Ağdaş Olimpiya İdman Kompleksi

Vikipediya, açıq ensiklopediya
Jump to navigation Jump to search

Ağdaş Olimpiya İdman Kompleksi (rəsmi adı: "Ağdaş Olimpiya İdman Kompleksi" MMC) — Azərbaycan Respublikasının Ağdaş rayonunda yerləşən olimpiya idman qurğusu. Azərbaycan Respublikası Gənclər və İdman Nazirliyinin strukturuna daxil olmayan tabeliyindəki təsərrüfathesablı qurumdur[1]

Tarixi[redaktə | əsas redaktə]

Ağdaş Olimpiya İdman Kompleksi 2010-cu il fevralın 12-də istifadəyə verilmişdir.

Fəaliyyəti[redaktə | əsas redaktə]

Azərbaycanda sayca 25-ci olan bu olimpiya idman kompleksinin ümumi ərazisi 5,5 hektardır. Kompleks əsas bina, üzgüçülük hovuzu, mini-futbol, voleybol və basketbol meydançaları, tennis kortu, hər biri 8 nəfərlik 3 kottec və digər yardımçı binalardan ibarətdir. Örtülü idman meydançası olan əsas bina ikimərtəbəlidir. Binanın daxilindəki 1020 tamaşaçı yeri olan idman meydançasının sahəsi 2484 kvadratmetrdir. Bu meydança voleybol, basketbol, həndbol, güləş, boks yarışları üçün nəzərdə tutulub. Bundan əlavə, binanın daxilində 4 məşq, bilyard, stolüstü tennis zalları, soyunub-geyinmə, həkim otaqları, bufet, duş və sair xidmət obyektləri var.

Üzgüçülük hovuzu[redaktə | əsas redaktə]

Üzgüçülük hovuzu yerləşən bina da ikimərtəbəlidir. Burada 192 tamaşaçı yeri olan tribuna, iki məşq zalı, soyunub-geyinmə, həkim otaqları, bufet, duş və sair xidmət otaqları var.

Mini-futbol meydançası[redaktə | əsas redaktə]

Mini-futbol meydançasının tərkibinə 226 nəfər tamaşaçı yeri olan tribuna, soyunub-geyinmə, həkim və hakim, duş və sair xidmət otaqları daxildir.

İstinadlar[redaktə | əsas redaktə]

  1. ""Azərbaycan Respublikası Gənclər və İdman Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 2011-ci il 6 dekabr tarixli 193 nömrəli Qərarı. e-qanun.az  (azərb.)

Xarici keçidlər[redaktə | əsas redaktə]

Azərbaycan Azərbaycan olimpiya idman kompleksləri

AbşeronAğcabədiAğdamAğdaşBalakənBərdəBiləsuvarFüzuliGöyçayHövsanİsmayıllıKürdəmirOğuzSabirabadŞağanŞəmkirGəncəTovuzİmişliQəbələSumqayıtAstaraCəlilabadQobustanXaçmazŞirvanQaxGöygölQazaxQubaLənkəranMasallıMaştağaNaxçıvanSaatlıSalyanSərhədçiŞamaxıŞəkiŞərurZaqatala