Ağabala Ağasəid oğlu

Vikipediya, azad ensiklopediya
Jump to navigation Jump to search
Ağabala Ağasəid oğlu
Aghababa Aghasaid oghlu.jpg
Sənətçi məlumatları
Doğum tarixi 1860
Doğum yeri
Vəfat tarixi 1928
Vəfat yeri
Vətəndaşlığı
Peşəsi xanəndə

Ağabala Ağasəid oğlu (1860, Bakı1928, Bakı) — tanınmış Azərbaycan xanəndəsi, muğam bilicisi.

Həyat və yaradıcılığı[redaktə | əsas redaktə]

Ağabala Ağasəid oğlu 1860-cı ildə Bakıda anadan olmuşdur. Erkən yaşlarından şeirə, musiqiyə həvəs göstərmiş, fars dilini öyrənərək Yaxın Şərq poeziyası ilə tanış olmuşdur. 1880-ci illərdə Bakıda yaradılan və şair Ağakərim Salikin evində toplanan "Məcməüş-şüəra" ədəbi məclisinin şeir və musiqi ilə müşayiət olunan, poeziya və muğam barədə maraqlı müzakirələr keçirilən yığıncaqlarında iştirak etmiş və bütün bunlar onun sənətkarlığının inkişafına güclü təsir göstərmişdir. Ağabala Ağasəid oğlu əsasən muğam məclislərində çıxış edirdi.[1]

Ağabala Ağasəid oğlu şeiri, musiqini bütün sevən, qiymətləndirən xanəndə olmuşdur. Onun yaradıcılığının başlıca xüsusiyyəti söz seçmək, onu dinləyiciyə aydın çatdırmaq bacarığı olmuşdur. O, ifa zamanı kəlmə və ifadələri aramla, musiqi cümləsinin tempinə və xarakterinə uyğun oxuyurdu. Ağabala Ağasəid oğlunun ifasında "Bayatı-Şiraz", "Rast", "Şur", "Segah-zabul" muğamları təsirliliyinə görə xüsusilə fərqlənir. Xanəndə Şirin Axundov, Mirzə Mansur Mansurov, Əhməd Bakıxanov, Mirzə Fərəc Rzayev kimi tarzənlərin müşayiətilə çıxış etmişdir.[2]

İstinadlar[redaktə | əsas redaktə]

  1. "Ağabala Ağa Səid oğlu" (azərb.). Muğam Ensiklopediyası.
  2. (2012) Энциклопедия Азербайджанского Мугама. Б: Şərq-Qərb, 37–38.

Həmçinin bax[redaktə | əsas redaktə]