Ağaməmməd Ağayev
| Ağaməmməd Ağayev | |
|---|---|
 | |
| Doğum tarixi | 1918 |
| Doğum yeri | Laçın rayonu, Azərbaycan SSR |
| Vəfat tarixi | 1997 |
| Vəfat yeri | Bakı şəhəri |
| Mükafatları | "За Отвагу" (İgidliyə görə) medalı |
Ağaməmməd Ağayev - İkinci dünya müharibəsi iştirakçısı, baş leytenant.
Həyatı[redaktə | əsas redaktə]
Ağaməmməd Qəmbər oğlu Ağayev 1918-ci ildə Azərbaycan Respublikasının Laçın rayonunun Mişni kəndində anadan olub. 1939-cu ildə Azərbaycan Kommunist Partiyasının üzvü olmuşdu. Şimal-Qərb cəbhəsində atıcı bölüyünün komandiri - 182-cü atıcı diviziyanın 232-cu atıcı alayında vuruşub.
14 mart 1943-cü ildə, artilleriya və minomyot atəş öldürücü olduğuna baxmayaraq, döyüşdə atıcı bölüyəə uğurla komandanlıq edirdi. Bölük düşmənin 50-dən artıq əsgər və zabiti məhv etdi, piyadaların hərəkətinə mane olan, üç dəzgah pulemyotu susdurdu. Döyüşdə yaralanıb, lakin qəti olaraq döyüş qurtarana qədər bölüklə qarşıya qoyulan vəzifəni yerinə yetirərək döyüş meydanı tərk etməyib. Döyüşlərdə göstərdiyi mərdlik və qəhrəmanlığa görə 4 aprel 1943-cü ildə baş leytenant Ağaməmməd Ağayev "За Отвагу" (İgidliyə görə) medalı ilə təltif edilmişdir. Ağaməmməd Ağayev 1997-ci ildə Bakı şəhərində vəfat etmişdir.
