Abbas Qasımov (20 Yanvar şəhidi)

Vikipediya, azad ensiklopediya
Jump to navigation Jump to search
Abbas Qasımov
Abbas Şəmməd oğlu Qasımov
Abbas Qasımov (şəhid).jpg
Doğum tarixi
Doğum yeri Balıqlı, Ağbaba mahalı, Ermənistan SSR, SSRİ
Vəfat tarixi (23 yaşında)
Vəfat yeri Bakı, Azərbaycan SSR, SSRİ
Vəfat səbəbi Sovet Ordusunun təcavüzü
Dəfn yeri Şəhidlər Xiyabanı
Vətəndaşlığı Azərbaycan Azərbaycan
Atası Şəmməd Qasımov
Anası Zöhrə Abdalova
Milliyyəti azərbaycanlı

Abbas Şəmməd oğlu Qasımov (d. 10 iyun 1966; Balıqlı, Ağbaba mahalı, Ermənistan SSR, SSRİö. 19 yanvar 1990; Bakı, Azərbaycan SSR, SSRİ) — 20 Yanvar şəhidi[1].

Həyatı[redaktə | əsas redaktə]

Abbas Qasımov 1966-cı il iyunun 10-da Ermənistan SSR, Amasiya rayonunun Balıqlı kəndində anadan olmuşdur. Abbasın 3 yaşı olanda atası vəfat edib[2].

1988-ci ilin aprelində Ermənistandan, dədə-baba yurdundan qovulublar. Köçü gətirəndə Abbas evlərinin əşyalarını yüklədiyi "Kamaz" maşını Gürcüstan istiqamətilə gedərkən aşmış, təsadüf nəticəsində Abbas sağ qalmışdır. Söz var deyərlər, yetim üçün ay da, gün də qaradır. Abbas o təhlükədən sovuşdu, Bakıda isə yağı gülləsinin qurbanı oldu.

Heç yerə işə düzələ bilməmişdi. Günəmuzd fəhləlik edirdi.

2 qardaşı, bir bacısı var. Subay idi.

Həmin gün təxminən gecə saat 12-də bibisi oğlu ilə evdən çıxıb. XI Qızıl Ordu meydanına çatar-çatmaz işıqlar söndürülmüş və hərbçilər dinc əhalini atəşə tutmuşlar. Abbas yaralanmış, təxminən saat 3-də Respublika xəstəxanasına gətirilmiş, 4 saatdan sonra keçinmişdir. O vaxt xəstəxananın işıqları söndürülübmüş. Cərrahiyyə əməliyyatı şam işığında aparılıb.

Şəhidlər xiyabanında dəfn olunub.

Həmçinin bax[redaktə | əsas redaktə]

İstinadlar[redaktə | əsas redaktə]

  1. "20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 17 yanvar 2000-ci il tarixli 259 saylı Fərmanı
  2. "Qulu Kəngərli, "Qara Yanvar şəhidləri", Bakı, "Gənclik", 1992" (PDF). 2015-07-17 tarixində arxivləşdirilib (PDF). İstifadə tarixi: 2015-07-17.