Abdulla Abbas

Vikipediya, azad ensiklopediya
Jump to navigation Jump to search
Abdulla Abbasov
Əsgər oğlu
Doğum tarixi
Doğum yeri Quba, Azərbaycan SSR
Vəfat tarixi (90 yaşında)
Vəfat yeri Bakı, Azərbaycan
Vətəndaşlığı
Elm sahələri ədəbiyyatşünas, tənqidçi
Elmi dərəcəsi filologiya elmləri doktoru
Elmi adı professor
Mükafatları "Azərbaycan Respublikasının əməkdar müəllimi" fəxri adı — 2009

Abbasov Abdulla Əsgər oğlu (Abdulla Abbas 9 mart 1930, Quba23 fevral 2021, Bakı)ədəbiyyatşünas, tənqidçi, filologiya elmləri doktoru (1976), professor (1977).

Həyatı[redaktə | mənbəni redaktə et]

Abdulla Abbas 1930-cu il martın 9-da Quba şəhərində anadan olmuşdur. Burada orta məktəbi bitirdikdən sonra Quba Dövlət Müəllimlər İnstitutunda təhsil almışdır (1948–1950). Azərbaycan Dövlət Universitetinin filologiya fakültəsində təhsilini davam etdirmişdir (1950–1955).

Əmək fəaliyyətinə Quba şəhər orta məktəbində müəllim kimi başlamışdır. Azərbaycan Dövlət Universitetinin aspiranturasına daxil olmuş (1962–1964), müasir ədəbi proses mövzusunda dissertasiya müdafiə etdiyinə görə fılologiya elmləri namizədi alimlik dərəcəsinə layiq görülmüşdür (1965).

Hazırda Azərbaycan Dövlət Universitetinin çağdaş Azərbaycan ədəbiyyatı kafedrasında çalışır (1970-ci ildən). Eyni zamanda Ali İctimai-Siyasi Kollecin filologiya fakültəsinin dekanıdır (1995-ci ildən). Azərbaycan ədəbiyyatı tarixinə dair mühazirələr oxuyur, elmi tədqiqatla ardıcıl məşğul olur. Uzun illər filologiya fakültəsinin ixtisaslaşdırılmış müdafıə şurasının və elmi-pedaqoji şuranın üzvü olmuşdur.

Azərbaycan Respublikası Prezidenti yanında Ali Attestasiya şurasının üzvüdür (1997). Dövri mətbuatda elmi-nəzəri məqalələrlə çıxış etmişdir. Müasir yazıçılar barədə oçerklər, ədəbiyyat tarixinin az öyrənilmiş sahələri yaradıcılığında əsas yer tutur. "Üzeyir Hacıbəyovun sənətkarlığı" mövzusunda doktorluq dissertasiyası müdafiə etmişdir (1976). "Azərbaycan sovet ədəbiyyatı" dərsliyinin şərikli müəllifıdir (1988).

30 oktyabr 2009-cu il Azərbaycanda təhsilin və elmin inkişafındakı xidmətlərinə görə Azərbaycan Respublikasının Prezidenti İlham Əliyev tərəfindən "Əməkdar Müəllim" fəxri adı ilə təltif olunub.

23 fevral 2021-ci ildə vəfat etmişdir[1].

Əsərləri[redaktə | mənbəni redaktə et]

  1. Üzeyir Hacıbəyovun sənətkarlığı. Bakı: Gənclik, 1976, 140 səh.
  2. Əbədiyyətə qovuşan sənətkar. Bakı: Yazıçı, 1985, 248 səh.
  3. Mətbuat və ədəbiyyat. Bakı: ADU nəşriyyatı, 1986, 98 səh.
  4. Müasir Azərbaycan dramaturgiyasının inkişaf tarixindən. Bakı: Azərnəşr, 1987, 96 səh.

Mənbə[redaktə | mənbəni redaktə et]

Həmçinin bax[redaktə | mənbəni redaktə et]

  1. "Arxivlənmiş surət". 2022-07-06 tarixində arxivləşdirilib. İstifadə tarixi: 2021-02-23.