Aşıq Pəri Məclisi

Vikipediya, azad ensiklopediya
Jump to navigation Jump to search
Aşıq Pərinin portreti. (Rəssam: Altay Hacıyev)

Aşıq Pəri Məclisi — 1984-cü ildə yaranan, qadın aşıq və şairələrin ədəbi birliyi. Yaradıcısı və ilk sədri Azərbaycanın Əməkdar Mədəniyyət işçisi Narınc Xatun olmuşdur. Aşıq yaradıcılığının inkişafına xidmət edən məclis XIX əsr Azərbaycan aşıq-şairi Aşıq Pərinin adını daşıyır.

Haqqında[redaktə | mənbəni redaktə et]

Məclis 1984-cü ildə IV aşıqlar qurultayından dərhal sonra, xalq şairi Hüseyn Arif və yazıçı Əzizə Cəfərzadənin dəstəyi ilə şairə Narınc Xatunun çox böyük fədakarlığı sayəsində yaranmışıdır.[1]

Aşıq Pəri Məclisi Azərbaycan Yazıçılar İttifaqında 22 sentyabr 1984-cü il tarixdə təsis olunmuşdur.[2] Məclisin şöhrəti qısa müddət ərzində Gürcüstan, Dağıstan, İran, Türkiyə və İraqda da yayılmağa başladı. Məclisin üzvləri folklor-musiqi festivallarında iştirak etmək üçün bir çox xarici ölkələrə dəvət olundular.

Azərbaycan Dövlət Televiziyası vasitəsilə Aşıq Pəri Məclisi 1984-cü ildən 2006-cı ilin yayına qədər fasiləsiz olaraq efir fəaliyyəti göstərmişdir.[1] Hal-hazırda Dünya TV-də "Aşıq Pəri İnciləri" adı ilə veriliş yayımlanır.

2015–2022-ci illərdə Güllü Eldar Tomarlı məclisin mətbuat katibi, sədr müavini və bədii rəhbəri olmuşdur.

Keçirdiyi tədbirlər[redaktə | mənbəni redaktə et]

Aşıq Pəri Məclisinin 1989-cu ildə 5 illiyi, 1994-cü ildə 10 illiyi Dövlət Filarmoniyasında, Aşıq Pərinin 180 illiyi, Narınc Xatunun 70 və 75 illiyi Rəşid Behbudov adına Mahnı Teatrında yüksək səviyyədə qeyd olunmuş və Azərbaycan televiziyasında yayımlanmışdır.[1]

Aşıq Pəri Məclisi 2015-ci il Noyabr ayında R. Behbudov adına dövlət mahnı teatrında Narınc Xatunun xatirəsinə həsr olunmuş konsert proqramı, 2019-cu il may — R. Behbudov adına mahnı teatrında "Aşıq Pəri Sazın-Sözün Zirvəsində" adlı konserti, 10 iyul 2019-cu il Heydər Əliyev adına Respublika sarayında konsert, 2 iyul 2019 — "Aşıq Pəri Məclisi" və "Azərbaycanın Aşıqlar Birliyi"nin birgə təşkil etdiyi konsert proqramı, 26 noyabr 2019-cu il R. Behbudov adına mahnı teatrında "Kəlağayı günü"nə həsr olunmuş konsert, Dekbar 2019 — Muğam mərkəzində Narınc Xatunun xatirəsinə həsr olunmuş konsert, 25 noyabr 2022-ci il R. Behbudov adına mahnı teatrında "Kəlağayımız, əsrlərin yadigarı" adlı konsert proqramları keçirmişdir.

Sədrləri[redaktə | mənbəni redaktə et]

Üzvləri[redaktə | mənbəni redaktə et]

Kitablar[redaktə | mənbəni redaktə et]

  • Aşıq Pəri məclisi. Aşıqlar və el şairləri. (tərtib edənlər: N. Xatun, M. Əhmədov, Z. Yaqub). Bakı: Yazıçı, 1991, 440 səh.
  • Aşıq Pəri Məclisi. "Sazın-sözün zirvəsində". (layihə rəh.: Pərvanə Mustafayeva, red.: G. E. Tomarlı). Bakı, "QHT Nəşriyyat" MMC, 2019. 69 səh.
  • "Aşıq Pəri İnciləri" (şeir antologiyası. I kitab). (Pərvanə Zəngəzurlu, Güllü Eldar Tomarlı)
  • Aşıq Pəri Məclisi (Almanax). (Pərvanə Zəngəzurlu, Güllü Eldar Tomarlı)
  • Aşıq Pəri Məclisi "Zəfər Salnaməsi"
  • Aşıq Pəri Məclisi 2-ci "antologiya"
  • Ошик Пари инжалари. (шеърлар). (Гулли Елдор Туморли). Наманган, 2017.

İstinadlar[redaktə | mənbəni redaktə et]

  1. ↑ 1 2 3 ""Ozan dünyası" jurnalı. №1(1), 2010. səh.25" (PDF). 2016-03-07 tarixində orijinalından (PDF) arxivləşdirilib. İstifadə tarixi: 2015-11-15.
  2. ↑ İradə Sarıyeva. ""Aşıq Pəri" məclisi, Narınc Xatun..." Zirvə İnformasiya Mərkəzi (az.). zim.az. 18 may 2015. 2016-03-05 tarixində arxivləşdirilib. İstifadə tarixi: 2015-11-04.
  3. ↑ "Malik Balaşov, "Aşıq Pəri məclisinin yeni rəhbəri — PƏRVANƏ XANIM ZƏNGƏZURLU"". 2016-03-05 tarixində arxivləşdirilib. İstifadə tarixi: 2015-12-21.
  4. ↑ milli.az. "Aşıq Zülfiyyə toy qiymətini açıqladı" (az.). milli.az. 2012-02-21. 2018-01-23 tarixində arxivləşdirilib. İstifadə tarixi: 2018-01-23.
  5. ↑ "Xan çinar" qəzeti, № 1(62), yanvar, 2003-cü il
  6. ↑ "Sazı avtomatla dəyişən vətən qızı", "Laçın yurdu" jurnalı, № 1(21), 2017.
Mənbə — "https://az.wikipedia.org/w/index.php?title=Aşıq_Pəri_Məclisi&oldid=6890270"