Ağcabədi Olimpiya İdman Kompleksi

Vikipediya, açıq ensiklopediya
Jump to navigation Jump to search
Ağcabədi OİK

Ağcabədi Olimpiya İdman KompleksiAğcabədi rayonunda olimpiya idman qurğusu.

Tarixi[redaktə | əsas redaktə]

Ağcabədi Olimpiya İdman Kompleksi Azərbaycanda dünya standartlarına cavab verən mərkəzlərdən biridir. Ağcabədi Olimpiya İdman Kompleksi Prezident İlham Əliyevin "Abşeron və Ağcabədi rayonlarında Olimpiya İdman komplekslərinin tikintisi ilə bağlı tədbirlər haqqında" 2011-ci il 27 may tarixli Sərəncamı[1] əsasında inşa edilmişdir. Bu, ölkə idmançılarının ixtiyarına verilən sayca 42-ci Olimpiya İdman Kompleksidir[2].

Ağcabədi OİK

Kompleksin tikintisinə 2012-ci ilin iyununda başlanılmışdır. Yüksək keyfiyyətlə aparılan tikinti işləri 2017-ci ilin noyabrında başa çatdırılmışdır[2].

Ağcabədi OİK

28 noyabr 2017-ci ildə Ağcabədi Olimpiya İdman Kompleksinin açılışı olmuş, Prezident İlham Əliyev açılış mərasimində iştirak etmişdir[2].

İnfrastruktur[redaktə | əsas redaktə]

Ağcabədi OİK

Ümumi ərazisi 5 hektar olan idman qurğusunda bütün zəruri infrastruktur yaradılmışdır. Kompleksdə 100 tamaşaçı tutumu olan ikidöşəkli güləş və cüdo, boks, ağır atletika, həmçinin 937 azarkeş yerlik universal idman zalları yaradılmışdır. İdman kompleksində stolüstü tennis, bilyard, trenajor və fitnes zalları, yay kafesi, mağaza, bilet satışı kassası var. Binada, həmçinin məşq zalları, VIP loja, nəzarətçilər, məşqçilər, hakimlər üçün otaqlar, dopinq-nəzarət, soyunub-geyinmə və digər zəruri otaqlar yaradılıb. Baş plana əsasən, kompleksdə uzunluğu 104, eni isə 68 metr olan 810 azarkeş yerlik futbol stadionu, habelə mini futbol, voleybol və tennis meydançaları da var. Bir sözlə, burada idmanın müxtəlif növləri ilə məşğul olmaq üçün geniş imkanlar mövcuddur[2].

Kompleksin əhəmiyyətini artıran cəhətlərdən biri də burada müasir mehmanxananın yaradılmasıdır. Üçmərtəbəli 50 yerlik mehmanxanada idmançıların qalması və istirahəti üçün hər cür imkan var. Mehmanxanada birnəfərlik, ikinəfərlik, üçnəfərlik, VIP otaqlar və 95 yerlik konfrans zalı mövcuddur[2].

Buradakı üzgüçülük hovuzu ən müasir standartlara cavab verir. Hovuzun uzunluğu 25, eni isə 12,5 metrdir. Zalda üzgüçülük yarışlarını 100-dən çox tamaşaçı izləyə bilir[2]. Kompleks, həmçinin qaz, su-kanalizasiya, elektrik, rabitə xətləri ilə təchiz olunub. Ətrafda geniş yaşıllıq zolaqları salınıb, təhlükəsizlik müşahidə kameraları quraşdırılıb[2].

Xarici keçidlər[redaktə | əsas redaktə]

Vikianbarda Ağcabədi Olimpiya İdman Kompleksi ilə əlaqəli mediafayllar var.

İstinadlar[redaktə | əsas redaktə]

  1. "Abşeron və Ağcabədi rayonlarında Olimpiya idman komplekslərinin tikintisi ilə bağlı tədbirlər haqqında" Azərbaycan Respublikasının Prezidentinin 27 may 2011-ci il tarixli, 1535 nömrəli Sərəncamı e-qanun.az  (azərb.)
  2. 2,0 2,1 2,2 2,3 2,4 2,5 2,6 İlham Əliyev Ağcabədi Olimpiya İdman Kompleksinin açılışını edib. president.az, 28.11.2017  (azərb.)
Azərbaycan Azərbaycan olimpiya idman kompleksləri

AbşeronAğcabədiAğdamAğdaşBalakənBərdəBiləsuvarFüzuliGöyçayHövsanİsmayıllıKürdəmirOğuzSabirabadŞağanŞəmkirGəncəTovuzİmişliQəbələSumqayıtAstaraCəlilabadQobustanXaçmazŞirvanQaxGöygölQazaxQubaLənkəranMasallıMaştağaNaxçıvanSaatlıSalyanSərhədçiŞamaxıŞəkiŞərurZaqatala