Ağadadaş Müniri

Vikipediya, açıq ensiklopediya
Jump to navigation Jump to search
Ağadadaş Müniri
İlk adı Ağadadaş Cəfərov
Doğum tarixi 1863(1863-Şablondakı doğum və ya ölüm tarixində texniki yanlışlıq var!-00)
Doğum yeri Hövsan, Bakı
Vəfatı 1940(1940-Şablondakı doğum və ya ölüm tarixində texniki yanlışlıq var!-00)
Vəfat yeri Buzovna, Bakı
Fəaliyyəti şair

Ağadadaş Müniriazərbaycanlı şair, "Məcməüş-şüəra" ədəbi məclisinin nümayəndəsi.

Həyatı[redaktə | əsas redaktə]

Ağadadaş Müniri 1863-cü ildə Bakının Hövsan kəndində anadan olmuşdur. Yeddi yaşında atadan yetim qalmış, anasının təkidi ilə mədrəsəyə getmiş, on beş yaşınadək orada oxumuşdur. Müniri öz şerlərini qəzəl, məsnəvi, rübai, qitə, qəsidə şəkillərində yazmışdır.

"Müniri" təxəllüsünün, "Münir" sözündən (ərəb sözüdür, mənaca, "işıq" deməkdir.) götürən şairin yazılarının bəziləri, inqilabdan əvvəl və sonra mətbuatda dərc olunmuşdur. ("Dirilik", 1916-cı il; "Türkcə qəzəllər" kitabı, 1917-ci il, "Ədəbi parçalar", 1926-cı il və s.)

Şairin bədii irsi, onun klassik şerin müxtəlif janrlarında yazdığı ədəbi nümunələrdən ibarətdir. Bu günə kimi, Bakı şairləri haqqında yazılan müxtəlif kitablarda, şairin bir neçə qəzəli çap olunsa da bütövlükdə əsərləri tədqiq olunmamış qalmaqdadır. Bu əsərlər Azərbaycan Əlyazmalar İnstitutunun fondunda saxlanılır.

O, Buzovnalı Məşhədi AzərHaşım bəy Saqiblə dostluq etmişdir. Üç oğlu olmuşdur.

1940-cı ildə vəfat etmiş və Bakının Buzovna kəndində dəfn olunmuşdur.

Yaradıcılığı[redaktə | əsas redaktə]

Şairin ən məşhur əsərlərindən biri onun "Ənar" qəsidəsidir. İmam ƏlininHəzrəti Fatimənin ailəsində baş vermiş, olduqca əxlaqi bir hadisənin bədii tərənnümü olan bu qəsidə klassik şer şəklini olduğu kimi saxlamışdır. Belə ki, şair klassik ənənəyə sadiq qalaraq əsas mövzuya keçməzdən əvvəl qəsidəni "bahariyyə" ilə başlayır. Əruzun rəməl bəhrində qələmə alınmış qəsidənin əsas səciyyəvi xüsusiyyəti hər bir misranın cümlə şəklində olub, beytin ümumi məzmun çərçivəsi daxilində fikir bitkinliyi ifadə edə bilməsidir.

Mənbə[redaktə | əsas redaktə]

Hövsanlı şair-Ağadadaş Müniri

Vikimənbədə Ağadadaş Müniri ilə əlaqəli məlumatlar var.