Müqəddəs Ruh kilsəsi (Koden)
| katolisizm | |
| Müqəddəs Ruh kilsəsi | |
|---|---|
 | |
 | |
| Ölkə | |
| Tikdirəni | |
| Üslubu | qotika, Belarus qotikası |
| Materialı | kərpic |
 Vikianbarda əlaqəli mediafayllar | |
Müqəddəs Ruh kilsəsi (pol. Kościół Świętego Ducha) – Polşanın Koden kəndində yerləşən katolik kilsəsi. Belarus qotikası üslubunda tikilmiş bu kilsə keçmişdə pravoslav kilsəsi olmuşdur.
Tarixi
[redaktə | mənbəni redaktə et]Müqəddəs Ruh kilsəsi 1530–40-cı illərdə Pavel Sapeha tərəfindən öz qəsrində tikdirilmişdir. Kilsə onun ailəsinin dini ehtiyaclarını qarşılamaq məqsədilə qəsr kapellası kimi istifadə olunurdu. Əvvəlcə pravoslav kilsəsi kimi tikilsə də, daha sonra katolik kilsəsinə çevrilmişdir.[1]
1680-ci ildə qəsrdə baş vermiş yanğın nəticəsində kilsəyə ziyan dəymişdir. 1783-cü ildə kazaklar kilsəni talan etmişdirlər. XIX əsrin əvvəlində kilsə fəaliyyətini dayandırmağa məcbur olmuşdur. XIX əsrin ortalarında kilsənin tağları çökmüşdür. 1960-cı illərdən etibarən kilsə sistematik olaraq bərpa olunur.[1]
Memarlığı
[redaktə | mənbəni redaktə et]Kilsə qırmızı kərpiclərdən və qara zendrovka kərpiclərində tikilmişdir. Qərb fasadı üzərində müxtəlif fiqur motivləri olan şirli keramik plitələrlə bəzədilmişdir. Qərb fasadı diaqonal yerləşdirilmiş kərpiclərdən ibarət frizlə və ağ suvaqlı panellərlə bəzədilmiş hündür, üçbucaq damına görə fərqlənir. İkiqat və üçqat başlıqlı panellərin üzərində birqat və ikiqat başlıqlı yarımdairəvi panellər yerləşir. Dekorasiyanı damın kənarlarından uzanan dairəvi panellər tamamlayır. Bənzər, amma daha sadə dekorasiyalar şərq damında da yaradılmışdır.[1]
Kilsənin interyeri almaz tağlarla əhatə olunan mərkəzi nefdən ibarətdir. Hazırlıq otağı beşik tağı ilə əhatə olunmuşdur. Gün işığı hər iki tərəfdən yarımdairəvi pəncərələrdən içəri düşür; okulyus qərb fasadından yerləşir. Həm şərq, həm qərb fasadında açılmış kiçik yarıqlar kilsənin çardağını işıqlandırır. Hazırlıq otağında kiçik pəncərə yaradılmışdır.[1]
Mədəniyyətdə
[redaktə | mənbəni redaktə et]2023-cü ildə Polşada buraxılmış poçt markalarından birində Müqəddəs Ruh kilsəsi təsvir olunmuşdur.[2]
Qalereya
[redaktə | mənbəni redaktə et]
İstinadlar
[redaktə | mənbəni redaktə et]- ↑ 1 2 3 4 "Koden - Holy Ghost Church". Ancient and medivial architecture (ingiliscə). 15 yanvar 2024 tarixində arxivləşdirilib. İstifadə tarixi: 15 yanvar 2024.
- ↑ "Kościół Ducha Świętego na znaczku pocztowym". Koden.com.pl (polyakca). 1 may 2023. İstifadə tarixi: 15 yanvar 2024.