54-cü Türkiyə hökuməti

54-cü Türkiyə hökuməti
Ərbakan Hökuməti RİFAHYOL hökuməti
Formalaşdırılma tarixi	28 iyun 1996
Buraxılma tarixi	30 iyun 1997
Hökumətin tərkibi
Dövlət başçısı	Süleyman Dəmirəl
Hökumət başçısı	Nəcməddin Ərbakan
Nazir sayı	19
Hakim partiyalar	Rifah Partiyası Doğru Yol Partiyası
Digər məlumatlar
Sonuncu seçki	1995-ci il Türkiyə Parlament seçkiləri
← 55-ci Türkiyə hökuməti 53-cü Türkiyə hökuməti →

54-cü Türkiyə hökuməti və ya Ərbakan Hökuməti və ya RİFAHYOL hökuməti — Türkiyədə Rifah Partiyası və Doğru Yol Partiyası tərəfindən yaradılan və 28 iyun 1996-cı ildən 30 iyun 1997-ci ilə qədər fəaliyyət göstərən koalisiya hökuməti.

Öncəsi

1995-ci ildə Türkiyədə keçirilən ümumi seçkilərdən sonra 20-ci Böyük Millət Məclisi quruldu. Prezident Süleyman Dəmirəl hökuməti qurmağa Rifah Partiyasının sədri, Konyadan millət vəkili olan Nəcməddin Ərbakana tapşırıb. Lakin Rifah Partiyasının parlamentdə etimad səsverməsi üçün kifayət qədər yer tutmaması və parlamentdə təmsil olunan digər partiyaların dəstəyinin olmaması səbəbindən Ərbakan hökuməti qura bilməyib. Bundan sonra prezident Dəmirəl bu vəzifəni seçkilərdə üçüncü yeri tutan Ana Vətən Partiyasının sədri Məsud Yılmaza tapşırıb. Daha sonra Ana Vətən Partiyası və Doğru Yol Partiyası birləşdilər və Türkiyənin 53-cü hökumətini qurdular. Lakin bu hökumət cəmi üç ay davam etdi.

Təsisi

Prezident Dəmirəl ikinci dəfə hökuməti qurmaq vəzifəsini Necməddin Ərbakana həvalə etdi və Rifah Partiyası ilə Doğru Yol Partiyasının qurduğu koalisiya hökuməti 28 iyun 1996-cı ildə prezident Süleyman Dəmirəlin sərəncamı ilə quruldu.

Tərəflər arasında imzalanan koalisiya sazişinə əsasən, hökumət aşağıdakı formada olacaqdı:

• İlk baş nazir Nəcməddin Ərbakan olacaqdı, iki il sonra isə Baş nazir postunu Doğru Yol Partiyasının sədri Tansu Çillər tutacaqdı. Bu yolla baş nazir iki ildən bir dəyişirdi.
• Nəcməddin Ərbakan Baş nazir, Tansu Çillər isə Baş nazirin müavini və Xarici işlər naziri olacaqdı.

Hökumət 8 iyul 1996-cı ildə Böyük Millət Məclisində 278 lehinə, 265 əleyhinə və 1 bitərəf səs olmaqla etimad səsverməsi aldı.

