AYAFE

Vikipediya, azad ensiklopediya
Jump to navigation Jump to search
AYAFE
Association of Young Azerbaijani Friends of Europe
Avropanın Gənc Azərbaycanlı Dostları Assosiasiyası
AYAFE-logo.png
Növü Qeyri-hökumət təşkilatı
Yaranma tarixi Noyabr 1997
Qeydiyyat tarixi Aprel 1998
Mərkəzi AYAFE Baş ofisi, Bakı
Qurucusu Mətin Kərimli
Sədri Qasım Xasməmmədli
Rəsmi internet saytı

Avropanın Gənc Azərbaycanlı Dostları Assosiasiyası (və ya qısaca AYAFE - Association of Young Azerbaijani Friends of Europe) - Azərbaycanda fəaliyyət göstərən könüllü qeyri-hökumət gənclər təşkilatı. Gənclər təşkilatı öz qarşısına Avropa və Azərbaycan gəncləri arasında əməkdaşlığı və bilik mübadiləsini inkişaf etdirmək, Azərbaycan həqiqətləri barədə dünya gənclərini məlumatlandırmaq, Azərbaycanda gənclər sahəsində dövlət siyasətinə dəstək olmaq kimi hədəflər qoymuşdur.

Tarixi[redaktə | əsas redaktə]

Avropanın Gənc Azərbaycanlı Dostları Assosiasiyası (AYAFE - Association of Young Azerbaijani Friends of Europe) 1997-ci ildə Bakı Dövlət Universitetinin tələbələri olan Mətin Kərimli və Anar Cahangirli tərəfindən yaradılmışdır. Azərbaycanda ilk könüllü gənclər təşkilatı olan AYAFE-nin əsas məqsədi könüllülüyün təşviq edilməsi və digər ölkələrin gəncləri ilə təcrübə və bilik mübadiləsi həyata keçirmək olmuşdur. AYAFE ilk beynəlxalq gənclər düşərgəsini 1998-ci ildə Şəki şəhərinin yaxınlığında yerləşən “Dəmiryol” məcburi köçkün düşərgəsində təşkil etmişdir. Bu tədbirin əsas beynəlxalq tərəfdaşı “Service Civil International”(SCI) təşkilatı olmuşdur. AYAFE 1998-ci ildən Service Civil International təşkilatının Azərbaycanda rəsmi tərəfdaşı, həmin ildən Azərbaycan Respublikası Gənclər Təşkilatları Milli Şurasının üzvüdür. AYAFE 2016-cı ildə qanunvericiliyin tələblərinə uyğun olaraq, Avropanın Gənc Azərbaycanlı Dostları İctimai Birliyi kimi yenidən dövlət qeydiyyatından keçmişdir. Hazırda təşkilatın sədr səlahiyyətlərini Qasım Xasməmmədli icra edir.

Fəaliyyəti[redaktə | əsas redaktə]

AYAFE-nin fəaliyyət göstərdiyi illər ərzində 100-lərlə azərbaycanlı gənc dünyanın müxtəlif bölgələrində, o cümlədən Avropa ölkələrində təşkil olunmuş beynəlxalq gənclər tədbirlərində iştirak etmişlər. Bundan əlavə, AYAFE hər il Azərbaycanda xarici könüllülərin iştirakı ilə gənclər düşərgələri və layihələr təşkil etmişdir. AYAFE-nin həyata keçirdiyi layihələr əsasən gənclərin potensialının, bilik və bacarığının artırılması, qaçqın və məcburi köçkünlərin hüquqlarının qorunması, ekoloji maarifçilik, gender bərabərliyi, alternativ gənclər turizmi kimi mövzulara həsr olunmuşdur. Təşkilatın 2016-2017-ci illərdə həyata keçirdiyi layihələrə müxtəlif universitetlərdə təşkil olunan “Gənclərin Könüllülük Forumları”, Gəncə və Şəkidə "Alternativ turizm sahəsində gənclərin potensialının gücləndirilməsi" adlı layihə və “Bizim ebru dünyamız” adlı sərgini misal gətirmək olar.

Həmçinin təşkilat bir çox qurumlar və təşkilatlar ilə əməkdaşlıq edir. 1 aprel 2017-ci il tarixində AYAFE ilə ASAN Könüllüləri İctimai Birliyi arasında əməkdaşlıq haqqında memorandum imzalanmışdır. Memorandum Azərbaycan gənclərinin yerli və beynəlxalq könüllülük proqramına, təlimlərə, layihələrə və müvafiq tədbirlərə cəlb edilməsi, xaricdə yaşayan gənclərin Azərbaycan ilə tanış olmasına şərait yaradılması, alternativ turizm sahəsində əməkdaşlıq çərçivəsində ASAN Könüllülərinin rolunun gücləndirilməsi, dövlət proqramları və milli fəaliyyət planlarında yeralmış qarşılıqlı maraq kəsb edən və beynəlxalq sahə ilə bağlı fəaliyyətlərdə gənclərin iştirakının təmin edilməsi, bu sahələrin keçirilməsi sahəsində əməkdaşlığı əhatə edir.

Tərəfdaşları[redaktə | əsas redaktə]

AYAFE-nin tərəfdaşlıq və əməkdaşlıq etdiyi yerli və beynəlxalq qurum və proqramlar:

  • Azərbaycan Respublikasının Gənclər və İdman Nazirliyi
  • QHT-lərə Dövlət Dəstəyi Şurası
  • Azərbaycan Gənclər Fondu
  • Azərbaycan Respublikası Gənclər Təşkilatları Milli Şurası
  • ASAN Könüllüləri İctimai Birliyi
  • Service Civil International (SCİ)
  • ERASMUS + Projects
  • EVS Proqramı
  • AIESEC

Xarici keçidlər[redaktə | əsas redaktə]

İstinadlar[redaktə | əsas redaktə]

[1] [2] [3]