Əvəz Zeynalov

Vikipediya, açıq ensiklopediya
Jump to navigation Jump to search
Əvəz Zeynalov
Əvəz Zeynalov.jpeg
Doğum tarixi 22 dekabr 1935-ci il
Doğum yeri Laçın rayonu, Aşağı Fərəcan
Vəfat tarixi 13 may 2019-cu il
Vəfat yeri Bakı şəhəri
Milliyyəti Azərbaycanlı
Elm sahəsi Tibb
Elmi dərəcəsi Tibb elmləri namizədi
Elmi adı Ali dərəcəli cərrah
Mükafatları "Azərbaycan Respublikasının Əməkdar həkimi" (2009)

Əvəz Səməd oğlu Zeynalov - Azərbaycan Respublikasının əməkdar həkimi, tibb elmləri namizədi

Həyatı[redaktə | əsas redaktə]

Əvəz Zeynalov 22 Dekabr 1935 -ci ildə Laçın rayonunun Aşağı Fərəcan kəndində anadan olmuşdur.

1943-1950- ci illərdə Fərəcan kənd məktəbini, 1950-1953- cü illərdə Mığı Dərə orta məktəbini bitirmişdir.

1955-ci ildə Azərbaycan Dövlət Tibb Universitetinin müalicə-profilaktika fakültəsinə daxil olmuşdur. 1961- ci ildə universiteti bitirmişdir.

1969-1974 -cü illərdə Kiyev Dövlət Tibb Universitetində aspirantura təhsili almışdır.

1988- ci ildən Laçın rayon mərkəzi xəstəxanasının baş cərrahı olmuş, 1500-dən çox cərrahiyyə əməliyyatları aparmışdır. Həmçinin Qarabağ müharibəsində yüzlərlə ağır yaralanmış döyüşçünü yenidən həyata qaytarmışdır. Onlarla qaçqın, köçkün və əlacsız xəstələri təmənnasız müalicə etmişdir.

1992- ci ilin iyul ayından 2011- ci ilin avqust ayına qədər Bakı şəhəri Əfəndiyev adına 4 saylı klinik xəstəxanasında növbətçi cərrah vəzifəsində çalışmışdır.

Əvəz Zeynalov 2019-cu il mayın 13-də Bakı şəhərində vəfat etmişdir.

Elmi fəaliyyəti[redaktə | əsas redaktə]

1965-1992 -ci illərdə Laçın rayonunda cərrahiyyə şöbəsinin müdiri vəzifəsində işləmişdir. Laçın rayonunda işlədiyi vaxtda "ur" (zob) xəstəliyi ilə bağlı çox sayda müraciətlər olduğundan bu xəstəlik onu xeyli maraqlandırmış, apardığı müayinələr nəticəsində "ur" xəstəliyinin endemik ocağını müəyyən etmişdir. Laçın rayonunun coğrafi xəritəsini tərtib edib bu xəstəliyin necə əmələ gəldiyini öyrənmişdir və bunu ilk dəfə Laçın rayonunun təbabət tarixinə saldırmışdır. İsbat olunmuşdur ki, rayonda yaşayan hər 100 qadından 80-də entiroid formalı "ur" müayinə zamanı aşkar edilir. 1969-1974- cü illərdə feurometr deyilən aparatla 'Katexolaminlərin (adrenalin, noradrenalin) əməliyyatdan əvvəl və sonra təyini' mövzusu ilə dissertasiya müdafiə etmişdir. Kiyev Dövlət Tibb Universitetinin laboratoriya kafedrasından laborant həkim gətirmiş, Laçın şəhər xəstəxanasında 300-dən çox xəstə müayinədən keçirilmişdir. İsbat olunmuşdur ki, bu rayonda su, torpaq, hava və qida məhsullarında halogenlərdən olan 'yod' elementi çatmır. Daha sonra Səhiyyə Nazirliyinə bununla bağlı məktub hazırlanıb göndərilmişdir. Elmi əsərini erməni təcavüzünə görə gətirə bilməmiş, lakin əsərin avtoreferatı Azərbaycan Dövlət Respublika Elmi Tibb Kitabxanasında vardır. Elmi rəhbəri Kiyev Tibb Universiitetinin cərrahiyyə kafedrasının müdiri Skripnichenko Dmitro Fedorovich olmuşdur. İlk dəfə avtoreferat  Azərbaycan SSR Elmlər Akademiyasının vitse prezidenti Mustafa Topçubaşova verilmişdir. O, bunu unikal dissertasiya adlandırmış və SSRİ Ali Attestasiya Komissiyasına müsbət rəy göndərmişdir.

1981-ci ildə yenidən universitetə 4 aylıq kursa getmiş, doktorluq dissertasiya aparılması elmi sovetdən keçmiş və təsdiq olunmuşdur. 1988- ci ilin fevral ayında erməni təcavüzü nəticəsində doktorluq dissertasiyası yarımçıq qalmışdır.

Mükafatları[redaktə | əsas redaktə]

Səhiyyə Nazirliyinin və Tibb işçiləri Həmkarlar İttifaqı Respublika Komitəsinin Fəxri fərmanı, 1968

“Vladimir İliç Leninin anadan olmasının 100 illiyi ilə əlaqədar rəşadətli əməyə görə” medalı, 1970

Ümümittifaq Cərrahlar Qurultayına nümayəndə seçilməsi, 29 iyun 1974, Kiyev

"Tibb elmləri namizədi", 26 sentyabr 1974

"Sosializm yarışının qalibi" döş nişanı, 1976

"SSRİ səhiyyə əlaçısı" döş nişanı, 1976

Azərbaycan Nazirlər Sovetinin qərarı ilə Attestasiya Komitəsinin verdiyi "ali dərəcəli cərrah", 1993

Azərbaycan Respublikası Prezidentinin sərəncamı ilə "Azərbaycan Respublikasının əməkdar həkimi", 2009

İstinadlar[redaktə | əsas redaktə]

Zəngəzur qəzeti, 24 sentyabr 2004-cü il. səh.6

http://www.e-qanun.az/framework/16335

Həmçinin bax[redaktə | əsas redaktə]