Əyyub İsmayılov

Vikipediya, azad ensiklopediya
Jump to navigation Jump to search
Əyyub İsmayılov
Əyyub İsmayılov.jpg
Doğum tarixi 2 avqust 1948 (1948-08-02) (71 yaş)
Doğum yeri Laçın rayonunun Nağdalı kəndi
Milliyyəti azərbaycanlı
Fəaliyyəti Laçın rayon icra hakimiyyəti başçısının müavini (1992-1993)

Əyyub İsmayılov - Laçın rayon icra hakimiyyəti başçısının müavini (1992-1993), tanınmış ziyalı.

Həyatı[redaktə | əsas redaktə]

Əyyub İdris oğlu İsmayılov 1948-ci il avqust ayının 2-də Laçın rayonunun Nağdalı kəndində anadan olub. 1967-ci ildə 1 saylı Laçın şəhər orta məktəbini bitirib. Qasımuşağı obasının Nəbiuşağı nəslindəndir. Azərbaycanın tanınmış şəxsiyyətlərindən olan Sultan bəy SultanovXosrov bəy Sultanov məhz bu nəsildəndir. Əyyub İsmayılov 1970-ci ildə Azərbaycan Dövlət Universitetinin(indiki BDU) tarix fakultəsinə daxil olmuş, 1975-ci ildə həmin fakultəni əla qiymətlərlə bitirmişdir. Azərbaycanın tanınmış məşhur alim və tarixçiləri professor Şamil Məmmədbəylidən, professor Seyfəddin Qəndilovdan, professor Xalid Əlimirzəyevdən, akademik Ziya Bünyadovdan, Ruhulla Orucovdan, dosent Əbülfəz Elçibəydən və sair tanınmış şəxsiyyətlərdən dərs almışdır. Universitetdə oxuduğu zaman Milli Azadlıq Hərəkatına qoşulmuşdur. Tələbəlik illərində "Bakıda" adlı yazdığı şeirində rusları və erməniləri açıq tənqid etdiyinə görə o zamankı Dövlət Təhlükəsizlik Komitəsinə çağrılmış və bu məzmunda şeirlər yazmayacağına söz verdikdən sonra sərbəst buraxılmışdır.

Fəaliyyəti[redaktə | əsas redaktə]

Əyyub İsmayılov Sovet İttifaqının dağılacağına, Azərbaycanın müstəqil dövlət olacağına hələ 70-ci illərdə inanmış və bu yolda mübarizə aparmışdır. Onun dünya görüşünün formalaşmasında Əbülfəz Elçibəyin böyük təsiri olmuşdur. Universiteti qurtardıqdan sonra Laçın rayon Nağdalı kənd orta məktəbində müəllim, 1989-1992-ci illərdə isə direktor işləmişdir. 1992-1993-cü illərdə Laçın rayon icra hakimiyyəti başçısının humanitar işlər üzrə müavini vəzifəsində, 1994-cü ildən isə Laçın rayon Qeydiyyat şöbəsinin rəsi vəzifəsində işləyir. Üç övladı var.

Mənbə[redaktə | əsas redaktə]

  • Laçın yurdu (jurnalı), №3(3), 2011, Bakı, Elm və təhsil, 2011, 18-ci səhifə.