Kabinet

Vəzifə	Adı	Partiya	Qeydlər
Baş nazir	Nəcməddin Ərbakan	RP
Baş nazirin müavini və Xarici İşlər naziri	Tansu Çillər	DYP
Dövlət naziri
	Fehim Adak	RP
	Nevzat Ercan	DYP
	Abdullah Gül	RP
	Işılay Saygın	DYP
	Sabri Tekir	RP
	Nafiz Kurt	DYP
	Mehmet Altınsoy	RP
	Namık Kemal Zeybek	DYP
	Lütfi Esengün	RP
	Selim Ensarioğlu	DYP
	Cəmil Tunç	RP
	Bekir Aksoy	DYP
	Gürcan Dağdaş	RP
	Ufuk Söylemez	DYP
	Teoman Rıza Güneri	RP
	Ayfer Yılmaz	DYP
	Sacit Günbey	RP
	Bəhəddin Şaker	DYP
	Əhməd Dəmircan	RP
Ədliyyə naziri	Şevket Kazan	RP
Milli Müdafiə naziri	Turhan Tayan	DYP
Daxili İşlər naziri	Mehmet Ağar Meral Akşener	DYP	28 İyun 1996 – 8 Noyabr 1996 8 Noyabr 1996 – 30 İyun 1997
Xarici işlər naziri	Emre Gönensay	DYP
Maliyyə naziri	Əbdüllətif Şener	RP
Milli Təhsil naziri	Mehmet Sağlam	DYP
İctimai İşlər naziri	Cevat Ayhan	RP
Səhiyyə naziri	Yıldırım Aktuna İsmail Karakuyu	DYP	28 İyun 1996 – 26 Aprel 1997 13 May 1997 – 30 İyun 1997
Nəqliyyat naziri	Ömer Barutçu	DYP
Əmək və Əhalinin Sosial Müdafiəsi naziri	Necati Çelik	RP
Sənaye və Ticarət naziri	Yalım Erez Əli Rıza Gönül	DYP	28 İyun 1996 – 26 Aprel 1997 13 May 1997 – 30 İyun 1997
Energetika və Təbii Sərvətlər naziri	Recai Kutan	RP
Mədəniyyət naziri	İsmail Qəhraman	RP
Turizm naziri	Bahattin Yücel	DYP	28 İyun 1996 – 13 İyun 1997
Kənd Təsərrüfatı naziri	Musa Dəmirci	RP
Meşə Təsərrüfatı naziri	Halit Dağlı	DYP
Ətraf Mühit naziri	Ziyaəddin Tokar	RP

Sonrası

Hökumətin qurulmasından bir il keçməmiş müxalifət partiyaları və prezident Dəmirəl siyasi böhrana son qoymaq üçün növbədənkənar seçkilərin zəruri olduğunu irəli sürən bəyanatlar qəbul etdilər. 28 Fevral Dövlət çevrilişi ilə Türkiyə Cümhuriyyətinin 54-cü Hökuməti dövrü sona çatdı. 1997-ci il fevralın 28-də iclas keçirildi və Milli Təhlükəsizlik Şurası bəzi qərarlar qəbul etdi. Baş nazir Ərbakan mayın 22-də TBMM-in qrup toplantısında bu açıqlamanı verdi: "Hökumətin iki yolu var idi. Birincisi, ordunun rəftarlarına meydan oxuyaraq hökuməti tərk etmək, ikincisi isə güzəştə getməyə və razı salmağa çalışmaq idi. Biz güzəştə getməyi seçdik." 21 may 1997-ci ildə Ali Məhkəmə Baş Prokurorluğu Rifah Partiyasının “müəyyən qeyri-qanuni fəaliyyətlərinin mərkəz nöqtəsinə çevrilməyə başladığı və bəzi üzvlərinin dünyəvi fəaliyyətini hədəfə almağa cəhd göstərdiyi” əsası ilə partiyanın bağlanması üçün Konstitusiya Məhkəməsinə iddia qaldırdı. Ərbakan 1999-cu il iyunun 18-də baş nazir vəzifəsini təhvil vermək məqsədi ilə prezident Dəmirələ istefasını təqdim etdi. Süleyman Dəmirəl yeni hökuməti qurmaq tapşırığını Ana Vətən Partiyasının sədri Məsud Yılmaza tapşırdı. 55-ci Türkiyə hökuməti Ana Vətən Partiyası, Demokratik Sol Partiya və Demokratik Türkiyə Partiyasının koalisiyası ilə Məsud Yılmazın rəhbərliyi ilə quruldu.