Əzizağa Həsənov

Vikipediya, açıq ensiklopediya
Jump to navigation Jump to search
Əzizağa Həsənov
Əzizağa Səlim oğlu Həsənov
Əzizağa Həsənov.jpg
Doğum tarixi 25 sentyabr 1955(1955-09-25)
Doğum yeri Sabirabad rayonu, Cəngan kəndi
Vəfat tarixi 14 yanvar 2014 (58 yaşında)
Vəfat yeri Bakı şəhəri
Uşağı 3 övladı var
Mükafatları Azərbaycan Bayrağı ordeni - lent (1993-2013).png

Əzizağa Həsənov — Azərbaycan Respublikası Baş Prokurorluğunun Təşkilat-analitik idarəsinin rəisi (2001-2014), Prokurorluğun fəxri işçisi, III dərəcəli dövlət ədliyyə müşaviri.

Həyatı[redaktə | əsas redaktə]

Əzizağa Səlim oğlu Həsənov 1955-ci il sentyabrın 25-də Sabirabad rayonunun Cəngan kəndində anadan olmuşdur. O, 1979-cu ildə Azərbaycan Dövlət Universitetinin hüquq fakültəsini fərqlənmə diplomu ilə bitirmişdir.

1979-cu ilin avqustundan prokurorluq orqanlarında əmək fəaliyyətinə başlayan Əzizağa Həsənov 1985-ci ilədək Bakı şəhər prokurorunun köməkçisi, 1985-1993-cü illərdə Masallı rayon prokuroru vəzifələrində işləmişdir. 1993-1995-ci illərdə Baş Prokurorluğun Kadrlar idarəsinin rəis müavini, 1995-ci ildən Baş Prokurorluğun Təşkilat-nəzarət idarəsinin rəis müavini - Analitik-informasiya şöbəsini rəisi, 2001-ci ildən Baş Prokurorluğun Təşkilat-analitik idarəsinin rəis müavini, həmin ilin mayından ömrünün sonunadək Təşkilat-analitik idarəsinin rəisi vəzifəsində çalışaraq taleyini prokurorluq orqanları ilə sıx bağlamışdır.

Azərbaycan prokurorluğunun inkişafında xüsusi xidmətlər göstərmiş Əzizağa Həsənovun əməyi daim yüksək qiymətləndirilmişdir. O, prokurorluq orqanlarında səmərəli və qüsursuz fəaliyyətinə, cinayətkarlığa qarşı mübarizə, qanunçuluq və hüquq qaydasının möhkəmləndirilməsi, prokurorluğun fəaliyyətinin təkmilləşdirilməsi işinə verdiyi töhfələrə görə SSRİ və Azərbaycan Respublikası Baş prokurorları tərəfindən çoxsaylı mükafatlara layiq görülmüşdür.

Azərbaycan Respublikası Prezidentinin sərəncamları ilə III dərəcəli dövlət ədliyyə müşaviri ali xüsusi rütbəsinə və Azərbaycan Respublikasında qanunun aliliyinin təmin edilməsində, xidməti vəzifəsinin yerinə yetirilməsində fərqləndiyinə və prokurorluq orqanlarında xüsusi xidmətlərinə görə müstəqil Azərbaycan Respublikasının “Azərbaycan Bayrağı” ordeninə layiq görülmüşdür.

Prokurorluğun fəxri işçisi, III dərəcəli dövlət ədliyyə müşaviri Əzizağa Səlim oğlu Həsənov 2014-cü il yanvarın 14-də vəfat etmişdir[1].

İstinadlar[redaktə | əsas redaktə]