11 teldə simfoniya. Hacı Xanməmmədov (film, 2016)

Vikipediya, açıq ensiklopediya
Jump to navigation Jump to search
11 teldə simfoniya. Hacı Xanməmmədov
11 teldə simfoniya. Hacı Xanməmmədov (film, 2016)(kolla).jpg
Janr sənədli
qısametrajlı
bioqrafik
Rejissor Elçin Qasımov
Prodüser Kamil Muradov
Əliağa Əliyev
Ssenari müəllifi Gülnar Məmmədli
Operator Fərmayıl İsmayılov
İstehsalçı İctimai televiziya (Çarçı film)
İlk baxış tarixi 27 iyul 2016, İctimai televiziya
Filmin növü qısametrajlı sənədli televiziya filmi
Rəng rəngli
Vaxt 35 dəq.
Ölkə Flag of Azerbaijan.svg Azərbaycan
Dil azərbaycanca
İl 2016

11 teldə simfoniya. Hacı Xanməmmədov qısametrajlı sənədli televiziya filmi rejissor Elçin Qasımov tərəfindən 2016-cı ildə çəkilmişdir. Film İctimai televiziyada istehsal edilmişdir. Film Azərbaycan SSR əməkdar incəsənət xadimi , Azərbaycan SSR xalq artisti, Professor, bəstəkar Hacı Xanməmmədovun həyat və yaradıcılığına həsr olunub.

Məzmun[redaktə | əsas redaktə]

Film Azərbaycan SSR əməkdar incəsənət xadimi , Azərbaycan SSR xalq artisti, Professor, bəstəkar Hacı Xanməmmədovun[1] həyat və yaradıcılığına həsr olunub.

Hacı Xanməmmədov 1918-ci il iyunun 15-də Dərbənd şəhərində anadan olub. 14 yaşında ikən Bakıya gələn Hacı Xanməmmədovun Üzeyir Hacıbəyovla tanışlığı onun gələcəyini, bütövlükdə taleyini müəyyənləşdirib, bəstəkar və musiqiçi kimi püxtələşməsində həlledici rol oynamışdır. O, Ü.Hacıbəyovun himayədarlığı ilə Azərbaycan Dövlət Konservatoriyasının nəzdindəki fəhlə fakultəsinə daxil olur və Səid Rüstəmovun tar sinfində təhsil alır. 1934-cü ildə Ü.Hacıbəyov H.Xanməmmədovu özünün rəhbərlik etdiyi Azərbaycan Dövlət Radiosu nəzdindəki Xalq Çalğı Alətləri Orkestrinə solist kimi qəbul edir. 1947-ci ildə H. Xanməmmədov öz təhsilini Azərbaycan Dövlət Konservatoriyasının bəstəkarlıq fakultəsində davam etdirir. Əvvəl professor Boris Zeydmanın sinfinə daxil olan H. Xanməmmədov sonralar öz yaşıdı, böyük bəstəkarımız Qara Qarayevin sinfinə keçir.[1]

O vaxtlar hamı Azərbaycanın qüdrətli bəstəkarlar dəstəsinə öz sözü, öz nəfəsi olan bir bəstəkarın gəlişini çox yüksək qiymətləndirirdi. Bu əsərdəki işıqlı cəhətlər solo tar aləti sahəsindəki müvəffəqiyyətli axtarışlar və tapıntılar onun 2,3,4 və 5 saylı Konsertlərində də davam etdirilir. Bu konsertlərin ilk ifaçıları Əhsən Dadaşov, Hacı Məmmədov, Ramiz Quliyev kimi görkəmli ustad tarzənlərimiz olub. Əlamətdardır ki, H. Xanməmmədovun tar konsertləri nəinki Respublikamızda, habelə Özbəkistan, Qazaxıstan, Tacikistan və Qırğızıstan respublikalarında müvəffəqiyyətlə səslənmiş, tədris repertuarına daxil edilmişdir.[1]

H. Xanməmmədov həm də gözəl mahnılar müəllifidir. Onun 150-dən çox mahnısı görkəmli müğənnilərimizin repertuarında layiqli yer tutur. Bu mahnıların mətnini Aşıq Ələsgər, Mikayıl Müşfiq kimi görkəmli şairlərin şerləri təşkil edir. Xüsusilə, H.Xanməmmədovun lirik mahnıları xalqımız arasında geniş yayılmışdır. Bu baxımdan "Yaşa könül", "Arzuya bax, sevgilim", "Yadıma düşdü", "Gözünə qurban", "Güllü", "Ceyran", "Getmə, amandır", "Oxu, sevgilim" və s. gözəl örnəklərdir.[1]

Filmdə arxiv videomateriallarda Hacı Xanməmmədovun sənətə gəlişi və Üzeyir Hacıbəyovla bağlı xatirələri də yer alır.

Filmin üzərində işləyənlər[redaktə | əsas redaktə]

Ssenarist: Gülnar Məmmədli
Rejissor: Elçin Qasımov
Operator: Fərmayıl İsmayılov
Prodüser: Kamil Muradov, Əliağa Əliyev

İstinadlar[redaktə | əsas redaktə]

  1. 1,0 1,1 1,2 1,3 Hacı Xanməmmədov

Həmçinin bax[redaktə | əsas redaktə]

Azərbaycan filmlərinin siyahısı
2016-cı ilin Azərbaycan filmləri
2010-cu illər Azərbaycan filmlərinin siyahısı