ACM Bölmələri

Vikipediya, açıq ensiklopediya
Keçid et: naviqasiya, axtar
ACM haqqında ümumi məlumata ACM səhifədə baxa bilərsiniz

ACM cəmiyyəti dünyanın beş qitəsində fəaliyyət göstərir və 100.000-dən artıq üzvü vardır. Üzvlərinə daha səmərəli xidmət göstərmək üçün ACM bölgələrə və üzvlərin maraqlarına görə lokal bölmələr yaratmışdır. Bu bölmələrin məqsədi eyni zonada yaşayan ACM üzvlərini və ya fərqli bölgələrdə yaşayan amma eyni maraq dairəsi olan ACM üzvlərini birləşdirmək, onlar arasında əlaqə qurmaq, onlar arasında müzakirə və paylaşma mühitini formalaşdırmaqdır.

Haqqında[redaktə | əsas redaktə]

ACMdə üç fərqli bölmə strukturu mövcuddur:

  • ACM professional birlikləri
  • ACM tələbə birlikləri
  • ACM xüsusi maraql qrupları

Hər bölməyə üzv olmaq istəyən şəxslər müəyyən kriteriyalara cavab verməlidir. Kriteriyalar ACM tərəfindən təyin edilir, amma lokal bölmələr bu kriteriyalara öz əlavələrini edə bilərlər. Bu bölmələr müxtəlif mövzularda seminarların, konfransları və digər tədbirlərin keçirilməsində təşkilatçı və ya dəstəkçi qismində iştirak edir.

ACM Professional Bölmələri[redaktə | əsas redaktə]

ACM Professional Bölmələri professional ACM üzvlərini bir çətir altında birləşdirir. Bu bölmələrə təkcə ACM üzvləri deyil, həmçinin digər informasiya kommunikasiya texnologiyası mütəxəssisləri də qoşula bilər. Bölgələr üzrə fəaliyyət göstərən professional bölmələrin sayı 50-dən artıq ölkədə 100-dən çoxdur. Bu bölmələr ölkə və ya qlobal miqyasda keçirilən keçirilən konfransların, mütəxəssislər üçün təşkil edilən seminarların, dərs proqramlarını və s. hazırlanmasına dəstək olur.

Azərbaycanda ACM Professional Bölmələri[redaktə | əsas redaktə]

Hal-hazırda Azərbaycanda fəaliyyət göstərən bir ACM Professional Bölməsi vardır və "Azərbaycan ACM Bölməsi" adlanır. Bölmə Azərbaycanda proqramlaşdırmaya, oyun proqramlarının yazılmasına həvəsi artırmaq üçün müxtəlif tədbirlər təşkil etmişdir.

ACM Tələbə Bölmələri[redaktə | əsas redaktə]

ACM Tələbə Bölmələri bölgədəki tələbələri birləşdirmək üçün yaradılır. Tələbə bölmələrinə həm ACM tələbə üzvləri, həm də digər tələbələr qoşula bilir. Bu bölmələrin dəstəyi ilə məktəblərdə və universitetlərdə kompüter elmləri, kompüter mühəndisliyi və digər sahələrin təbliği üçün bir çox sosial fəaliyyətlərin təşkilində iştirak edir. Dünyanın 30-dan artıq ölkəsində 150-dən çox ACM Tələbə Bölməsi fəaliyyət göstərməkdədir.

Azərbaycanda ACM Tələbə Bölmələri[redaktə | əsas redaktə]

Azərbaycanda ilk tələbə bölməsi 2011-ci ildə yaranmışdır və aktiv fəaliyyət göstərən iki tələbə bölməsi vardır:

  • Bakı Dövlət Universiteti ACM Tələbə Bölməsi
  • Qafqaz Universiteti ACM Tələbə Bölməsi

Bakı Dövlət Universiteti ACM Tələbə Bölməsi[redaktə | əsas redaktə]

BDU ACM Tələbə bölməsi Azərbaycanda yaradılan ilk ACM tələbə bölməsidir (23.05.2011). Bakı Dövlət Universitetinin nəzdində fəaliyyət göstərən tələbə bölməsi bir çox aktual İKT və hesablama texnologiyaları problemlərilə bağlı elmi xarakterli seminarlar təşkil etmiş və Azərbaycanda sahənin inkişafı üçün dəstəyinin əsirgəməmişdir.

Qafqaz Universiteti ACM Tələbə Bölməsi[redaktə | əsas redaktə]

QU ACM Tələbə Bölməsi Qafqaz Universiteti nəzdində fəaliyyət göstərən Qafqaz Universiteti İKT Elmi Tədqiqat Mərkəzi tərəfindən yaradılmışdır (05.01.2012). Tələbə birliyinin məqsədi digərləri kimi Azərbaycanda bu sahənin inkişafına, xüsusilə də robototexnika sahəsinə marağın yaranmasına və inkişafın sürətlənməsinə dəstək olmaqdır.

ACM Xüsusi Maraq Qrupları[redaktə | əsas redaktə]

ACM Xüsusi Maraq Qrupları yaşadığı zonadan asılı olmayaraq eyni sahənin problemlərini həll etməyə çalışan mütəxəssisləri birləşdirir. Bu qruplar İKT və hesablama texnologiyalarının mühüm problemlərinin həll edilməsində əvəzsiz rol oynamışdır. Dünyanın 30-dan artıq ölkəsində fəaliyyət göstərən 50-dən çox xüsusi maraq qrupları vardır. Bu qruplar iki əsas kateqoriya altında birləşir:

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. [1] SIGGRAPH rəsmi veb səhifəsi
  2. [2] SIGCHI rəsmi veb səhifəsi