Məzmuna keç

11:11 (numerologiya)

Vikipediya, azad ensiklopediya
Bu adın digər istifadə formaları üçün bax: 1111 (dəqiqləşdirmə).
11 noyabr 2011-ci il 11:11:11-i göstərən saat (11/11/11)

Numerologiyada 11:11 — müəyyən bir hadisənin baş verməsi üçün əhəmiyyətli bir an hesab olunur.[1][2] Bu, sinxronluğun nümunəsi, həmçinin müsbət bir işarə və ya mənəvi təsirin mövcudluğuna dair bir göstəriş kimi qəbul edilir. Bundan əlavə, rəqəmlərin təkrarlanmasının onların "intensivliyini"[3] artırdığı və numeroloji təsirini gücləndirdiyi düşünülür.[3][4]

Həmçinin 11:11 rəqəmi numerologiyada güclü mənəvi və enerjili mesaj daşıyan master number (ustad rəqəm) hesab olunur. Bu ardıcıllıq, xüsusilə ruhani oyanış, intuisiya, yüksək şüur və daxili dönüşüm ilə əlaqələndirilir.

Tənqidçilər[5] bu iddianın əsaslı sübutlarının olmadığını vurğulayır və təsdiqləmə qərəzi (ing. confirmation bias) və post-faktum təhlili (ing. post-hoc analysis) kimi elmi izahları irəli sürürlər.[6][7] Statistik müşahidələrə, xüsusilə xaos nəzəriyyəsi və həqiqətən böyük ədədlər qanunu (ing. law of truly large numbers) əsasında skeptiklər bu cür fərdi müşahidələri təsadüf və labüdlük kimi izah edir və onların xüsusi bir mənası olmadığı qənaətinə gəlirlər.[6]

Xristianlıqda əhəmiyyəti

[redaktə | vikimətni redaktə et]

Protestant xristianlığında, xüsusilə pentikostal hərəkatlarda 11 və ya 11:11 rəqəmi keçid anlayışı ilə əlaqələndirilir.[8]

Zamanda əhəmiyyəti

[redaktə | vikimətni redaktə et]

Müxtəlif səbəblərə görə insanlar tarixlərə və rəqəmlərə xüsusi mənalar aid edirlər. Bunun nəzərəçarpan nümunələrindən biri "on birinci saat, on birinci gün, on birinci ay" ifadəsinin əhəmiyyətidir.[2] Bu ifadə 11 noyabr 1918-ci ildə Paris vaxtı ilə saat 11:00-da Birinci Dünya Müharibəsini bitirən atəşkəsin qüvvəyə minməsini simvolizə edir.[9]

11 noyabr 2011-ci ildə (11/11/11) dünyanın müxtəlif yerlərində, o cümlədən ABŞ-da və Asiya qitəsində[10] kütləvi şəkildə evliliklərin sayı artmışdır.[3]

Polşada isə 11 noyabr (11/11) və saat 11:11 1918-ci il noyabrın 11-də Polşanın Alman, Avstriya və Rusiya işğalından azad edilməsi ilə əlaqələndirilir və Polşa Müstəqillik Günü kimi qeyd edilir.

11:11-in əsas mənaları

[redaktə | vikimətni redaktə et]
  1. Mənəvi oyanış və ruhani siqnal[11][12]
    • Çoxları 11:11-i gördükdə bunun ruh dünyasından bir siqnal və ya universumun mesajı olduğunu düşünür.
    • Bunun intuisiya gücləndiyi, enerji axınının artdığı və ruhən inkişafın başladığı bir dövrə işarə etdiyi deyilir.
  2. Arzuların və düşüncələrin reallaşması
    • 11:11, fikirlərin və niyyətlərin sürətlə gerçəkləşməsi ilə əlaqələndirilir.
    • Bu anda nə düşündüyünüzə diqqət yetirmək tövsiyə olunur, çünki düşüncələriniz reallığa çevrilə bilər.
  3. Əngəllərin aşılması və yeni fərqindəlik səviyyəsi
    • Keçmişi geridə qoymaq və yeni fərqindəlik səviyyəsinə keçmək üçün bir işarə ola bilər.
    • Bu rəqəmləri görənlərin həyatlarında dəyişikliklərə açıq olmaları və intuisiya ilə hərəkət etmələri tövsiyə edilir.
  4. Ruh ikiləri və ekiz alovlar (ing. Twin Flames)
    • 11:11 tez-tez ruh əkizləri (soulmates) və ikiz alovlar (twin flames) anlayışı ilə də əlaqələndirilir.
    • Rəqəmi tez-tez görmək, bu ruhi olaraq yaxın bir insanla qarşılaşmaq və ya ruh əkizinizlə əlaqənin güclənməsi mənasına gələ bilər.
  5. Kosmik və ilahi rəhbərlik
    • 11:11 kainatın sizinlə birbaşa əlaqə qurmağa çalışdığını göstərə bilər.
    • Mələklərin, bələdçi ruhların və ya ali varlıqların sizi izlədiyinə və doğru yolda olduğunuzu bildirmək istədiklərinə işarə kimi qəbul edilir.[13][14]

