A4

Vikipediya, açıq ensiklopediya
Keçid et: naviqasiya, axtar
A4
A4 aka T.Or
A4akator.jpg
Ümumi məlumatları
Doğum adı Orxan Tağıyev
Ləqəbləri A4, T.Or
Doğum tarixi 1 mart 1986 (1986-03-01) (31 yaş)
Bakı, Azərbaycan
Vətəndaşlıq Flag of Azerbaijan.svg Azərbaycan
Üslub Hip hop
Peşəsi Prodüser, Hip hop sənətçisi, Beat Maker
Fəaliyyət illəri 2003 - günümüz
Əlaqələri Xpert, Paster,Cәza 22
Albom şirkəti Synaps Production

Orxan Tağıyev ("A4" və ya "T.Or" kimi tanınır; 1 mart 1986, Bakı, Azərbaycan) – məşhur Azərbaycan reperi, musiqi prodüseri.

Həyatı[redaktə | əsas redaktə]

Orxan 1986-cı ildə Bakıda anadan olub. Hazırda bu şəhərdə yaşayır. İlk dəfə replə Anar Nağılbazın ifasında tanış olub. Repə əsas maraq isə orta məktəbin son siniflərində, 2000-ci illdən sonra yaranıb. Həmin dövrlərdə keçirilən bir çox "Rap Party"-lərdə dinləyici kimi iştirak edib. Elə qələmə aldığı ilk mətnləri də həmin dövrlərə təsadüf edir. İlk yazdığı mətnlər əsasən müharibə mövzusunda idi. Lakin bundan əlavə, sosial mövzulara da toxunmağa çalışırdı. Bu dövrlərdə televiziyadan verilən xarici repləri də dinləyir və janra marağı bir qədər də artır. Yazdığı mətnləri rep halına gətirərək yazdırmaq qərarına gəlir. Lakin maddi durumunu nəzərə alaraq bunu tək edə bilməyəcəyi qənaətinə gəlir. Birgə işləmək üçün ən az bir nəfər lazım idi uzun müddət axtarışlardan sonra uşaqlıq dostu Yavərilə birləşir. Mətnləri birləşdirib ifa ediləcək hala gətirdikdən sonra beat barədə düşünürlər. O zaman hər hansı bir ləqəbi olmayan Orxan internetdən tapıb yüklədiyi musqi parçalarını bir araya gətirərək beat yığır. Studiya axtarışları başlayır və nəticə olaraq "МИР" studiyasında səslərini yazdırmağa qərar verirlər. Yaranan qrupa ad seçmək lazım idi uzun sürən axtarışlardan sonra Orxan "Qanun" adını təklif edir və qrup elə belə də adlanır. Qanun adının seçilməsi təsadüfi deyildi. Belə ki, bu adı seçməklə özlərini qanunlar işləməyən ölkədə işləyən yeganə qanun (və ya NaQaN demişkən Qanunsuzluqda Qanun) kimi göstərmək istəyirdilər.

İlk vaxtlar[redaktə | əsas redaktə]

İlk səsyazmaları 2003-cü ildə baş tutdu. Həmin səsyazma zamanı, o zamanlar İsmayıl Qacar kimi tanınan Alovla və "Əqrəb" qrupunun uşaqları ilə tanış olurlar. Elə məhz Alov onlara ilk parçalarının yazılışıda back-ləri etməsi ilə kömək edir. Vaxt keçdikcə öz üzərlərində işləyir, yeni-yeni parçalar yazır, underground partylərdə iştirak edirdilər. Sonradan qrupa OD (o zaman Kam Lil) və BİZnessman (o zamanlar Charx) qoşulur və birlikdə bir çox treklər yazırır. Bir çox tədbirlərdə iştirak edirlər. Həmin dövrlərdə NaQaN və ToDa ilə tanış olurlar nəticədə tərkibinə Alov və sonradan Xpertin də qatılacağı B.İ.Z. BrotherhooD adlı birlik yaranır. Qızıl Aypara Azərbaycan üçün rep himn yazdırırlar. Bundan başqa birlik üzvləri bir-biriləri ilə və solo kifayət qədər trek buraxdırırlar. Bir neçə il sonra Xəzər dil kurslarına hazırığa gedərkən Orxan onun İngilis dili müəllimi olacaq hamınızın Ramires kimi tanıdığı Ağarəhim Poladovla tanış olur. Onun da replə maraqlandığı üzə çıxır və görüşlər təşkil olunaraq freestyle-lar deyilir, planlar qurulur. 2007-2008-ci illər arası hərbi xidmətdə olduğundan fəaliyyətində fasilə yaranır. Hərbi xidmətdən döndükdən sonra fəaliyyətə davam edir Kavkaz Clan və B.İ.Z. BrotherhooD üzvləri ilə birlikdə Synaps Production leyblının əsası qoyulur. Buna qədər isə Azərbaycanda ilk Yeraltı Rep saytını və eyni zamanda ilk onlayn rep radionusunu açır. Bu dövrdə T.Or ləqəbi ilə solo proyektlər və Synaps üzvləri ilə treklər işləyir. Bir qədər sonra fəaliyyətini müvəqqəti dayandırır. Belə ki, yazdıqlarında dəyişiklik etməli olduğunu, yeni tərz yaratmalı olduğunu və hazırki tərzinin rəqabətə davamlı olmadığını düşünür. Həmin dövrdə dəfələrlə yeni mətnlər yazılır və çox keçmədən cırılıb atılır. Nəhayət 2012-ci ilin sonlarında "Bir Balaca Rep" treki ilə bu dəfə A4 olaraq fəaliyyətini bərpa edir. Tamamilə yeni tərzlə yenidən dinləyicilərin marağını qazanmağa çalışır və bir çoxlarına görə A4 T.Or-u üstələməyi bacarır. Daha sonra Cəza 22 ilə duet "Ciddisən?" və Xpert və Pasterlə birlikdə yazılan "TTM" trackləri uğurlu alınır. Hazırda öz solo albomu və paralel olaraq Xpertlə birgə Qafiyə Qatilləri adlı albom üzərində işləyirlər.

Diskoqrafiya[redaktə | əsas redaktə]

Xarici keçidlər[redaktə | əsas redaktə]