6 (ədəd)

6
altı
← 4 · 5 · 6 · 7 · 8 →
Faktorizasiya	2 · 3
Rum rəqəmi	VI
İkili	110
Səkkizlik	6
Onaltılıq	6
Vikianbarda əlaqəli mediafayllar

Altı — say sistemində rəqəm və eyni zamanda ədədlərdən biridir. Beşdən sonra, yeddidən əvvəl gəlir.

Ümumi məlumat

Qədim mənbələrdə altı sayı daha çox dünyanın yaradılması ilə bağlı şəkildə özünü göstərməkdədir. "Bibliya"nın verdiyi xəbərə görə, Tanrı dünyanı altı gün içində yaratmış, sonrakı günü isə özü üçün dincəliş günü hesab etmişdir. İran məişətində də Tanrının dünyanı altı gün ərzində yaratmasına inam mövcuddur. Altaylıların bir yaradılış dastanının yaydığı xəbərə görə, Tanrı dünyanı altı günə yaratmış, yeddinci gün isə yuxudan oyanıb yaratdıqlarına tamaşa etməyə başlamışdır[55]. Altı sayı heç bir mənbədə "Kitabi-Dədə Qorqud"da olduğu qədər özünə geniş yer tapmayıbdır. Abidədə deyilir: "Bəzirganlar Bayburanın oğlu üçün bir dəniz qulunu boz ayğır aldılar. Bir ağ tozlu qatı yay aldılar, bir dəxi altı pərli gürz aldılar". Qazan: "- Bəylər! Tanrı mana bir kor oğul vermiş. Varayın (onu) anasının yanından alayın, altı bölük edəyin, altı yolun ayırdında buraxayın!" və s.

Riyaziyyatda

• Altı ədədi — mürəkkəb ədəd olmaqla yanaşı həm də cüt ədəddir.

İnam və etiqadlarda

Əgər uşağınız təkdirsə, tələsin. "Altıncı" uşaqlar özlərini ancaq bacı və qardaşlarının yanında rahat hiss edirlər. Həmişə kiminləsə oynamaq, kiməsə qayğı göstərmək istəyirlər. Sizin uşaq cazibəli və mehriban olsa da, tərs və şıltaqdır. Ola bilər ki, xətrinizə dəysin. Lakin dərhal vəziyyəti düzəldir. Adətən, həyatda uğur qazanırlar. Məsuliyyət hissini tez anlayırlar. Valideynlərin borcu bu uşaqlara emosiyalarını büruzə verməkdə səbirli olmağı öyrətməkdir. Həssas və qayğıkeşdilər. Ünvanlarına deyilən ən xırda tənqidi də öz kiçik aləmlərinə qəsd kimi qəbul edirlər. Ətrafdakıların hamısını valeh edirlər. Bu imkandan çox məharətlə istifadə edə bilirlər. Axı xalis manipulyatordular. Onların sizə verdiyi məhəbbətə məhəbbətlə cavab verin. "Altılar" həmişə ailədə sevimli olur.