İstinadlar

[redaktə | vikimətni redaktə et]
  1. ↑ Solara. 11:11: Inside the Doorway. Charlottesville, VA: Star-Borne Unlimited. 1992. ISBN 1-878246-05-4.
  2. ↑ 1 2 George Barnard. The Search for 11:11: A Journey into the Spirit World. Australia: 11:11 Publishers. 2004. ISBN 0-9577889-6-7.
  3. ↑ 1 2 3 Basu, Moni. "11/11/11: 'Ones' in a lifetime". CNN. CNN. 11 noyabr 2011. 18 fevral 2020 tarixində arxivləşdirilib. İstifadə tarixi: 9 fevral 2025.
  4. ↑ "Uri Geller". SkepticReport. 13 sentyabr 2009 tarixində orijinalından arxivləşdirilib. İstifadə tarixi: 5 oktyabr 2009. On his web site, Uri Geller has a list of things he connects with the number 11. He believes this number to be all-important. E.g. he attaches meaning to the fact that some people have noticed their clocks sometimes show the numbers "11:11".
  5. ↑ "Numerology - Critique - JA Show Articles" (ingilis). 13 avqust 2003. 5 oktyabr 2023 tarixində arxivləşdirilib. İstifadə tarixi: 21 sentyabr 2023.
  6. ↑ 1 2 Paulos, John Allen. Innumeracy: Mathematical Illiteracy and Its Consequences (1st). Ferrar, Straus, and Giroux (1 aprel 2011 tarixində nəşr olunub). aprel 2011. ISBN 9780809058402. 5 oktyabr 2023 tarixində arxivləşdirilib. İstifadə tarixi: 9 fevral 2025.
  7. ↑ "law of truly large numbers - coincidence - The Skeptic's Dictionary - Skepdic.com". skepdic.com. 17 may 2023 tarixində arxivləşdirilib. İstifadə tarixi: 28 may 2023.
  8. ↑ Stannard, Josh. "What does 11:11 mean in the bible?". 31 mart 2023. 4 iyun 2023 tarixində arxivləşdirilib. İstifadə tarixi: 16 avqust 2023.
  9. ↑ "The Connection Between Veterans Day And The Number 11". Dictionary.com (ingilis). 10 noyabr 2021. 5 mart 2023 tarixində arxivləşdirilib. İstifadə tarixi: 5 mart 2023.
  10. ↑ Savadove, Bill. "11/11/11 spells marriage and magic". Hindustan Times. 12 noyabr 2011. 5 mart 2023 tarixində arxivləşdirilib. İstifadə tarixi: 9 fevral 2025.
  11. ↑ George Barnard: The Search for 11:11. A Journey into the Spirit World. 11:11 Publishers, 2004.
  12. ↑ Solara: 11:11. Inside the Doorway. Star-Borne Unlimited, 1992
  13. ↑ 11:11 Phänomen – Der digitale Code unserer Realität Arxiv surəti 9 fevral 2025 tarixindən Wayback Machine saytında, abgerufen am 1. April 2014
  14. ↑ Das 11:11-Phänomen Arxiv surəti 9 fevral 2025 tarixindən Wayback Machine saytında, abgerufen am 1. April 2014
Mənbə — "https://az.wikipedia.org/w/index.php?title=11:11_(numerologiya)&oldid=8189681"