Aşıq Umbay

Vikipediya, açıq ensiklopediya
Jump to navigation Jump to search
Aşıq Umbay
Aşıq Umbay.jpg
Sənətçi məlumatları
Doğum adı Umbay Sadıq oğlu Axundov
Doğum tarixi 21 mart 1941 (1941-03-21) (78 yaş)
Doğum yeri Laçın rayonu, Qarakeçdi
Peşəsi Aşıqlıq

Musiqi aləti Saz
Albom şirkəti 2 qramafon val (1989)
Mükafatları "Gənc Aşıqlar Festivalı" (1971), “Əməkdar mədəniyyət işçisi” (2016)
Commons-logo.svg Vikianbarda əlaqəli mediafayllar

Aşıq Umbay (Umbay Sadıq oğlu Axundov) — Azərbaycan aşığı, "Əməkdar mədəniyyət işçisi".

Həyatı[redaktə | əsas redaktə]

Aşıq Umbay 1941-ci il mart ayının 21-də Laçın rayonunun Qarakeçdi kəndində kolxozçu ailəsində anadan olub.[1]

1946-1953-cü illərdə 7 illik Qarakeçdi kənd məktəbini, 1953-1959-cu illərdə isə Minkənd kənd orta məktəbini bitirmişdir. 1968-ci ildə Həsən bəy Zərdabi adına Gəncə Dövlət Pedoqoji İnstitutunun tarix fakultəsinə daxil olmuş və 1974-cü ildə həmin institutu müvəfəqiyyətlə bitirmişdir.[2]

Gənc yaşlarından aşıq sənətinə böyük maraq göstərən Umbay Gəncəli Aşıq Maisdən 2 il aşıqlıq sənətinin sirlərini mənimsəmişdir.

1971-ci ildə rayonlararası "Gənc Aşıqlar Festivalı"nda birinci yerə çıxmışdır.

1976-cı ildə ümumittifaq festivalının laureatı olub qızıl medal alan Aşıq Umbayın 1989-cu ildə 2 qramafon valı yüksək tirajla satışa buraxılmışdır.

1992-ci ildə "Laçında dillənən saz" adlı şeirlər kitabı 7 min tirajla nəşr edilmişdir.

Azərbaycan Dövlət Televiziyasında "Şah İsmayıl" və "Laçın həsrəti" dastanlarını danışmışdır.

1984-cü ildə IV aşıqlar qurultayının üzvü olan Aşıq Umbay 2008-ci ildə keçirilən V aşıqlar qurultayının idarə heyətinin üzvü seçilmişdir.

Dövlət tədbirlərində mütamadi iştirak edən Aşıq Umbay hal-hazırda yazıb-yaratmaqla məşğuldur.

Mükafatları[redaktə | əsas redaktə]

Azərbaycan Respublikasının Prezidenti İlham Əliyevin sərəncamı ilə 15 iyul 2016-cı ildə Aşıq Umbay “Əməkdar mədəniyyət işçisi” fəxri adı ilə təltif edilib.[3]

Kitabları[redaktə | əsas redaktə]

  • "Laçında dillənən saz", 1992-ci il, 7 min tiraj.

İstinadlar[redaktə | əsas redaktə]

  1. Laçınlı Aşıq Umbayın Dədə Şəmşirlə görüşü //Ədalət.- 2015.-17 yanvar.- S.13.
  2. "Laçın yurdu" jurnalı, №1(1), 2011, Bakı, "Elm və təhsil", 2011.
  3. "Azərbaycan aşıqlarına “Əməkdar mədəniyyət işçisi” fəxri adının verilməsi haqqında Azərbaycan Respublikası Prezidentinin 15 iyul 2016-cı il tarixli Sərəncamı" (azərb.). Azərbaycan Respublikası Prezidentinin rəsmi internet saytı. president.az (15.07.2016). 16 iyul 2016 tarixində arxivləşdirilib. İstifadə tarixi: 16 iyul 2016.

Vikianbarda Aşıq Umbay ilə əlaqəli mediafayllar var.