olur. Günlərin bir günü yeni qoxular ilə tanış olduğu Parisə ilk təslimatı edəndə hər şey dəyişir. Sarı ərik satan qızıl saçlı qızı izləməyə, onu iyləməyə çalışır. Bundan narahat olan qız qaçsa da, Qrenuy onu tapır və qışqırmaması üçün ağız-burnunu bağlayır. İstəmədən qızı boğmuş olur. Qızın öldüyünü biləndən sonra onu soyundurub hər tərəfini iyləyir. Qoxu itəndə isə peşman olur. Daha sonra Qrenuy qoxunu saxlaya bilmək fikrində ilişib qalır.

Ətir mağazasına təslimat etdikdən sonra Qrenuy oranın italyan sahibi Baldinini qoxuları tanıma və yenilərini yaratma bacarığı ilə təəccübləndirir. Beləliklə, Baldini Qrenuyu pulla satın alır. Qrenuy əttarın biznesini yenidən canlandırarkən ondan sadəcə tələb edir ki, qoxuları necə qalıcı olaraq saxlamağı ona öyrətsin. Baldini bütün ətirlərin 12 ayrı qoxunun uyumu olduğunu və teorik olaraq 13-cü qoxunun ola biləcəyini açıqlayır. Qrenuy uzun müddət Baldini üçün çalışır, amma ondan distillə üsulu ilə hər şeyin qoxusunu saxlaya bilməyəcəyini öyrənəndə çox məyus olur. Sonrasında isə xəstələnir. Qrenuy başqa bir üsulu öyrətmək üçün Qrasa getməli olduğunu öyrənəndə qarşılıq kimi Baldiniyə 100 ətir resepti verir. Qrenuy Baldini ilə sağollaşıb getdikdən sonra Baldini çökən evinin altında qalaraq ölür. Qras yolunda Qrenuy bir mağaraya sığınaraq özünü cəmiyyətdən təcrid edir. Burada özünün xüsusi qoxusu olmadığının fərqinə varır və elə buna görə də başqaları tərəfindən qəribə və narahatedici olaraq qəbul olunduğuna inanır. Missiyasına davam etməyə qərar verərək mağaranı tərk edir və yoluna davam edir.

Qrasa çatanda Qrenuy zəngin Antoni Riçisin gözəl, qızılsaçlı qızı Lauranın qoxusunu alır və onun "13-cü təməl qoxu" olacağına qərar verir. Qrenuy Qrasda xanım Arnalfinin yanında iş tapır və burada qoxuları saxlamaq üçün yəni üsul öyrənir. Bundan sonra gənc lavanda toplayıcısını öldürür, ancaq qoxusunu saxlaya bilmir. Növbəti qurbanı bir fahişə olur və bu dəfə istədiyinə nail ola bilir. Tezliklə qətlləri geniş vüsət alır. Qurbanlarının çılpaq bədənlərini şəhərin müxtəlif yerlərinə buraxması şəhərdəki həyəcanı artırır. On iki qoxu tamamlandıqdan sonra Qrenuy Laura üçün planlar qurmağa başlayır. On iki qurbandan sonra kilsədə Qras yepiskopu qatilin tutulduğunu və cinayətləri etiraf etdiyini elan edir. Amma Riçis bununla qane olmur və qızıyla birlikdə gizlicə şəhərdən qaçır. Amma bununla da Qrenuydan yaxa qurtara bilmir. Qrenuy qoxunu uzaqdakı mehmanxanaya qədər izləyir və gecə otağına gizlicə girərək Lauranı öldürür.

Qrenuy ətiri bitirdikdən sonra əsgərlər onu həbs edir. Edam ediləcəyi gün Qrenuy ətiri üzərinə sürtərək gözətçiləri onu sərbəst buraxmağa məcbur edir. Qrenuy meydana gəldikdə ətirin qoxusunda hamı məst olur. Cəllad və oradakı topluluq qrup seksinə başlamazdan əvvəl onu günahsız elan edirlər. Qrenuyun hələ də qatil olduğuna inanan Riçis qılıncla onu təhdid edir, amma sonra qoxuya qapılır və Qrenuyu oğlu olaraq çağıraraq qucaqlayır.

Qrasdan zədəsiz olaraq ayrılan Qrenuy dünyaya hökm edəcək qədər ətirə sahibdir. Ancaq anlayır ki, bu, onun normal bir insan kimi sevməsinə və ya sevilməsinə icazə verməyəcək. Amansız arayışında xəyal qırıqlığına uğrayan Qrenuy doğulduğu Paris balıq bazarına geri dönür və qalan bütün ətiri başına tökür. Ətirə təslim olan və Qrenuyun mələk olduğuna inanan insanlar onu yeyir. Səhəri gün geridə qalan tək şey paltarlar və içindən son bir damla düşən boş ətir şüşəsi olur.

Aktyor heyəti

1. Ben Vişou — Jan-Batist Qrenuy
2. Frank Lefövr — 12 yaşlı Qrenuy
3. Dastin Hoffman — Cüzeppe Baldini
4. Dora Romano — Baldininin arvadı
5. Karolina Vera — Neapollu qız
6. Reyçel Hörd-Vud — Laura
7. Alan Rikman — Rişi
8. Saymon Çandler — Qras meri
9. David Kalder — Qras yepikopu
10. Birgit Minixmayr — Qrenuyun anası
11. Şan Tomas — Madam Qayyar
12. Karoline Herfurt — Gavalı satan qız
13. Sara Forestye — Janna
14. Ramon Pujol — Lüsyen
15. Korinna Harfux — Madam Arnulfi
16. Pol Berrondo — Druot
17. Coanna Qriffits — Marianna
18. Cessika Şvarts — Natali
19. Anna Diojen — Talyenin arvadı
20. Con Hört — narrator

Xarici keçidlər

• web.archive.org/web/20061027204530/http://www.perfumemovie.com/ — rəsmi saytı
• Perfume: The Story of a Murderer — IMDb səhifəsi
• Perfume: The Story of a Murderer Box Office Mojo-da
• Perfume: The Story of a Murderer Rotten Tomatoes saytında  (ing.)
• Perfume: The Story of a Murderer Metacritic-də