Əvəz Həsənov

Vikipediya, azad ensiklopediya
Jump to navigation Jump to search
Əvəz Həsənov
Həsənov Əvəz Yediyar oğlu

Avaz Hasanov.jpg

[[Şəkil:||]]Əvəz Həsənov
Doğum tarixi 28 mart 1971 (1971-03-28) (49 yaş)
Doğum yeri Kəlbəcər
Vətəndaşlığı SSRİ SSRİAzərbaycan Azərbaycan
Atası Həsənov Yediyar Əli oğlu
Anası İsayeva Nigar Yusif qızı
Milliyyəti Azərbaycanlı

Əvəz Həsənov () — Konfliktoloq.

Əvəz Həsənov (tam adı: Həsənov Əvəz Yediyar oğlu; 28 Mart 1971, Kəlbəcər rayonu, Başlıbel kəndi) — Humanitar Tədqiqatlar İctimai Birliyinın sədri (2000-ci ildən)

Həyatı və təhsili[redaktə | əsas redaktə]

Əvəz Həsənov 28 Mart 1971-ci ildə Kəlbəcər rayonunun Başlıbel kəndində anadan olmuşdur.

Orta təhsilini doğulduğu kənddə almışdır.

1988-1991-ci illərdə M.Əliyev adına Azərbaycan Dövlət İncəsənət İnstitutunu bitirmişdir.

1996-ci ildə Elmin İnkişafı Akademiyasının AEDUSAID təşkilatının təşkil etdiyi Demokratiyanın İnknişafı proqramında iştirak etmişdir (ABŞ-1996). MerlindBoltimor Universitetlərində insan hüquqları ilə bağlı kurs kecmiş və sertifikat almışdır. Onlarla beynəlxalq səviyyəli təlimlərdə iştirak etmişdir.

İngilis və rus dillərini bilir.

Ailəlidir, üç övladı var

Fəaliyyəti[redaktə | əsas redaktə]

1991-1998-ci illərdə Azərbacan Sosial Demokrat Partiyası üzvü, partiyanın Mərkəzi Komitəsinin üzvü olmuşdur. Eyni zamanda Azərbaycan Gənclərinin Sosial Demokrat Təşkilatının sədri olmuşdur. Siyasi fəaliyyəti dövründə «Təkamül» adlı bülleten və qəzet redaktoru olmuşdur. Dağlıq Qarabağ münaqişəsinin başlandığı dövrdə jurnalist kimi çalışmışdır.

1993-2004-ci illərdə Azərbaycan İnsan Hüquqları Müdafiə Mərkəzinin təsicilərindən biri olmuşdur. Mərkəzin direktoru Eldar Zeynalov ilə birgə senzura tərəfindən buraxılmayan yazıları toplamaqla onları bülleten halına salaraq yerli mətbuat orqanları və səfirliklərə daycest kimi göndərmidir. 1995-ci ildən 2003-cü ilədək direktor müavini işləmişdir.

1995-ci ildə Azərbaycan Respublikası Gənclər və İdman Nazirliyinin gənc kadrların işə qəbul olunması ilə bağlı verdiyi elana esse göndərək işə qəbul olunmuş və Gənclərin Sosial problemləri şöbəsində mütəxəssis işləmişdir. «Azərbaycan Respublikası Gənclər siyasəti» konsepsiyasının hazırlanmasında iştirak etmişdir.

1996-cı ildə HAYAT Humanitar Təşkilatının miqrasiya problemləri ilə məşğul olan Qeyri-Hökumət Təşkilatları ücün Resurs Mərkəzinin koordinatoru olmuşdur. Bu müddətdə ölkədə qaçqınlar problemləri ilə məşğul olan təşkilatların inkişafı və koordinasiyası üçün müxtəlif tədbirlərin keçirilməsini və hesabatların yazılmasını reallaşdırmışdır.

Azərbaycan Respublikası Miqrasiya Potensiallarının yaradılması komissiyasının ilkin işçi qrupunda 1998-ci ildə Qeyri-hökumət təşkilatlarının təmsilçisi kimi iştirak etmişdir. Onun qrupun tərkibində fəaliyyət göstərdiyi müddətdə Azərbaycanın Miqrasiya siyasəti sənədi hazırlanaraq ölkə başçısına təqdim olunmuşdur.

1997-ci ildən Humanitar Tədqiqatlar İctimai Birliyinin təsiscisi və direktorudur. Rəhbərlik etdiyi təşkilat eyni zamada «Azərbaycanda insan hüquqları» jurnalı - internet portalının təsisçisidir ki. 2003-cü ildən fəaliyyətə başladığı gündən o, jurnalın redaktorudur.

