Cek Cəmiyyəti

Vikipediya, açıq ensiklopediya
(ACİİB səhifəsindən istiqamətləndirilmişdir)
Jump to navigation Jump to search
Infobox museum pictogram.png
"Cek Cəmiyyəti" İctimai Birliyi
"Cek Cəmiyyəti" İctimai Birliyi
Növü İctimai Birlik
Yaranma tarixi 31 mart 2006
Rəsmi dili Azərbaycan
Cek
Mərkəzi Flag of Azerbaijan.svg Azərbaycan, Sumqayıt
SədriƏlhəddin Cekli
Üzvləriceklilər

"Cek Cəmiyyəti" İctimai Birliyi (əvvəlki adı: "Azərbaycan Cekli İcması" İctimai Birliyi) — Azərbaycanda ictimai birlik; Ceklilərin yaratdığı təşkilat.

Tarixi[redaktə | əsas redaktə]

Əvvəlki adı "Azərbaycan Cekli İcması" İctimai Birliyi (ACİİB) olan bu təşkilat 31 mart 2006-cı il tarixində ceklilər tərəfindən Sumqayıt şəhərində təsis edilmişdir[1][2].

Təşkilatın sədri Əlhəddin Cekli
Təşkilatın əvvəlki emblemi (31.03.2006-31.03.2011)

Əlhəddin Ceklinin rəhbərlik etdiyi bu birliyin əsas məqsədi ceklilərin sayını dəqiqləşdirmək, Azərbaycanın bu unikal etnosunun getdikcə yaddan çıxan tarixini, mədəniyyətini, dilini, adət və ənənələrini bərpa və təbliğ edərək qorunub saxlanılmasını təmin etmək, qlobal inteqrasiya sahəsində əməli fəaliyyət göstərməkdir.

Birliyin başlıca şüarı belədir: "Biz CAN deyirik! Yəni, Ceklilər Azərbaycan Naminə!"[3].

Xüsusi olaraq qeyd edək ki, "Azərbaycan Cekli İcması" İctimai Birliyinin 31 mart günü təsis edilməsi heç də təsadüfi deyildir. Belə ki, Azərbaycan xalqına qarşı törədilmiş bütün soyqırımı faciələrini qeyd etmək məqsədilə Prezident Heydər Əliyevin 26 mart 1998-ci il tarixli, 690 nömrəli "Azərbaycanlıların Soyqırımı haqqında" Fərmanı ilə 31 Mart Azərbaycanlıların Soyqırımı Günü elan edilmişdir[4]. Bu tarix Azərbaycan tarixinin faciəli səhifələrindən biri olduğu kimi, ceklilər üçün də faciəlidir. Çünki son iki əsrdə Qafqazda himayədarlarının dəstəyi ilə ermənilər tərəfindən məqsədyönlü şəkildə həyata keçirilmiş etnik təmizləmə və soyqırımı siyasəti bütün azərbaycanlılar kimi ceklilərdən də yan keçməmişdir. 1918-ci ilin yazında ermənilər tərəfindən həyata keçirilmiş soyqırımı zamanı Quba mahalında zərər çəkmiş kəndlərdən biri də məhz Cek kəndi[5] və zərər çəkmiş etnoslardan biri isə Cek kəndində və digər kəndlərdə məskunlaşmış ceklilər olmuşdur[6][7][8]. Bu fakt digər şahdağlılar kimi ceklilərin də demoqrafik inkişafına ciddi təsir göstərmişdir[9].

31 mart 2011-cı ildə "Azərbaycan Cekli İcması" İctimai Birliyinin təsisçilərinin qərarı ilə Birliyin adı dəyişdirilərək "Cek Cəmiyyəti" İctimai Birliyi olmuşdur[10].

11 iyun 2013-cü il tarixində "Cek Cəmiyyəti" İctimai Birliyinin "facebook" səhifəsi fəaliyyətə başlamışdır.

İstinadlar[redaktə | əsas redaktə]

  1. "Sumqayıt QHT-lərinin məlumat kitabçası", Sumqayıt-yanvar, 2007, səh. 6.  (azərb.)  (ing.)
  2. Tarixin bu günü və ya bu günün tarixi. 31 mart 2011. sia.az  (azərb.)
  3. Tərxan Paşazadə, "Azərbaycanın milli etnik nümayəndələri – ceklilər", "Azərbaycan Müəllimlər İnstitutunun Xəbərləri" (№ 1), Azərbaycan Müəllimlər İnstitutu, Bakı – 2009, səhifə: 35-43
  4. Azərbaycan Respublikası Prezidentinin 26 mart 1998 tarixli, 690 nömrəli Fərmanı
  5. Vaqif Arzumanlı, Vəli Həbiboğlu, Kamil Muxtarov, "1918-ci il qırğınları. Tarixi araşdırmalar", Bakı-1995, səh. 28.  (azərb.)
  6. Указатель географических названий
  7. Список селений Кубинского уезда, подвергшихся погромам в апреле-мае 1918 г.
  8. Солмаз Рустамова-Тогиди. "Куба. Апрель-май 1918 г. Мусульманские погромы в документах". Баку. 2010.
  9. Əlhəddin CekliTərxan Paşazadə, "Biz CAN deyirik! Yəni Ceklilər Azərbaycan Naminə!", "Kamal" jurnalı, № 3 (7), iyun 2010, səhifə 44-48.
  10. «Azərbaycan Cekli İcması» İctimai Birliyinin adının dəyişdirildi. 09.04.2011  (azərb.)

Xarici keçidlər[redaktə | əsas redaktə]