A sekko

Vikipediya, açıq ensiklopediya
Keçid et: naviqasiya, axtar
Penvisdə Müqəddəs Jüst icma kilsəsinin daxili divarında a sekko texnikası ilə çəkilmiş rəsm. Rəsmdə əjdahanı öldürən Müqəddəs Georgi təsvir edilib. (Kornuoll, Böyük Britaniya, XV əsr)

A sekko və ya Fresko-sekko (it. a secco — "qurunun üzərinə", fresco-secco — "quru freska") — divar rəssamlığı texnikası. Freskadan fərqli olaraq, sərt, qurumuş və təkrar nəmləndirilmiş suvaq üzərinə çəkilir. Bu rəsm texnikasında bitki mənşəli yapışqana və ya yumurtaya ovxalanmış, yaxud da əhənglə qarışdırılmış boyalardan istifadə edilir.

Sekko işin sürətini artırmağa, iş günü ərzində freskaya nəzərən daha çox sahədə rəsm çəkməyə imkan verir, lakin freska qədər uzunömürlü deyil.

A sekko texnikası orta əsr rəssamlığında freska ilə eyni dövrdə yaranmış və xüsusilə XVII-XVIII əsrlərdə Avropada geniş yayılmışdı.

Məşhur sekko rəssamları[redaktə | əsas redaktə]

  • Cotto
  • Cun Makevan — şotland rəssamı.
  • Beohar Rammanohar Sinha — hind rəssamı.
  • Rudolf F. Zallinger (1919 — 1995) — amerikalı rəssam.

Xarici keçidlər[redaktə | əsas redaktə]