Azərbaycanda vətəndaş cəmiyyətinin inkişafı ilə bağlı müxtəlif layihələr və təşəbbüslərin icra olunması ilə məşğul olmuşdur. 2000-ci ildə Nyu-York şəhərində BMT-nin Baş Assambleyasında BMT-nin Minillik Forumunda o zaman Qadın və İnkişaf Mərkəzinin sədri Elmira Süleymanova ilə birgə Azərbaycanı təmsil etmişdir.

2000-ci ildən Almaniyada yerləşən İtkin düşmüş şəxslərin, əsir və girovların azad olunması üzrə Beynəlxalq işci qrupun Azərbaycandakı nümayəndəsidir. Dəfələrlə Ermənistana və Dağlıq Qarabağa səfərlər etmiş və Azərbaycanlı itkin düşmüş şəxslərin Ermənistan və Dağlıq Qarabağda taleyinin müəyyən olunması istiqamətində axtarışların aparılmasında iştirak etmişdir. Eyni zamanda Dağlıq Qarabağ münaqişəsinin həlli istiqamətində ən fəal proqramların icraçısıdır.

2005-ci ildə 2004 İyul ayınadəkBakı-Tbilisi-Ceyhan Boru kəmərinin ilk monitorinqi və qiymətləndirilməsi prosesində iştirak etmişdir. BTC-nin salınması zamanı insan haqqlarının pozulması faktları ilə məlumatları toplayaraq hesabatlar hazırlamışdır.

2009-cu ildə Avropa Birliyi Şərq Tərəfdaşlığı Proqramı Vətəndaş Cəmiyyəti Forumunun Brüsseldə keçirilən ümumi toplantısında iştirak etmiş, Forumun təsis olunmasında iştirak edərək Azərbaycan üzrə koordinator seçilmişdir. Eyni zamanda Forumun İdarə Heyyətinə üzv olmuşdur. 2016-cı ildə yenidən bir il müddətinə forumun Azərbaycan üzrə koordinatoru və İH üzvü seçilmişdir.

İngiltərənin Concilation Resourcesİnternational Alert təşkilatı ilə Dağlıq Qarabağ münaqişəsinin həlli ilə bağlı bütün müzakirələrdə iştirak etmişdir.

Əvəz Həsənov Dağlıq Qarabağ mövzusu ilə bağlı Vaşinqtonda yerləşən Karnegi Beynəlxalq Sülh Fondunda, Chatham House mərkəzində keçirilən dəyirmi masalarda məruzəçi olmuşdur. Kembric, Oxford universitetində Dağlıq Qarabağ münaqişəsi ilə bağlı müzakirələrdə məruzə ilə çıxış etmişdir. London, Brüssel, Vyana, Vaşinqton şəhərlərində keçirilən tədbirlərdə DQ məsələsi ilə bağlı tədbirlərdə iştirak etmiş və məruzə etmişdir. Avropa Birliyi Cənubi Qafqaz üzrə Xüsusi nümayəndəliyi, ATƏT-in Minsk Qrupu həmsədrləri ilə intensiv görüşlər keçirmiş, DQ münaqişəsi ilə bağlı müzakirələr aparmışdır.

2018-ci ildən Baku Film School Production şirkətini təsis etmişdir. Şirkət Azərbaycanda sənədli filmlərin çəkilməsi ilə ixtisaslaşmışdır. İndiyə kimi Azərbaycan Cümhuriyyəti, Dağlıq Qarabağ münüaqişəsi zamanı qaçqın və məcburi köçkünlərin problemlərinə həsr olunan film çəkilmişdir.

Kitabları[redaktə | əsas redaktə]

Bələdiyyə üzvlüyünə namizəd öz seçki kampaniyasını necə təşkil etməlidir?, Azərbaycanda sığınacaq axtaran xaricilər üçün məlumat, Seçkiqabağı kampaniya üçün soraq kitabçası, QHT-lər üçün məlumat kitabçası, Dağlıq Qarabağ müzakirə olunur kitablarının müəllifidir. Dağlıq Qarabağ: Cəmiyyətlə məsləhət sənədli filminin ssenari müəllifi və rejissorudur. DQ münaqişəsi ilə bağlı müəllifi olduğu kitab və film müxtəlif dillərə tərcümə olunaraq bir neçə ölkədə təqdim olunmuşdur.

Üzvlük[redaktə | əsas redaktə]

1996-cı ildən Beynəlxalq Aministiya təşkilatının fərdi üzvüdür. Azərbaycan Avropainteqrasiya Milli Komitəsinin təsisçilərindən biri və üzvüdür.

İstinadlar[redaktə | əsas redaktə]

Xarici keçidlər[redaktə | əsas redaktə]