20 yanvar rəssamlarımızın əsərlərində (film, 2016)
| 20 yanvar rəssamlarımızın əsərlərində | |
|---|---|
(kollaj).jpg) | |
| Janr |
sənədli qısametrajlı |
| Ssenari müəllifi | Zənurə Ələkbərova |
| İstehsalçı | İctimai televiziya (Carçı film) |
| İlk baxış tarixi | 20 yanvar 2016 |
| Filmin növü | qısametrajlı sənədli televiziya filmi |
| Rəng | rəngli |
| Vaxt | 16 dəq. |
| Ölkə |
 Azərbaycan |
| Dil | azərbaycanca |
| İl | 2016 |
20 yanvar rəssamlarımızın əsərlərində qısametrajlı sənədli televiziya filmi 2016-cı ildə İctimai televiziyada istehsal edilmişdir. Filmdə 20 yanvar faciəsinin rəssamların gözü ilə tərənnüm edilməsi əks etdirilir. Qan yaddaşımız olan 20 yanvar hadisəsi müxtəlif rəssamlarımızın əsərlərində öz əksini tapır.
Məzmun[redaktə | əsas redaktə]
Sənət, tarixi yaddaşlara köçürən çox güclü vasitədir. Kino da, musiqi də, bədii ədəbiyyat da bizə tariximizin çox nadir hadisələri barədə dəyərli məlumatları çatdırır. Və bir də rəssamlarımızın əsərləri tarixin anlarını rənglər dünyasında əbədiləşdirir, əcdadlarımızın mənəvi ruhu, qəhrəmanlığı haqqında çox şeylər danışır. Bütün dövrlərdə istər münaqişələri, istər müharibələri, istərsə də digər fəlakətləri xalq necə yaşayıbsa, xalqın yaradıcı övladları da həmin hadisəni bədii ifadə vasitələri ilə yaddaşlara yazıblar. Elə 20 Yanvarın qanlı lövhələri kimi.[1]
20 Yanvar 1990-cı il tarixi də yaddaşlara məhz qanla yazıldı. Azadlığın mübarizələrlə, qan bahasına alındığını da bura əlavə etsək, deyə bilərik ki, 20 Yanvar xalqımızın yaşadığı müsibətlər və faciələrdən biri olsa da, əslində, qürur və iftixar mənbəyi, milli oyanış, birlik, həmrəylik günüdür. Ona görə də bu mövzuda yaradılan rəsm əsərlərində təkcə faciə deyil, həm də xalqın qəhrəmanlıq ruhu əsas motivləri təşkil edir.[1]
Filmdə 20 yanvar faciəsinin rəssamların gözü ilə tərənnüm edilməsi əks etdirilir. Qan yaddaşımız olan 20 yanvar hadisəsi müxtəlif rəssamlarımızın əsərlərində öz əksini tapır.
Görkəmli fırça ustalarından Rasim Babayevin “Təcavüz”, Kirman Abdinin plakat janrında işlədiyi və xüsusilə seçilən bir sıra silsilə əsərlərində, rəngkar Hacırza Fərzəliyevin “Ağlı-qaralı dünya”, Fikrət İbrahimovun “Gələcək naminə”, Həmzə Abdullayevin “Çərxi-fələk”, İsmayıl İsmayılovun “Haqq tərəzisi”, Qafar Seyfullayevin “Öncə Vətəndir...”, Asim Səmədovun “Ruhlar” və s. tablolarında qanlı şənbə gecəsinin ağrı-acılı yaşantıları öz bədii ifadəsini tapıb.[1]
Filmin üzərində işləyən[redaktə | əsas redaktə]
Ssenarist: Zənurə Ələkbərova
İstinadlar[redaktə | əsas redaktə]
Mənbə[redaktə | əsas redaktə]
20 yanvar rəssamlarımızın əsərlərində
Həmçinin bax[redaktə | əsas redaktə]
Azərbaycan filmlərinin siyahısı
2016-cı ilin Azərbaycan filmləri
2010-cu illər Azərbaycan filmlərinin siyahısı
